موضوع مميز جيبي مشينتك و ارواحي .....سطايفيه - الصفحة 4

nadia19 · 2014-01-11, 20:59

اختي سطايفية علاش الكتان تع القطيفة يتكمش على الجانب كي نخيطو

stayfiya · 2014-01-12, 14:32

اقتباس:

المشاركة الأصلية كتبت بواسطة كوكا بنت الحاج

صباح الخير شكرا ليك موضوعك مميز ربي يعطيك متتمناي هذي هي ماشنتي حبيت نعرف كيفاش نخدم بالبياس الي معاها

ياختي كاين لي فهمتهم وكاين لي غابتلي فيهم اصبريني نضرب دورة للخدام نصح وجهي معه و نعتلو التصويرة و يشرحلي هذا لا مازعكنيش هههههه

اقتباس:

المشاركة الأصلية كتبت بواسطة ايمان2009

صباح الخير حباباتي واش السطايفية دورتيها ريباراسيو ههههههههههه عجبتني الكلمة ماظهرت فرنسي ماظهرت شينوية شكرا عزيزتي على الموضوع نصورلك ماشينتي ونجي

اهلا ايمان اي قريب لانيفارسار:d تاع اويسو. نوجدو الكادوات هههه انا نخدم كلش رباراسيون ماشيناسيون خياطاسيون هههههههه

اقتباس:

المشاركة الأصلية كتبت بواسطة أم ياسين الزهراء

ماشينتي كيما تاع جيجلية غير زرقاء شراهالي زوجي عندها 22 سنة والحمد لله تخيط مليح منبعد نصورهالكم
ايا مليح ربي يدوم راكي باينه تستحفظي مام المشينه تحب يد وحدة ماشي لي يجي يخنتش فيها

يعطيك الصحة على الموضوع

اقتباس:

المشاركة الأصلية كتبت بواسطة لآلئ

الله الله الله يحفظك يا سطايفية ويعطيك من نعيمه
هي نفس مشينتي ولكني ما نعرفش نخدم ببياساتها كاملين
ضرك نشوف الفيديو واذا ما فهمتش حاجة نرجعلك

اهلييين لآلئ ياختي زورينا لاه غايبه علينا ههههههه ايا اني هنا مشينتي نسلك راسي معاها

اقتباس:

المشاركة الأصلية كتبت بواسطة nadia19

اختي سطايفية علاش الكتان تع القطيفة يتكمش على الجانب كي نخيطو

خاطر الشعر تاع القطيفه يلصق في السنين لي يجيو تحت رجل المشينه صافي كي تخيطي اجبدي الكتان ليك ميش تشبحي و بيدك لخرى اجبدي لهيتك باش تمشيلك لخياطه و فيريفي الزر لي يلض و يرخي الرجل نتاعك لازم مايكون مرخوف ماهو مزير. و لكان حبيتي فرشي الجرنان

لميس اميرة · 2014-01-11, 22:36

من فضلكن اخواتي

شكون عندها ماكنة مثل هاذي تشرحلنا كيفاش نعملو الخيط لأني دخلتو يهربلي لداخل وين كاين المصباح و يتخبل او يتقطع ما عرفتش الطريقة الصحيحة باش نركبو من البوبينة

و كيفاش نريقلو طول الغرزة و كيفاش نديروها مرخية او مشبوحة كاين فوق الماكنة حاجة فيها زائد و ناقص ما فهمتش واش هي وضيفتها

و كاين 3 عجلات مرقمة واش فايدت كل وحدة

و كيفاش نيتعملوها للطرز الحواشي

و واش فائدة باقي المكونات

لي عندها مثليها يا ريت تنورني ربي ينور دنيتها ان شاء الله
تسمحلي صاحبة الصور لاني نقل صورها

stayfiya · 2014-01-12, 14:46

اقتباس:

المشاركة الأصلية كتبت بواسطة zawali.dz

من فضلكن اخواتي

شكون عندها ماكنة مثل هاذي تشرحلنا كيفاش نعملو الخيط لأني دخلتو يهربلي لداخل وين كاين المصباح و يتخبل او يتقطع ما عرفتش الطريقة الصحيحة باش نركبو من البوبينة

و كيفاش نريقلو طول الغرزة و كيفاش نديروها مرخية او مشبوحة كاين فوق الماكنة حاجة فيها زائد و ناقص ما فهمتش واش هي وضيفتها

و كاين 3 عجلات مرقمة واش فايدت كل وحدة

و كيفاش نيتعملوها للطرز الحواشي

و واش فائدة باقي المكونات

لي عندها مثليها يا ريت تنورني ربي ينور دنيتها ان شاء الله
تسمحلي صاحبة الصور لاني نقل صورها

معليش شوفي ياختي. هوما خدمو المشينه باش تتاقلم مع انواع بزاف من لقماش وكي عملو العجلات قلتيهاش نتي اكيد باش تريقليها منهم تبعي الرسم ضك تفهمي كاين عجله تريقل طول الغرزه اي النفده نتاعك و كاين لي تريقلي منها حجم الزيقزاق رقيق ولا عريض و كاين عجله لي شفتها تحدد نوع الطرز. و كاين عجله و هي الاهم تريقل الخيط حنا نقولولها لاطونسيون ههههههه هي لي تشدلك الخيط و ماتخليهش يهرب

و ماتنسايش لازم تفوتي الخيط على كل المراحل و الخطوات سينون يتعبك و يطيك في كل مره و نصيحة جيبي طرف كتان و اصدمي ماتخافيش يا جابت الراس يا الكرعين و هكذا تتعلمي وحدك من اخطاءك

om meriem · 2014-01-12, 08:33

سطوفة هذه ماشينتى راهي دخلتنى في عقلى انخيط قندورة انخلص اندزها للخدام يعدلها لنزيد وحدة لتزيد تحبس اعيييت نفهم علاش https://

om meriem · 2014-01-12, 08:46

http://والله كل مرة نبغي نشري وحدةمي معرفتش واش منماركة مليحة حبيت انعود انخيط بيها للعباد تعرفي راهم يجيونى ونقولهم مانخيطش كيما عادت المشينة مهبلتنى حبيت اندير منها مدخول العبد ايعاون بيه

stayfiya · 2014-01-12, 15:14

اقتباس:

المشاركة الأصلية كتبت بواسطة om meriem

http:/

/والله كل مرة نبغي نشري وحدةمي معرفتش واش منماركة مليحة حبيت انعود انخيط بيها للعباد تعرفي راهم يجيونى ونقولهم مانخيطش كيما عادت المشينة مهبلتنى حبيت اندير منها مدخول العبد ايعاون بيه

هههههههههه وينتسكني باش نقولهم احبسو ماتخيطوش عندها ماشينتها فاسده هههههههههههههه

مليحة سوبر زيقزاق تساعد واحد يتعلم بصح لكان حبيتي تخدمي و دخلي مصروفه لازملك حاجة صحيحة و تزرب سانجار كيما تاعي اي يدير 32000 سواردها حلال

زوجة لزهر · 2014-01-12, 13:01

انا حبا نشري كيما تاع كوكا بنت الحاج واش رايكم

ghagha · 2014-01-12, 13:20

شكرا على هدا الموضو ع ربي يزيدك من خيرو قولى نشالله يا سطايفية

فراشات العمر · 2014-01-12, 13:28

السلام عليكم
راي جبت الماشينة نتاعي شكون تفهمني فيها

الخيط راني مركباتو مليح ولا راني غالطة

stayfiya · 2014-01-15, 08:12

اقتباس:

المشاركة الأصلية كتبت بواسطة bant khlil

السلام عليكم
راي جبت الماشينة نتاعي شكون تفهمني فيها

الخيط راني مركباتو مليح ولا راني غالطة

https://img809.imageshack.us/img809/5299/ug3g.jpg

شوفي بنت خليل الشلطات لي تهدري عليهم راهم يريقلو عرض الزيقزاق و تقدري تريقليهم مت القابض لي يجي عند ركبتك ادفعيه لهيه و اطلقيه رايحة تلاحظي تغير الدرجات
بالتسبه الروسور لي توال الموتور هذاك يشد و يرخف المكان لي تحطي عليه رجلك لاكسيليراتور هههههه انا ملي ريقلولي الخدام مازدت درت ليه.
هذيك لبياسه لي قتيلي حاجة ما جات قدها هايليك وين تركب انا نستعملها غير باساج الخيط
العجله راهي تركب داخل العجلة اكبيرة مافهمتش علاش ما ركبوهالكش نقولك نصيحة ارفديها ههه ماتخافيش غي راسها ماشي الطابله و اديها لاقرب خدام كونفيونص و ريحي عند راسو يركبهالك و يفهمك فيها خاطر كون تريح هكذا عمرك ماتخدمي بيها راهي ناصله واشبيك !!
شوفي صوريلي كل بياسه وحدها نقولك واش دير خاطر او هبلني المنتدى درتلكم اجابات و طارو

omrahil · 2014-01-12, 15:05

سلام عزيزتي سطايفية يغجبوني مواضيعك علابالك مللي ندخل وانا نضحك حتى ام اية والله ماقدرتش نحكم روحي من الضحك رانا كلنا في الهوى سوا مع الماشينات ربي يكون معانا وهكذا وما يقدروش تعبنا ولينا نمشيو ونهدرو من الهم لي طلة اخرى حبيبتي من بعدشكرا

stayfiya · 2014-01-12, 15:29

اقتباس:

المشاركة الأصلية كتبت بواسطة omrahil

سلام عزيزتي سطايفية يغجبوني مواضيعك علابالك مللي ندخل وانا نضحك حتى ام اية والله ماقدرتش نحكم روحي من الضحك رانا كلنا في الهوى سوا مع الماشينات ربي يكون معانا وهكذا وما يقدروش تعبنا ولينا نمشيو ونهدرو من الهم لي طلة اخرى حبيبتي من بعدشكرا

هههههه هيا روحي و من بعد حطيلنا لمعوقه تاعك ههههههااي

fatima touta · 2014-01-12, 15:32

عندي 2ماشينات وحدة زقزاق و تخيط و وحدة تخيط برك ماعرقتش نخيط الفتلة في تاع الزقزاق ربي يخليك لاكان تقدري تنعتيلي نخيط الفتلة بلماشينة

biba04 · 2014-01-12, 15:51

سطايفية كنت نشوف فل الماشينة سانجار نتاعك ونقول وين شفتها ههههه تفكرت ماما شرات ختها وماعرفتش تركب الخيط والابرة لوكان ديري فيا مزيا كبييرة صوريلي الخيط نتاع الكبةوين يمشي ويدور والبرا كيفاه تتركب