ملاحظة هامة للي حابين يتعلمو لخياطة

takwaaa · 2014-05-21, 21:11

السلام عليكم اخواتي
ان شاء الله راني معاكم في المستوى و قدرت نوصللكم حتى جزء بسيط على لخياطة مي حابة نقلكم بلي لخياطة محتاجة شوية تخمام و سعات دقة الملاحظة خاصة في حالة ارتكاب اخطاء ساعات تقولولي رانا درنا كيما قلتيلنا و جات معوجة ولا فسدت ولا.......انا ما نقدرش نصحح الغلط اللي قمتو بيه خاطر ما علاباليش كيفاه طبقتو كي نشوف الصورة نقدر نقرب من الخطا مي هكا ما نقدرش نقلك راكي درتي هك ما ديريش هك و لقياس تاني انا ما نعرفش قياسكم كاين حوايج متعارف عليها في التفصال مي يبقى كل واحد و قياسو كيما راني نعاون فيكم بالشي اللي نقدر عليه عاونوني بتخدام مخكم معايا بش نقدر نكملو و نروحو لحوايج اخرى و اللي تقلق في سع عمرها ما تتعلم قبل ما ترجعولي حاولو مع رواحكم و كي تتقفل معكم راني هنا الا قدرت
ان شاء الله فهمتوني ؟؟؟؟؟؟؟سلااأااااااام

لينة المتفائلة · 2014-05-21, 21:14

شكرا ليك استاذة
ان شاء الله متقطعيش علينا مواضيعك و اهتمامك بينا مازالنا متابعينك استاذة

takwaaa · 2014-05-21, 21:18

شكرا على الرد لينا

ام حمزة22 · 2014-05-21, 21:22

يعطيك الصحة تقوة كلامك مفهوم ومعقول

kaouka · 2014-05-21, 21:24

Choukran ostada rani fhamtak mlih raki tat3bi m3ana rabi yikhalik nchaallah nfarhouk wankouno 3and hosn danak

douda21 · 2014-05-21, 21:25

يعطيك الصحة تقوي راني متتبعة لموضيعك و خياطاتم، و خياطتك و موديلاتك في القمة و دوقك رفيع و باينة خدمتك متقونة ياسر مشاء الله ، عندي طلب ادا ممكن حبيتك تفهميني في ال cole bateaux. كيفاه يتخدم عمبالي بلي ناكل من قيس الكتف بصح معمباليش بالضبط كيفاه

ثلوج الشتاء · 2014-05-21, 21:32

السلام عليكم أختي تقوى أو أستاذتنا تقوى إن صح التعبير عن نفسي راني خيطت روبة صغيرة لكن عندي مشكل مع آلة التصوير تاعي لهاذ السبب للآن محطيتش الصورة كلما نشغلها تطفى قبل ما نلتقط الصورة وراني مراها حتى تصلحلي ونحطلك التطبيق تاعي شكراااا

takwaaa · 2014-05-21, 21:37

شكرا ليكم طلعتولي المورال
و الله يا اختي douda الكول باتو نفصلو على راي عيني ما عنديش فيه قاعدة كيما قلتي تكلي من لكتف و الرقبة ما تهبطيش بزاف لا ترجعيها صحن مش باتو ههههههههه و ديما نقول على حساب قياسك فصلي و ما تدخليش بزاف و نقصي بالشوية حتى توصلي للشي اللي حاباتو خير من تدخلي فيها بزاف و ما تقدريش ترقعيها فهمتيني؟

أم ياسين الزهراء · 2014-05-21, 22:16

راكي كفيتي ووفيت بارك الله فيك وربي يكملك والشيئ اللي قلتيه صح

حبيبتي عندي مودال حابة توريلي الباترون باش نخيط لبنتي 3 سنوات ادا ممكن

douda21 · 2014-05-21, 22:20

اقتباس:

المشاركة الأصلية كتبت بواسطة takwaaa

شكرا ليكم طلعتولي المورال
و الله يا اختي douda الكول باتو نفصلو على راي عيني ما عنديش فيه قاعدة كيما قلتي تكلي من لكتف و الرقبة ما تهبطيش بزاف لا ترجعيها صحن مش باتو ههههههههه و ديما نقول على حساب قياسك فصلي و ما تدخليش بزاف و نقصي بالشوية حتى توصلي للشي اللي حاباتو خير من تدخلي فيها بزاف و ما تقدريش ترقعيها فهمتيني؟

ايه فهمت

نفس واش كنت نخمم نحط البترون الاساسي و منو نبدا ناكل بشوية في الكتف حتي نشبع

و منهبطش الرقبة ياسر
يعطيك الصحة

sarra5 · 2014-05-21, 22:22

ouiii sah lakhyata meme tet3almi tkouni mazal ma3raftich hwayej bzef

stayfiya · 2014-05-21, 22:59

يعطيك الصحه استاذتنا على الشيئ لي راكي تقدمي فيه بارك الله فيك