تجاربي مع الشركات -أرجوا الإستفادة -

[athena7red]

انا قريب نخلص دكتورا السببالدي اصبح معهود عندي هو: الشهادة تفوق المنصب المطلوب....شيئ محبط....و المرة التي حصلت فيها على عمل انهي عقدي من طرف المدير (تقني فقط و ليس تقني سام) لانه قرر اني غير مؤهلة لان الدكاترة لا يفهمون (بالحرف الواحد) ثم وظف ابن رئيس الدائرة لانه..ابن رجل يخدم الوطن.. و لانه رجل...و يقولها المدير في وجهي دون استحياء....المهم الشدة في ربي و البحث متواصل حتى تجد قسمك من رزق ربي....ربي ارزقنا جميعا من عندك انك الكريم الرزاق

[chafikusmm]

بار ك الله فيك خويا

[آسيا 25]

السلام عليكم
أخي أنا مهندسة دراسات توظفت منذ سنتين في مؤسسة سونلغاز,و الله العظيم دون معريفة أخي و لكن ما تبعثلهمش cv بالإنترنت لازم تسنى يحطو عرض في مكاتب التشغيل تروح تهز le bulletin و من بعد تفوت مسابقة شفوية+نفسي-تقنية و إذا كلاسيت يعيطولك و لكن ليس دائما مثلا أنا جوزت مسابقة في فرع من فروع سونلغاز من قبل و نجحت وداولي بلاصتي لكن ما يأستش و زدت جوزت في فرع آخر و بعد إنتظار مدة 6 أشهر(حتى ويست)عيطولي والحمد لله و بنهاري مرسمة لهذا ننصحك أخي ما تيأسش و حاول تراقب العروض الموضوعة في مكاتب التشغيل.
بالتوفيق أخي.

[أسامه123]

حتّى الشركات الاجنبية فيها المعريفة أخي -- شركات اجنبية لكن ادارة جزائرية عفنة-- يخلعوك برك بالهدرة

انا فوتت تاست الثاني في الشلومبارجي ( أي بعد تاست الاول الكتابي) المفروض فيه 4 اختبارات تقديم نفسك+عمل جماعي+تركيب ماكينة+مقابلة وجه لوجه

المهم كنّا 7 ممتحنين الثامن جا روطار ب ساعة ومبعد دار بريزونتاسيو برك ومبعد كي رحنا نفطرو جا الريكريتور وعيطلو هدرو معا بعضاهم شوي بعيد علينا ومبعد

قالنّا صاحبنا تهالاو في رواحكم و على خير عرفنا بلي الماتش مبيوععععععع

المهم وش كان مكّبلك ربّي تديه ما يناحيهولك حتّا واحد--- المهم الواحد يسعى برك

[م.فاطمة]

بلاد الحقرة المعرفة بلاد الظلم والظلمات حسبنا الله ونعم الوكيل رغم خبرتي وعملي في جميع الاماكن وطنية اجنبية وخاصة انا دون شغل وافهم تمام مايحدث دولتنا مستحيل تتغير النظام هو هو لا مكان للكفاءة المهم انت من طرف من وانت ولكن رغم كل هذا الارزاق بيد الله ,الطرق التي تقربنا لله ننساها ونتبع السبل التي لا جدوى منها ,انا انصحك بان تقوم قبل الفجر بساعة وتكثر الاستغفار ,الاستغفار بالاسحار ذلك اهم من كل ماقمت به جرب وسترى ان شاء الله النتيجة

[canada_13]

ربي يفرج علينا ان شاء الله

[صمت الرجوله]

المشاركة الأصلية كتبت بواسطة آسيا 25

السلام عليكم
أخي أنا مهندسة دراسات توظفت منذ سنتين في مؤسسة سونلغاز,و الله العظيم دون معريفة أخي و لكن ما تبعثلهمش cv بالإنترنت لازم تسنى يحطو عرض في مكاتب التشغيل تروح تهز le bulletin و من بعد تفوت مسابقة شفوية+نفسي-تقنية و إذا كلاسيت يعيطولك و لكن ليس دائما مثلا أنا جوزت مسابقة في فرع من فروع سونلغاز من قبل و نجحت وداولي بلاصتي لكن ما يأستش و زدت جوزت في فرع آخر و بعد إنتظار مدة 6 أشهر(حتى ويست)عيطولي والحمد لله و بنهاري مرسمة لهذا ننصحك أخي ما تيأسش و حاول تراقب العروض الموضوعة في مكاتب التشغيل.
بالتوفيق أخي.

وين تسكني في قسنطينة و ماهو اختصاصك...انا عندي ماستر هندسة ميكانكية انا اعمل عمل خاص و انتظرناهم سنين و لا مرة عيطو....راهم يعيطوا غير الشركات لي خالصة عليهم
هل يوجد معكم مهندسين ميكانيك؟هل يتم توظيفهم؟
شكرا مسبقا

[جاير العذاري]

السلام عليكم و رحمة الله و بركاته ... صراحة الشئ الذي أعجبني و شد انتباهي هو تعلق هؤلاء الشباب بربهم عزوجل و هذا و الله مايريده ربنا و تعالى من منا و اريد تنبيهكم على شئ مهم اخواني في الله ...أكبر عائق و مانع من التوفيق هو اقتراف الذنوب و المعاصي...فليراجع كل منا نفسه قال تعالى " و من يتق الله يجعل له مخرجا و يرزقه من حيث لا يحتسب و من يتوكل على الله فهو حسبه"

[سرب النحل]

الشركات اللي الخدمة بالكونترا سواء 3 اشهر او 6 اشهر ...لما تروح تفوت التاست اكيد راح يكون مع شاف دو بروجي او المدير انتاع المشروع بعدها لما تنهي التاست راح يقولك ضرك نعيطولك لازم تفهم بلي راهم حاوزوك
-لكن قبل ما تفوت التاست لازم تجيب معاك المعريفة هي اللي تجيبلك الفاكس فيه الدوسي انتاع الخدمة وفيه اسمك هنا الهدرة خلاف...اما حكاية التاست هي طريقة روتينية يديرها drh باه يبين بلي راهو يخدم على روحو وعيط للناس بلي ما لقاوش لي يصلح
-بالنسبة الى تجربة صديق هو جاري وقريب لي كان سابقا يحط السيرة الذاتية ويروح يفوت التاست وكان ديما يقولولو درك نعيطولك ...بعدها اتصل بواحد المعريفة هو اللي جابلو عقد العمل بسوناطراك يعني مدلو رقم الفاكس هو بعثلو دوسي فيه اسمو حتى انو ما فوتش التاست

[canada_13]

شفت كيفاه المعريفة اديييييييير كلش .............هههههههههههههههههههههه
الله يفرج علينا

[saadtaa]

أخي canada_13 قصتك مؤثرة جدا و لكن قال الله تعالى في محكم التنزيل... إن الله لا يضيع عمل عامل...لك كل الإحترام على صبرك و فتح الله لك أبواب فضله...آميــــــــــــــــــــــــــن.

[Lamis.]

يعجز اللسان عن الحديث

[lalib40]

كاين جماعة المعريفة وكاين الي بلا معريفة باش اعولو عليهم في الخدمة هكذا كل الشركات

[adeltopo85]

من داك نتعب ونكره وافقد الامل لكن نستغفر ونتفكر بلي ربي كاين ربي يفرج علينا ولا تفقدو الامل اما المسؤولين الاستغلاليين واش تدير تخلص حنا عندنا ربي لامعريفة ربي يفرج ويفتح علينا وشكرا

[AnnaOrki]

بالحديث عن السيرة الذاتية هل ارفاق الصورة امر ضروري ؟