قالمة

[بيلسان91]

فكل مرة ندير rappel للاعضاء القالميين ميجي حتى واحد
من اوت لا سمعنا عليهم لا حس لا خبر باين خدموا كل وقعدت انا وحدي ندور هنا

[Adnou Eclypse]

المشاركة الأصلية كتبت بواسطة بيلسان91

فكل مرة ندير rappel للاعضاء القالميين ميجي حتى واحد
من اوت لا سمعنا عليهم لا حس لا خبر باين خدموا كل وقعدت انا وحدي ندور هنا

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

مساء الخير

مسقسيتينيش قبل وشي هو التخصص تاعي كون سقسيتيني قبل راني قتلك نورمال مي انا علابالي بلي التخصص تاعك لغة فرنسية
حتى هنا كي توانسنا على الكونكور كتبت التخصص تاعي الله اعلم

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

البارح عدا عليا نهار مكعل
جوايه 11و30 نلقا التلفون يصونيلي حرت منعرفش النمرو كي هزيت قالي اني المدير تاع المدرسة في قلعة بوصبع فالاول فرحت قلت نحكم حتى شهر خير من ماكانش
ظهر لا شهر لهم يحزنون 6 ايام وفرات كي رحت لتم بش قالي فتلفون مفهمنيش هك
المهم دخلت نقري الولاد نورمال كنت معولة نرجع اليوم بصح فالترويحة البارح شطت ازيد من نص ساعة وانا نسنا فالبيس بش نروح لقالمة معدا حتى واحد
بسيييف لقيت بيس هزني من السكولة حتان للدايرة تاع القلعة ومن تم بش جيت لقالمة بسسيييف ديمارا الشوفير ادن المغرب وانا فمحطة المسافرين روحت في نفسية يرتى لهااا حلفت منرجعش
على صباح ربي لقيت المدير يعيط علاش مجيتيش قتلوا مشكل تاع الترونسبور قلي هام كاينين من قالمة ويجيو نورمال
قتلوا هم جاو ليهم ازواجهم وقعدت وحدي على حافة الطريق نسنا ماكانش حتا اغي دبيس
بقالي مشكل الكراس تاع القسم والكتاب تاع واحد التلميد جبتهم بش نشوف وش قراو ونديرلهم الامتحان نخمم فيهم جبل وش يديهملي غدوا
جبتهم وحصلت لازم نرجعهم
كون تشوف استادهم علاش غاب راح 10ايام لفرنسا يحوس وخلا التلاميد هكاك

[بيلسان91]

المشاركة الأصلية كتبت بواسطة Adnou Eclypse

قريت في رد بلي انت تخصص فرنسية ؟؟ سبحان الله ، اول مرة نسمعها هادي ، انا في بالي انت sciences naturelles و قبيل قريتها حرت ، اك jamais قلتي بلي اك فرنسية ، علاه ؟؟؟ و انت وش من groupe ؟؟

ديما يجي فبالي سؤال نسقسيهولك ونترردد
المهم اليوم تشجعت ورح نسقسيهولك
كي كملتي الماستر مخممتيش تعقب كونكور تاع دوكتوراه وتولي تقري فالجامعة
انا حسب وش نسمع قبل يطيحوا وفرات احنا منوصلوا لحتشي وووو نضيعوا غير فالسنوات
بصح اليوم تلاقيت مع صحبتي تقرا تخصص اخر العام هدا راهي سنة اولى دوكتوراه نعتتلي قداه من وحدة صحاباتها لقاو نتائج نورمال وسوتناو الدوكتوراه تاعهم وهام يقريو عادي جدااا
معلاباليش بلاك راني نفضفض تالموا وش شفت من قبل
قريت يخي قتلك فالسكولة كون تشوف لاكاين قاعة اساتدة لا كاين حتشي نقعدو فلاكور وقت فراغنا ولا كي تصب النو نقعدوا فواحد البيت تقول بياندري فيها القراقير والحوايج القديمة تاع السكولة مصدين ووو المهم معدية العالم التالت منهيه
كي طلعت معاها ونعتتلي ليبيرو تاع لي دوكتورو والله خير من تاع الاساتدة الي كانوا يقريوني فالجامعة
وعندها امل توصل لنتيجة بارسكو لونكادرور تاعها ميبخلش خلاااص فالمعلومات

[Adnou Eclypse]

المشاركة الأصلية كتبت بواسطة بيلسان91

مساء الخير

مسقسيتينيش قبل وشي هو التخصص تاعي كون سقسيتيني قبل راني قتلك نورمال مي انا علابالي بلي التخصص تاعك لغة فرنسية
حتى هنا كي توانسنا على الكونكور كتبت التخصص تاعي الله اعلم

آآآآ سلام عليكم يا معشر الشومارة ،وراء 3 اشهر من القعاد انا نظن لازمنا منظمة تمثلنا في المحافل الدولية ، نسميوها OGC ، تسما Organisation Guelmoise des Chômeurs
المهم، انا اول مرة نعرف بلي اك فرنسي نتي ثاني ، ما نعرف وش من promo نتي ، مهم اك باين 2013 و لا 2014 ، بالنسبة للاستخلاف تاع القلعة ، هادي تمسخيرة ما عندها حتى معنى ، انا يظهرلي حتى و لو عطاولك 3 اشهر ماش bonne affaire ، لانها من جهة بعيدة من جهة اخرى اي متوسطة برك يعني volume horaire بزاف و السلاك 24 برك و يجيك وراء عام و نصف
هو نورمالمو هاد اليامات يكون كاش جديد لانه كيما قتلك يخي كاين ترقية تاع اساتذة و كاين لي راح يخرجو retraite anticipée و هكا كشما يخليولنا شوية خبز معاهم ، انا هادا هو الشئ لي مصبرني ، و حقا ، انا جاوني 3 فرص تاع استخلاف 2 منهم في الثانوية لكن في كل مرة madame dalila هي لي تدي المنصب كي العادة ، صبرنا لربي سبحانه و الرزق بيده و لي يصبر ينال و احنا الحمد لله جبنا ديبلوم و يجي نهار و نلقاوه ، ممكن نخدمو بيه في كاش ادارة و لا مؤسسة و لا ممكن نديروه قرطاش نبيعو فيه الكاوكاو و لا نمسحو بيه الكارو تاع الطوموبيل المهم راح نلقاوه

[بيلسان91]

المشاركة الأصلية كتبت بواسطة Adnou Eclypse

آآآآ سلام عليكم يا معشر الشومارة ،وراء 3 اشهر من القعاد انا نظن لازمنا منظمة تمثلنا في المحافل الدولية ، نسميوها OGC ، تسما Organisation Guelmoise des Chômeurs
المهم، انا اول مرة نعرف بلي اك فرنسي نتي ثاني ، ما نعرف وش من promo نتي ، مهم اك باين 2013 و لا 2014 ، بالنسبة للاستخلاف تاع القلعة ، هادي تمسخيرة ما عندها حتى معنى ، انا يظهرلي حتى و لو عطاولك 3 اشهر ماش bonne affaire ، لانها من جهة بعيدة من جهة اخرى اي متوسطة برك يعني volume horaire بزاف و السلاك 24 برك و يجيك وراء عام و نصف
هو نورمالمو هاد اليامات يكون كاش جديد لانه كيما قتلك يخي كاين ترقية تاع اساتذة و كاين لي راح يخرجو retraite anticipée و هكا كشما يخليولنا شوية خبز معاهم ، انا هادا هو الشئ لي مصبرني ، و حقا ، انا جاوني 3 فرص تاع استخلاف 2 منهم في الثانوية لكن في كل مرة madame dalila هي لي تدي المنصب كي العادة ، صبرنا لربي سبحانه و الرزق بيده و لي يصبر ينال و احنا الحمد لله جبنا ديبلوم و يجي نهار و نلقاوه ، ممكن نخدمو بيه في كاش ادارة و لا مؤسسة و لا ممكن نديروه قرطاش نبيعو فيه الكاوكاو و لا نمسحو بيه الكارو تاع الطوموبيل المهم راح نلقاوه

مهيش حتا متوسطة اي سكولة كي ديت الكراس والكتاب الصباح تعرف وش قلي المدير قلي علاه معولة نوصلوووك
قعدت حايرة فالهدرة قتلو جيت معولة على البيس منيش معولة عليك يكسبو زوز رود يطيروا
شكون هادي مدام دليلة لي داتلك بلاصتك
كما قتلك يا عدنان ربي يعطيك متتتمنا كما يمدو المناصب هادم تاع التقاعد ولا تاع الترقية اعطيني خبر بش نروح نجرب معاهم بلاك يحنووا ويتفكروني بكنتطرا

[Adnou Eclypse]

المشاركة الأصلية كتبت بواسطة بيلسان91

ديما يجي فبالي سؤال نسقسيهولك ونترردد
المهم اليوم تشجعت ورح نسقسيهولك
كي كملتي الماستر مخممتيش تعقب كونكور تاع دوكتوراه وتولي تقري فالجامعة
انا حسب وش نسمع قبل يطيحوا وفرات احنا منوصلوا لحتشي وووو نضيعوا غير فالسنوات
بصح اليوم تلاقيت مع صحبتي تقرا تخصص اخر العام هدا راهي سنة اولى دوكتوراه نعتتلي قداه من وحدة صحاباتها لقاو نتائج نورمال وسوتناو الدوكتوراه تاعهم وهام يقريو عادي جدااا
معلاباليش بلاك راني نفضفض تالموا وش شفت من قبل
قريت يخي قتلك فالسكولة كون تشوف لاكاين قاعة اساتدة لا كاين حتشي نقعدو فلاكور وقت فراغنا ولا كي تصب النو نقعدوا فواحد البيت تقول بياندري فيها القراقير والحوايج القديمة تاع السكولة مصدين ووو المهم معدية العالم التالت منهيه
كي طلعت معاها ونعتتلي ليبيرو تاع لي دوكتورو والله خير من تاع الاساتدة الي كانوا يقريوني فالجامعة
وعندها امل توصل لنتيجة بارسكو لونكادرور تاعها ميبخلش خلاااص فالمعلومات

حقا ، نسيت باش نجاوبك على السؤال هادا ، الكونكور تاع الدكتوراه يخي دارو في قسنطينة و باتنة ، عندي 2 صحاي شاركو و قالولي سجل معانا بصح في هذاك الوقت جاني استدعاء تاع l'armée و ما نكذبش عليك ، التقرية في الجامعة ما تساعدنيش انا ، مالا ما نعقب ما نكير راسي
و هي عندك حق ، انا تاني نعرف 2 بنات عقبو في قسنطينة و نجحو و ام يقراو بالقدر و بالمساعدة ، تسما او ماكان والو ، كلشي على الكونكور
هادا ماكان

[Adnou Eclypse]

المشاركة الأصلية كتبت بواسطة بيلسان91

مهيش حتا متوسطة اي سكولة كي ديت الكراس والكتاب الصباح تعرف وش قلي المدير قلي علاه معولة نوصلوووك
قعدت حايرة فالهدرة قتلو جيت معولة على البيس منيش معولة عليك يكسبو زوز رود يطيروا
شكون هادي مدام دليلة لي داتلك بلاصتك
كما قتلك يا عدنان ربي يعطيك متتتمنا كما يمدو المناصب هادم تاع التقاعد ولا تاع الترقية اعطيني خبر بش نروح نجرب معاهم بلاك يحنووا ويتفكروني بكنتطرا

قالك (علاه معولة نوصلوووك) ، هادا وجه صحيح صح ، كون جيت في بلاصتك اني ضربتو براس ، وش دخلو فيك و واش من حق عندو حتان يقلك الهدرة هادي ،بففف او عليها انا ما بقيت نقادر حتى مسؤول في دزاير

....................

هاديك مدام دليلة نقصد بيها النساء بصفة عامة ، لاني 3 مرات و انى نلقى استخلاف لكن المنثب يديوه بنات كالعادة


و هادي القضية تاع التقاعد و الترقية ، قبيل بركعيطلي واخد صحبي قالولو في لاكاديمي بلي وراء يومين راح يديرو المسايقة تاع الترقية هادي ، كشما نسمع اي حاجة اني نقلك

[بيلسان91]

المشاركة الأصلية كتبت بواسطة Adnou Eclypse

حقا ، نسيت باش نجاوبك على السؤال هادا ، الكونكور تاع الدكتوراه يخي دارو في قسنطينة و باتنة ، عندي 2 صحاي شاركو و قالولي سجل معانا بصح في هذاك الوقت جاني استدعاء تاع l'armée و ما نكذبش عليك ، التقرية في الجامعة ما تساعدنيش انا ، مالا ما نعقب ما نكير راسي
و هي عندك حق ، انا تاني نعرف 2 بنات عقبو في قسنطينة و نجحو و ام يقراو بالقدر و بالمساعدة ، تسما او ماكان والو ، كلشي على الكونكور
هادا ماكان

علاه متساعدكش التقرية فالجامعة
مالا واين تحب تقري انتا
تاع الفرونسي يقرااو كي يديروا الدوكتورا وش يقراوو فبالي فضت القراية فبالي انا الدوكتورا هي تبحت وتجيب حاجة جامي واحد خدمها من قبل وفرات
علابالك صحبتي هادي المستوى تاعها عادي جدا وبلاك حتا لقل من العادي بصح نجحت فالكونكور منعرف كفاش
قلت بلاك مش لازم يكون المستوى جيد جدا بش تنجح فالكونكور تاع الدوكتورا

[بيلسان91]

اني نعول عليك كونسارنو الترقية والمناصب الشاغرة
الوزيرة البارح تهدر زي واليوم زي
البارح قالت كلامي فسروه خطا
واليوم قالت كونكور تاع مارس برك الي يقدروا يعقبوه تاع الجامعات اما منا وهك فالمستقبل القريب يقريوا غير تاع المدارس
منعرف وين نروحوا احنا نقعدوا فالديار وفرات

[Adnou Eclypse]

المشاركة الأصلية كتبت بواسطة بيلسان91

علاه متساعدكش التقرية فالجامعة
مالا واين تحب تقري انتا
تاع الفرونسي يقرااو كي يديروا الدوكتورا وش يقراوو فبالي فضت القراية فبالي انا الدوكتورا هي تبحت وتجيب حاجة جامي واحد خدمها من قبل وفرات
علابالك صحبتي هادي المستوى تاعها عادي جدا وبلاك حتا لقل من العادي بصح نجحت فالكونكور منعرف كفاش
قلت بلاك مش لازم يكون المستوى جيد جدا بش تنجح فالكونكور تاع الدوكتورا

انا الجامعة بصفة عامة ككل ما تعجبنيش ، القراية بسيف لا عقبت 5 سنين فوق قلبي ، و في الحقيقة 5 سنين هادو كون نحسبهم بالنهار ممكن نلقاهم 6 و لا 7 اشهر فقط لاني كنت نحضر نهار و نغيب 10 ايام ، عليها قتلك التقرية في الجامعة ما تساعدنيش

و عندك حق ، الكونكور قضية زهر و مكتوب ، فيه 2 modules و انت و زهرك ، كون يجي sujet انت مراجعاته على النية ، هاك تنجحي ، انا نعرف 2 بنات ، وحدة صح قاوية و تكتب في الجرنال تاع الفرنسي و عندها مستوى مليح صح صح ، لكن الاخرى نورمال برك ، حتى هي كي نجحت كذبت في رحها ، و درما اي سنة الثانية و توجد في الميميوار و نووووووووورمال

[بيلسان91]

اني نعول عليك كونسارنو الترقية والمناصب الشاغرة
الوزيرة البارح تهدر زي واليوم زي
البارح قالت كلامي فسروه خطا
واليوم قالت كونكور تاع مارس برك الي يقدروا يعقبوه تاع الجامعات اما منا وهك فالمستقبل القريب يقريوا غير تاع المدارس
منعرف وين نروحوا احنا نقعدوا فالديار وفرات

[بيلسان91]

مساء الخير عدنو
كاش جديد
انا سمعت البارح بلي جابو 2 بوست وعيطو للاحتياطيين الزوز مدوهولهم بوست permanent هدا فالابتدائي
بلاك دك يوصلوا ليك انتا فبالي 4 فالاحتياط فالابتدائي

[Adnou Eclypse]

المشاركة الأصلية كتبت بواسطة بيلسان91

مساء الخير عدنو
كاش جديد
انا سمعت البارح بلي جابو 2 بوست وعيطو للاحتياطيين الزوز مدوهولهم بوست permanent هدا فالابتدائي
بلاك دك يوصلوا ليك انتا فبالي 4 فالاحتياط فالابتدائي

مساء النور بيلسان
هادي درك وين سمعتها ، ، ما نعرف زعما رسمي ولا لا ، لانه من المفروض les postes permanents ماكانش لانه جاي الكونكور ـ و باش يكون في بالك ، جماعة الاحتياط كل راهم ماشيين بالكونترا برك بالاك
و الله اعلم
انا ام يصبروا فيا و يقولولي او قريب نريقلوك و اني بديت نقلق منهم