|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
موضوع شامل للرقبه الدرابي....سطايفيه
|
أدوات الموضوع | انواع عرض الموضوع |
2013-11-21, 20:42 | رقم المشاركة : 1 | ||||
|
موضوع شامل للرقبه الدرابي....سطايفيه
السلام عليكم كيف احوالكم خواتاتي نظراً للمواضيع المتكررة لي يطرحوها الاخوات فيما يخص الكول درابي قلت لما لا ندير موضوع شامل لانواع الدرابي لي تقابلنا و نحلو عقدة الدرابي لي يعانيو منها بزاف منكم و جبت امثله و حاولت ندير فصالة كل واحد على حدى طبعا انا مانعتمدش في تفصيلي بقياسات مضبوطة ولا بنسات او زم و تحويل انا تفصيلي يدوي عادي بدون تعقيد طبعا علاباكم ماقريتش المبادئ الاساسيه للخياطه هي فقط محاولات و تجارب و اجتهاد شخصي (وعندي مافزدت كتان في جرة الدرابي هذا ههه) و بما انو لحوايج لي نفصلهم ما يتعداوش تصاميم بيتيه ان صلح التعبيير اذن الشرح راح يكون بسيط اوكي و لي تحب تفهم اكثر ماعليها غير تتعمق و تقرى و تسقصي المختصين قبل مانبداو حبيت نقوللكم عفسه سر الدرابي باش يصلح هو وضعية القماش *ميش لازم بصح من الاحسن* يكون بالجهة المطاطيه هكذا اول باترون نحاولو نفذوه هو الساهل كول درابي سامبل مافيهش النقشات على مستوى الكتف معناه الدرابي غير مكثف وما بعدناش بزاف في فتحة الصدر تبعوني ترسمو الباترون فوق جرنان و تقطعو الجرنااااان راني ناكد الجرنان ماشي لكتان لتوخضينا و تحطي الباترون نتاع و هاوليك كيفاش تخدمي بعد لخياطه جي هكذا نقدرو نستغناو على لخياطة على حافة الكول و ندورو الطرف الزايد لداخل هكذا والنوع الثاني الدرابي فيه يكون هابط اكثر كثير الحالات يستعمل على مستوى الظهر ونتي على قدما تحبي الدرابي يهبطلك ايكارتي كثر و خرجي الزيادة اكثر(من وسط الصدر ) و ما طلعيش الزيادة من فوق بزاف و لكان حبيتيه مخنوق شوي طلعي الزيادة اوكيي هاو ليك الرسم النوع الثالث درابي في البيستيي وفيه نستعملو البليات على الجيهتين باش نتحصلو عل النقشات نحضرو الباترون الاساسي بقياساتنا و نقطعو ( الباترون ماشي الكتان اوكي ) و نبعدو الطراف على بعضاهم يعني نوسعو في لقماش قدما تحبي تكثري النقشات بعديهم على بعضاهم هاو الرسم يوضحلك اكثر و كي تفصلي و جي تخيطي عاودي دخلي النقشات و رديه لشكلو الاول تنبيه : في الدرابي خياطة النقشات يكون لاعلى ميش لاسفل النوع الرابع الدرابي بالنقشات في الكتف هذا يبان معقد بصح هو ساهل من الاحسن فيه يكون تقطيع على مستوى البطن يعني يتفصل الجزء العلوي وحدو والسفلي وحدو و هاو الرسم لي عملتو الزيادة مهما كانت لازم تنتهي في وسط الرقبه ب زاويه قائمه و بعد التفصيل على القماش كي نجيو نخيطو الكتف الخلفي مع الامامي نحقق النقشات لي عملتلهم الزيادة و نخلي قيمة 3سم نرجعها للداخل كي شغل سجاف النوع الخامس الدرابي يكون كول طالع و هذا نستعملوه في الملابس الشتويه اكثر هو مافيهش النقشات على مستوى الكتف بصح لكان حبيتي ديريهم تقدري تولي للنوع الرابع و ماتنسايش الزيادة لي عملناها على مستوى الرقبه. (4سم) باش يجيني طالع على الرقبه راني شرحت اكثر انواع الدرابي استعمالاً ان شاء الله تكونو فهمتو شويه و كيما قلتلكم هذا واش نعرف انا لي تعرف كثر و عندها إضافات تحطها ماعنديش حتى تحسس رانا كامل نتعلمو و ماذابيا تصححولي اخطائي و اكيد راح نستفادو كلنا و السلام عليكم و رحمة الله و بركاته [CENTER]
آخر تعديل crono 2014-09-11 في 10:27.
|
||||
2013-11-21, 20:50 | رقم المشاركة : 2 | |||
|
الله يبارك فيك سطوفتي الغالية بارك الله فيك دمت سالمة وبالف خير والله يجعلها في ميزان حسناتك |
|||
2013-11-21, 20:55 | رقم المشاركة : 3 | |||
|
بارك الله فيك سطوووووووووووووووووووف |
|||
2013-11-21, 21:07 | رقم المشاركة : 4 | |||
|
كلش واضح تستاهلى كل خير بارك الله فيك |
|||
2013-11-21, 21:43 | رقم المشاركة : 5 | |||
|
الف الف الف الف الف الف الف شكر
|
|||
2013-11-21, 22:17 | رقم المشاركة : 6 | |||
|
بارك الله فيك اختي السطيفية ما شاء الله عليك |
|||
2013-11-21, 22:20 | رقم المشاركة : 7 | |||
|
اخواتي علموني كيفاش انظلل صورة قبل ما انحطها لكم الله يحفظكم |
|||
2013-11-21, 22:20 | رقم المشاركة : 8 | |||
|
mille fois merci |
|||
2013-11-22, 07:04 | رقم المشاركة : 9 | |||
|
الف شكر يا السطايفية الغالية |
|||
2013-11-22, 07:51 | رقم المشاركة : 10 | |||
|
Raki top merci |
|||
2013-11-22, 09:51 | رقم المشاركة : 11 | |||||
|
اقتباس:
فيك بركة جوري عيشك ختي اهلا شريكتي اوراني نخمم في مودال بكول مونتون درابي للكتان تاع الفولور واش رايك شكرااً زينبو كيراكي غايا ؟؟ اقتباس:
ميغسيي سي جونتيي الله يعلي مقدارك الله يخلييك جميلة شكرااً لانسبيكتور دمتي وفيه للابرانتي تاعك هههه شكراً على الردود لي طلع المورال و تفرح القلب و تزهي الخاطر صحيتو في انتظار تساؤلاتكم اليوم عندي off day ههههه قاعدة |
|||||
2013-11-22, 12:16 | رقم المشاركة : 12 | |||
|
يعطييك الصحة سطايفية صحيح الدرابي مشكلة ههههههه |
|||
2013-11-22, 13:06 | رقم المشاركة : 13 | |||
|
واش انقولك يا سطايفية كون جيتي اتوالي كون اكليتك بالتسلام مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممح ح ربي يعطيك ماتتمناي يااااااااااااااااااااااااااااااااااارب.راكي سهلتيلي الموضوع.كنت لما نبحث اعلى الدرابي رغم انو عاجبني يتفسخ قلبي من كثر الاسلوب المعقد الي يستعملوه في الشرح.بصح انت هدرتك واضحة وساااااااااااااااااهلة مااااااااااااااااااهلة .ربي يحفظك ويعطيك ماتتمناي دنيا وآخرة جمعة الجمعة اليوم آمييييييييييييييييييييييييييييين.اذا كنت عزباء ربي يرزقك الزوج الصالح والذرية الصالحة واذاكنت متزوجة وعندك وليدات ربي يهنيك .المهم قد مااااااانشكرك مانوفيكش حقك.اعلابالك راني حبيت منتدى الجلفة اعلاجالك .واعلاجال اخياطتك .واسلوبك في الهدرة والتقسار .ربي يعطيك قد قلبك.ممممممممممممممممممممممممممممممممممممممممممممم ممممممحح |
|||
2013-11-22, 13:25 | رقم المشاركة : 14 | |||
|
ااااااااااه سطوفة حطيلي كاش تصويرة نتاع هذا الكول مونتون وزيد درابي؟؟؟؟ولا ارسميهولي باش نقدر نيماجيني باسكو درت في قوقل خرجلي سبعطاش نالف كول هههههه |
|||
2013-11-22, 13:26 | رقم المشاركة : 15 | |||
|
ألف شكر لك كلش كان واضح وساهل وجعله الله في ميزان حسناتك |
|||
الكلمات الدلالية (Tags) |
للرقبه, موضوع, الدرابي....سطايفيه, شامل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc