انعدام النية في وقتنا(زواج)

[younes29]

السلام عليكم
اود انقل لكم قصة صديقي لي ادهشتني و سببت لي احتراق النورونات في المخ
صديقي متحصل على ماستر يعمل و يسكن مع الوالدين اراد الزواج
شروطه ان تكون متعلمة (جامعية) اما فيما يخص العمل فانه موضوع قابل للنقاش
المهم تقدم لفتاة ما شاء الله تدرس سنة 1 جامعي تمت الرؤية الشرعية تكلم معها انه سيسمح لها باكمال الدراسة (سنتين ليسانس) و لكن العمل في هدا الوقت لا (في المستقبل قابل للنقاش) . قبلت الفتاة و اهلها .
بعد مدة اراد ان يدفع المهر (حوالي اسبوع) فادا بام الفتاة تتصل و تقول انها ابنتها تريد العمل (ان كان يسمحلها تعمل مرحبا و ان كان لا ربي يجيبلك من جيهىة وحدوخرا) الى هنا لم اندهش لكن ما ادهشني قولها العمل للمرأة في هدا الوقت ضروري غدوة تطلق تلقى خدمتها
كيف تفكر في الطلاق من يوم الخطبة لا حول و لا قوة الا بالله
على العموم اصبح البحث عن زوجة في وقتنا هدا رحلة شاقة و متعبة و في الاخير تبقى شاد قلبك صاريلها كيما الدلاعة حتى تحلها تعرف ادا مليحة و لا لا
اللهم ارزقنا زوجات صالحات

[رقة زمان]

من حقها ان تخاف ....صديقك ادا كان يريد زوجه ماكثة بالبيت لمادا دهب الى الجامعيه ...اغلب بناتنا الجامعيات يتخرجن ويعملن فورا ...

[rose de sable s]

و عكس صحيح كاين لبنات لي ملقوش زوج متاسب
ممكن تتزوج مراءة و لا تتفاهم مع رجل او يتوفي و عينات كثيرة في مجتمعنا لذلك الناس دير لحساب هذا لي يقولو زواج ليلة تدبيرة عام
اعلم انك ستقول علات تقايل للشر لكن ان رجعت للمنطق تجده صحيح
ربي يرزقنا ازواج صالحين

[hodayena]

نورمال خويا عادي الناس راهي توجد ديار لبناتها باه ادا طلقو يلقو وين يروحو النية خلاصت من الراجل و المرءة وانا مع المرءة تعمل لانو الراجل نهار يطلق مراحش يرحم ولادو النفقة 500الف يحسبها 10ملاين ويحوس ينقص ويصيب لوكان كامل ميصرفش تخمم في ولادها قبل روحها لانو المرءة الخدامة ولادها ميتميزروش كيما وحدة قاعدة في الدار

[biba.fbi]

سلام
انا نظن من حقها ام لعروس تقول هاك
لانو الي اولو شرط اخرو نور
تعلمو من ضروك باش من بعد ما تقولوش كيفاه و علاه زعما يتفاهمو مليح قبل ما تطيح الفاس بالراس
انا نظن لوكان الراجل صح حابها تخدم و قابلهالها ما تجيهش غريب كان قادر يقولها ايه راني قابل هوا ما عندو ماراه خاسر . اما اذا كان ناوي نية وحدوخرا زعما تكمل ليسانس و يريحها ف الدار و ما تخليها تخدم نقول بلي لمرا عندها الحق هنا هذا راه زواج ماشي حاجا هكذاك و تفوت لازم كلشي يبان و تتحط النقاط ع الحروق قبل اي خطوة يتخذوها و يعشوا مندمين
و الله ولي التوفيق

[Hillin]

الواقع لي رانا فيه يستلزم المصارحة و التفاهم من أولها
في الحق غلطة صارت في القصة تعرف وين؟ لما اتفقو وقبلو ومن بعد صار التراجع
انت قلت صاي تفاهمو من بعد لما تفاهمو يقعد غير يتفاهمو؟ ؟؟؟؟؟؟؟؟؟؟؟؟؟
من حق الام انها تتطالب بعمل بنتها كشرط واضح ف أول لقاء يليه رضا الأطراف أما تقول حاجة و صاي كيعطوله الكلمة ترجع تقول حاجة وحداخرا سي با نورمال
لازم صاحبك يقرر ماكثة ولا عاملة هاكا رح تسهال مهمته أما يشرط مكوثه في البداية ويقول ناقش عملها في المستقبل (غريب بعض الشيء)
شكرا على الموضوع القيم
تحياتي

[موسى عبد الله]

يا اخي علاش توصلو رواحكم شوف اذا كانت الدار الغالب ان المراة هي كلشي اخطيكم منها
كان الاولى يسال عن ولدها ثم يقرر اما انه امها تتصل و تقول بنتي تخدم هذا من لطف الله به
و خيرها في غيرها
حتى صديقك اخطئ بقوله مسالة العمل تبقى للنقاش
احسم امرك من الاول

[مــحــمــد]

لا حول ولا قوة إلا بالله

[younes29]

المشاركة الأصلية كتبت بواسطة رقة زمان

من حقها ان تخاف ....صديقك ادا كان يريد زوجه ماكثة بالبيت لمادا دهب الى الجامعيه ...اغلب بناتنا الجامعيات يتخرجن ويعملن فورا ...

إدن ادا اخدنا مبدا ان كل وحدة جامعية لازملها تخدم ادن لازم يشوف وحدة جاهلة

المشاركة الأصلية كتبت بواسطة rose de sable s

و عكس صحيح كاين لبنات لي ملقوش زوج متاسب
ممكن تتزوج مراءة و لا تتفاهم مع رجل او يتوفي و عينات كثيرة في مجتمعنا لذلك الناس دير لحساب هذا لي يقولو زواج ليلة تدبيرة عام
اعلم انك ستقول علات تقايل للشر لكن ان رجعت للمنطق تجده صحيح
ربي يرزقنا ازواج صالحين

لهدا كتبت في العنوان انعدام النية من البداية سوء الظن و التأويلات

المشاركة الأصلية كتبت بواسطة hodayena

نورمال خويا عادي الناس راهي توجد ديار لبناتها باه ادا طلقو يلقو وين يروحو النية خلاصت من الراجل و المرءة وانا مع المرءة تعمل لانو الراجل نهار يطلق مراحش يرحم ولادو النفقة 500الف يحسبها 10ملاين ويحوس ينقص ويصيب لوكان كامل ميصرفش تخمم في ولادها قبل روحها لانو المرءة الخدامة ولادها ميتميزروش كيما وحدة قاعدة في الدار

ادا يزوجها و يبنيلها دار كي تتطلق ... الاولى يخيلها عندو في الدار ما يزوجهاش

[younes29]

المشاركة الأصلية كتبت بواسطة biba.fbi

سلام
انا نظن من حقها ام لعروس تقول هاك
لانو الي اولو شرط اخرو نور
تعلمو من ضروك باش من بعد ما تقولوش كيفاه و علاه زعما يتفاهمو مليح قبل ما تطيح الفاس بالراس
انا نظن لوكان الراجل صح حابها تخدم و قابلهالها ما تجيهش غريب كان قادر يقولها ايه راني قابل هوا ما عندو ماراه خاسر . اما اذا كان ناوي نية وحدوخرا زعما تكمل ليسانس و يريحها ف الدار و ما تخليها تخدم نقول بلي لمرا عندها الحق هنا هذا راه زواج ماشي حاجا هكذاك و تفوت لازم كلشي يبان و تتحط النقاط ع الحروق قبل اي خطوة يتخذوها و يعشوا مندمين
و الله ولي التوفيق

المشكلة انهم قبلوا ثم صار التراجع

المشاركة الأصلية كتبت بواسطة hillin

الواقع لي رانا فيه يستلزم المصارحة و التفاهم من أولها
في الحق غلطة صارت في القصة تعرف وين؟ لما اتفقو وقبلو ومن بعد صار التراجع
انت قلت صاي تفاهمو من بعد لما تفاهمو يقعد غير يتفاهمو؟ ؟؟؟؟؟؟؟؟؟؟؟؟؟
من حق الام انها تتطالب بعمل بنتها كشرط واضح ف أول لقاء يليه رضا الأطراف أما تقول حاجة و صاي كيعطوله الكلمة ترجع تقول حاجة وحداخرا سي با نورمال
لازم صاحبك يقرر ماكثة ولا عاملة هاكا رح تسهال مهمته أما يشرط مكوثه في البداية ويقول ناقش عملها في المستقبل (غريب بعض الشيء)
شكرا على الموضوع القيم
تحياتي

تمت اولا الخطبة من طرف الام و القبول المبدئي ثم اثناء الرؤية الشرعية سمع من الفتاة القبول النهائي
اما فيما يخص العمل هو يريدها ماكثة في البيت لانه ماديا مستقر فلما عمل الزوجة في المستقبل امور لا يعلمها الا الله

المشاركة الأصلية كتبت بواسطة موسى عبد الله

يا اخي علاش توصلو رواحكم شوف اذا كانت الدار الغالب ان المراة هي كلشي اخطيكم منها
كان الاولى يسال عن ولدها ثم يقرر اما انه امها تتصل و تقول بنتي تخدم هذا من لطف الله به
و خيرها في غيرها
حتى صديقك اخطئ بقوله مسالة العمل تبقى للنقاش
احسم امرك من الاول

هو رأيه الخاص لا أدري لمادا

[rose de sable s]

ليس معناه انعدام النية لكن هي تخاول ضمان مستقبلها
كيما يقولو يديرو للزمان حساب رغم ام كل شئ بيد الله
خاصة ام رجال لا يحبون كثرة انفاق في امور يروها تافهة
فالمراة تحتاج اشياء كثيرة لتعتني بنفسها و رجل يريد ان تتزين له زوجته دون ان ينفق دينار اتكلم عن اغلبية لا الكل
او عندما تريد ذهاب الي عرس لا يحب ان يعطيها ثمن حلاقة او لمباركة و اشياء اخري
مهم تفاهم من اول و توكل علي الله

[nihal159]

السلام عليكم و رحمة الله وبركاته
أنا أضن أنها ما قراتش فيه النية الصافية لأن موقفه ما هوش واضح وحازم فيه شيء من المرونة
ونقولك حاجة المرأة إذا ما خدمتش من النهار الأول تاع الزواج ما تقدرش تخدم مرة أخرى لأنها ما تعرفش كيفاش رايحة تنظم نفسها بين الخدمة و الدار و الأولاد
لكن مادام راك تقول بلي صديقك مكتفي ماديا و قادر يوفرلها حياة كريمة واش دير هي بالخدمة؟؟

[younes29]

المشاركة الأصلية كتبت بواسطة nihal159

السلام عليكم و رحمة الله وبركاته
أنا أضن أنها ما قراتش فيه النية الصافية لأن موقفه ما هوش واضح وحازم فيه شيء من المرونة
ونقولك حاجة المرأة إذا ما خدمتش من النهار الأول تاع الزواج ما تقدرش تخدم مرة أخرى لأنها ما تعرفش كيفاش رايحة تنظم نفسها بين الخدمة و الدار و الأولاد
لكن مادام راك تقول بلي صديقك مكتفي ماديا و قادر يوفرلها حياة كريمة واش دير هي بالخدمة؟؟

النية الصافية لا علاقة لها بموقفه
الخاطب كلامه واضح في الوضع الراهن مكتفي ماديا فلا حاجة لها بالعمل لكن عندما تدخل حسابات الطلاق و النية الفاسدة و الادهى ان الفتاة لا تزال سنة اولى جامعي فكرت في العمل ثم الطلاق و هي لا تزال طالبة
هنا لا يبقى الا ان نقول اللهم اصلح حالنا

[rose de sable s]

حياه تريك عجب كان فتاة تزوجت و توقفت عن دراسة لاجل زوجها و ولدت بنت ثم طلقت كيف ستكمل حياتها في رايك ة هي في عشرنات من العمر
و اقرا قصة حياتي 1

https://www.djelfa.info/vb/showthread.php?t=1850944
ستري فرق و لما ناس يقرؤن حذرهم والله اعلم

[ahmed 31]

السلام عليكم،
هي من البداية لاتوجد نية صافية إطلاقا لا من جهة الرجل و لا من جهة المرأة،
كان من الأولى أنها تشترط العمل و له أن يرى إن كان هذا الأمر مقبول بالنسبة له أم لا،
يعني هنا راهم تمسخروا بيه، و لا أتهم أحد و لكن على ما يبدو الأب ليس له كلمة و إلا المرأة لا تتجرأ و تقوم بهذا الفعل،
على ما أظن ربي هناه منها،
أما بالنسبة لإنعدام النية فهذا أيضا لأن الكثيرمن الناس يخسروا ولهذا تجد الرجل يحسب 1000 حساب و المرأة كذلك، تخيلوا من يتجنب الإنجاب من السنة الأولى ويمكن حتى يتأكد من صدق زوجته،
الدلاع إلا ماعجبكش تقيسو والمرأة يا خويا إلا ماكانتش مليحة و صالحة كبر عليك أربعا.
أنا النورونات تاع مخي تحرقوا هذاك العام.
الله يجيب الخير.
سلام