تارت التفاح بنييييينة

lمنال · 2015-11-17, 14:50

سبق وحطيت وصفة لتارت التفاح واليوم حبيت نتقاسم معاكم وصفة وطريقة اخرى عجبتني وبنيييييييينة واقتصادية في متناول الجميع ان شاء الله .
المقادير

بالنسبة للعجينة

- 3 بيضات تكيليهم في كاس بحيث هذاك الكاس يكون يرفع الثلاث بيضات
-نفس مكيال البيض سكر
- نفس المكيال زيت
- واحدة خميرة
- فانيليا
-قرصة ملح
- فرينة تلمي بيها العجينة
تخلطي كل هذه المقادير حتى تتلم عجينة غطيها وحطيها على جنب .

بالنسبة الحشوة

- تفاحة كبيرة او تفاحتين متوسطين
- 5 ملاعق كبيرة مربى ( انا درت مربى المشماش )
- 1 ملعقة كبيرة مايزينة
- 2ملاعق سكر قلاصي اي ( سكر ناعم )
- فانيليا
- فنجال صغير ماء

بالنسبة للحشوة نقشر التفاح ونبرشه ونضعه في كاسرونة نضيف عليهم المربى والنشاء و السكر رطب و الماء ونخلطهم مع بعض ونحطهم على نار قليلة شويا برك وامبعد انخليها على جنب تبرد

نرجع للعجينة ناخذ منها جزء صغير نخليه على جنب باش انديرو بيه اشرطة في الاخير فوق لاتارت
ناخذ العجينة ونحلها بالحلال ونحطها فوق سينية لاتارت و نعدل الجوانب بقطاعة البيتزا باش تجي مرتبة نثقب العجين بالشوكة ونحط الحشو فوقها
ناخذ الجزء الصغير تاع العجينة اللي خليناه و نحاها ثم انقطعها شرائط باش انديرو بيه كادرياج فوق الطارطة للتزيين ثم نطخلها للفرن على درة حرارة متوسطة
راني درت بعض الصور باش تشوفو

جربوها راهي بنييييييييينة ما راحش تندمووو وما تنسوش التقيييييييييييم

وفي الاخير حابة اللي تعرف كيف تكتب فوق الصور توريلي خاطرش ما نعرفش و حابة كين نكتب موضوع نكتب توقيعي فوق الصور وجزاكم الله كل خير