ملاحظة إلى طباخات المنتدى المحترفات

[أمنية غفران]

أهلا أختي ........... حتى انا مشاركة جديدة بصح ما هتميتش بالأمر ... المهم كي نحط وصفة نكون جد سعيدة صراحة.... و خاصة كي نشوف نسبة المشاهدة طلعت نزيد نفرح هههههه
و الله أختي احساس جميل
.........
وهاد الايام راني مع العمل ما قدرتش نحط وصفاتي
...........

حبيبتي ننتظر ابداعاتك أكيد

تحياتي

[zamilio]

اسفة اختى لكننا عائلة واحدة ربما الوقت لا يسمح لهذا انا شخصيا ماعنديش فرق بالعكس نحب نجاوب المبتدئات لانى نعرف بلى رايحين يفرحو اكثر لانى كنت متلهن ونفرح بزاف كى يجاوبونى او نلقى رد

[hope of life]

صح اختي لا حظت هذا الامر وتحدثت بيه مع نفسي..هههه وصح التفاعل فالموضوع مع الردود يعني الاهتمام وهذا شي يشجع ويدفع الى الامام......لكن المشاهدات دون رد....يعني التجاهل وبالتالي الاحباط....

[عطرالذهب]

اختي مش راح نقوللك انك غالطة لانو نظرتك تشبه لنظرتي في اول انضمامي للمنتدى والان تغيرت شوي ولحد الان كاين جزء من هاذا لنظرة موجود وهو انو كاين عضوات حتى كي يحطوحاجة بسييطة تتثبت ويكثر عليها المديح تقولي فيها حاجة مختلفة وهي راهي عادية جداااااا
وانا شخصيا كاين مشتركات تعجبني اطباقهم حتى بلا صور وننصحهم دايما في تعليقاتي انهم يظيفو التصاور باش مايتظلمش موضوعهم وربي شاهد وكاينة اللي تحط الصور في المرفقات نحملهملها ونحطهم في الرد وبلا مزية
فقط حبيت ننبهك انو نحن فريق قسم واش طيبتي اليوم ماعندناش تفريق بين العضوات وكي تدخل وحدة جديدة نحطوها فوق الراس
نتمنى تشرفينا بالزيارة

[ام يوسف 2013]

المشاركة الأصلية كتبت بواسطة lahna moka

حبيبتي لا تسيئي الظن بالأخوات الموجودات هنا
كلنا أخوات و كلنا نسعى لتطوير منتدانا الغالي و اللي كانت مبتدئة ان شاء الله تولي محترفة في فن الطبخ و هاذا كله بالمساعدة و التعاون
فقط هناك سبب صغير لذلك و هو أنه معظم الأخوات متواجدات بقسم واش طيبتي اليوم و كثيرا ما يتلاقاو في قسم الدردشة الخاصة بهنّ لذا يكونو قريبات من بعضاهم بزااااف و متعارفين بزاااااف و أي وحدة تدخل معاهم يرحبو بيها و يضمّوها للعائلة المطبخية تاعهم و أنا شخصيا كي ندخل معاهم في الكوزينة ننسى روحي و اللي يحيط بيا و حتى ننسى ندخل للأخسام الأخرى كقسم الحلويات أو قسم الأطباق المجربة
تعيشي أختي ما تزعفيش مني و من الأخوات . ربي يدوّم محبتنا و يعطي كل وحدة واش يتمنى قلبها و نشكر كل اللي يشارك و لو بالقليل باش يتطور منتدانا الغالي و يكون من بين أروع المنتديات يا رب
تقبلي مروري

المشاركة الأصلية كتبت بواسطة الأمنيات

شوفي اختي المنتدى راه واسع وفيه اكثر من نصف مليون مشارك وكاين بعض الاقسام والله عمري مارحت لها
من كثرت تواجدي في واش طيبتي ولا تاع المتزوجات واحيانا تاع تدريس والمشرفات ولا الطبخات واش يقدهم يتجاوبوا مع الاسئله
والمشاكل المطروحه لدا ما تلوميش حتى واحد
كاين الي راهم غايبين وتاني كل واخد ومشاكلها نتمنوا يكون التفاعل الي راكي تتكلمي عليه لكن يد وحده ماتصفق
انا راني نعذرهم كامل الجدد ولا القدم المهم الواحد يشارك ويحط واش يعرف لوجه الله

المشاركة الأصلية كتبت بواسطة جيادا

صباح الخير اختي ام يوسف اولا شكرا ليك على الموضوع
عن نفسي ما كانش عندي هذا الاحساس في اول مشاركاتي لاني لقيت تفاعل كبير من جميع العضوات دخلوا لمواضيعي و شجعوني بزاف اصلا الشيء الي شجعني اني انظم للمنتدى هو الاهتمام و التبادل الحقيقي لخبرات الطبخ هو صح ان المشرفات ميردوش بزاف على المواضيع لكن هذا بسبب مشاغلهم في مراقبة القسم و الاشراف لكن لا اظن انه هناك تحيز و اظن انه هناك عدة اسباب
مثلا ان العضوات الجدد في معظم الاوقات ميحطوش صور لوصفاتهم او صورة وحيدة في المرفقات و انا عن نفسي نحب نشوف صور الوصفة باه نتشجع و نجربها ممكن الوصفة تكون رائعة لكن عدم وجود صور ينقص بزاف من اهتمام الزائر للوصفة و كاين سبب اخر احيانا صاحبة الوصفة تكتب الوصفة في سطرين دون ذكر تفاصيل و هذا يترك انطباع سيء عند الزائر يحس ان كاتب الموضوع لم يعطي ادنى اهتمام للزائر الذي يبحث عن التفاصيل لذا لا يترك رد او تقييم انا عن نفسي نتعب بزاف في تحضير الوصفة و في التصوير و كتابة الموضوع و اظن ان هذا الشيء يشعر بيه الزائر و يترك رد مشجع
و ايضا ممكن انه يمر اوقات في المنتدى الكل مشغول سواء افراح او عطلة او دخول مدرسي مما يقلل نسبة المشاهدات و الردود
و اخر سبب انه فعلا يوجد نسبة من الاعضاء السلبيين الذين يدخلوا المواضيع و يخرجوا كالاشباح دون ترك ردود و ان شاء الله تنقص هته النسبة
و في الاخير كي يكون عندك موضوع جديد ادخلي لموضوع واش طيبتي اليوم و حطي الرابط تلقاي لبنات يدخلوا و يتركوا ردود و يكون عندوا اكبر حظ في المشاهدات لان الموضوع تاع واش طيبتي اليوم فيه نسبة المشاهدة الاكبر
و ان شاء الله نكون فدتك و نتلاقاو في الكوزينة و نتبادلوا الوصفات

المشاركة الأصلية كتبت بواسطة أمنية غفران

أهلا أختي ........... حتى انا مشاركة جديدة بصح ما هتميتش بالأمر ... المهم كي نحط وصفة نكون جد سعيدة صراحة.... و خاصة كي نشوف نسبة المشاهدة طلعت نزيد نفرح هههههه
و الله أختي احساس جميل
.........
وهاد الايام راني مع العمل ما قدرتش نحط وصفاتي
...........

حبيبتي ننتظر ابداعاتك أكيد

تحياتي

والله أختي رانا متفقين بلي اللي قادر يضيف حاجة للمنتدى يكون عمل خالص لوجه الله معظم الأخوات ردوا على أساس أني كتبت الموضوع و أنا زعفانة أن نسبة الردود قليلة في موضوعاتي
أولا أختي كما قلت لأحدى الزميلات أنا من عشاق الطبخ و الحلويات وهي من هواياتي المفضلة وعلى اعتبار أني كنت أكبر إخوتي فقد دخلت المطبخ في سن مبكرة جدا لكن مازلت أعتبر نفسي مبتدئة في هذا المجال رغم شهادة كل العائلة لي بالتفوق لكني لا أنوي الاحتراف في هذا المجال فلدي رسالة أخرى أؤديها. في النهاية لكل مشترك في المنتدى حياة خاصة ومهمة نبيلة يقوم بها أما المنتدى فهو وسيلة للترفيه و الاستفادة من وقت الفراغ في شيء مفيد
أقول وأؤكد أني سأستمر في وضع ما أعرفه حتى ولو لم أتلقى ردا واحدًا على مواضيعي
الملاحظة التي وجهتها للطباخات المحترفات كنت قد سجلتها عندما كنت زائرة للمنتدى أي قبل حتى أن أبدأ بالاشتراك عندما كنت أجد أحد المبتدئات في عالم الطبخ من صغيرات في السن أو حتى أحيانا كما تعلمون هناك فتيات لا يدخلن المطبخ إلا بعد أن يخطبن هذه حقيقة قلت يضعن موضوعا بسيطا أو تطبيقا على أمل أن يجدن التوجيه والإضافة من طرف أهل الإختصاص نجد الردود حتى و إن كانت كثيرة أغلبها من نوع روووووووووعة أو 44444444444444 أو شكرررررررررررررا ...إلخ
إذا أردنا أن تعم الفائدة أكثر من هذا المنتدى يجب علينا جميعا إعطاء أهمية أكبر لقيمة المشاركات وليس لعددها
تقبلوا مروري وشكرا

[*أم ثازيري*]

ام يوسف شكرًا على التنبيه
اسمحيلي نفهمك
الحكاية ماهيش نتاع محترفات او مبتدئات انا تاني في البدايه نتاع مشاركاتي هكذا كنت نظن حتان اكتشفت الكوزينه و هي مكان افتراضي في المنتدى يتلمو فيه الثرثارات كي حالتي للدردشة على الطياب و نحطو فيها واش طيبنا غدا او عشا و اي حاجه مهمة كانت او تافهة و نسأله بعضانا و نجاوبو و ننصحو و لي دير موضوع جديد تحط الرابط فيها و تقوللهم زوروني في موضوعي الجديد و طبعا التوقاب و التقرعيج من سيمات طباخات الكوزينه تلقايهم كاااااااامل هجموا على الموضوع
ان شاء الله تكوني فهمتي لانو انا تاني كنت نظن واش ظنيتي
الكوزينه راهي مثبته في هاد القسم تحت عنوان واش طيبتي اليوم ؟! و الكوزينه طبعا للجميع و مرحباً بنك

[*أم ثازيري*]

المشاركة الأصلية كتبت بواسطة ام ايمن17

انا سالت سؤال للاخت صوامعية على القلب اللوز تعها من قبل رمضان و تخيلو لحد الان مرجعش عليا علاه معرفش

اختي الغائب عذرو معاه
الصوامعيه إنسانه. هايله و راني متاكده بلي ماشافتش سؤالك
ننصحك كي تحبي تسألي صاحب وصفه على الوصفه نتاعو ابعثي رساله على الخاص
انا خطره بعثتلي بلي كاينه واحده تحوس عليا و كتبت موضوع و كل مره تستناني ندخل نرد بصح للأسف ماشفتوش حتان بعثتلي ام رامي على الخاص و عطاتني الرابط و جاوبتها بعد مرور اكثر من شهر على السؤال
شفتي يا اختي بلي الحكاية ماشي تجاهل او تكبر او عدم اهتمام قولي الحكاية حكايته سوء حظ وتوقيت يعني في الوقت لي حطيتي فيه السؤال هي ماكانتش موجوده باه تجاوبك

[alison dilaurentis]

//

صباح الخير....والله عندك الحق اختي حتى انا لاحظت هاذ الشيء واصلا كان السبب اللي خلاني منتحبش نحط مواضيع لانها تغبر

هههههه يسمى منحطش خير ...خير من نحط ويديرلي الاحباط هههههههههه مي قنعت روحي بلي مواضيعي مافيها حتى افادة او اضافة

لي تستاهل وتستحق نحطها موضوع لهادا كي نحب نشارك نحط صوري فالكوزينة ههههه

[فخورة بنقابي]

والله عندك الحق في كل كلمة قلتيها
شحال من مرة نسقسي ولا واحد يجاوبني
نتمنى أنهن يأخذن هذه الملاحظات ويعاونونا

[ام يوسف 2013]

المشاركة الأصلية كتبت بواسطة *أم ثازيري*

ام يوسف شكرًا على التنبيه
اسمحيلي نفهمك
الحكاية ماهيش نتاع محترفات او مبتدئات انا تاني في البدايه نتاع مشاركاتي هكذا كنت نظن حتان اكتشفت الكوزينه و هي مكان افتراضي في المنتدى يتلمو فيه الثرثارات كي حالتي للدردشة على الطياب و نحطو فيها واش طيبنا غدا او عشا و اي حاجه مهمة كانت او تافهة و نسأله بعضانا و نجاوبو و ننصحو و لي دير موضوع جديد تحط الرابط فيها و تقوللهم زوروني في موضوعي الجديد و طبعا التوقاب و التقرعيج من سيمات طباخات الكوزينه تلقايهم كاااااااامل هجموا على الموضوع
ان شاء الله تكوني فهمتي لانو انا تاني كنت نظن واش ظنيتي
الكوزينه راهي مثبته في هاد القسم تحت عنوان واش طيبتي اليوم ؟! و الكوزينه طبعا للجميع و مرحباً بنك

الله يسلمك حبيبتي

شكرا على المرور الطيب