حميس من مطبخي ***

ladymillion · 2013-06-16, 14:46

أهلا أحبتي انشاء الله تكونو لاباس
جبتلكم الحميس على طريقتي بما أن الاخت فايزة كي كتبتهولها في تعليق لاحدى مواضيعي في قسم المقبلات و وعدتنى طبقو وطبقاتو الله يباااااااارك جاها مشاء الله وبعض الاخوات طلبو منها الرابط فقلت نكتب الوصفة حتى ومكانش صور مع قروب رمضان الكريم جربوه راح يعجبكم وسمحوووووووووولي لاني نحب نحط موضوع بالصور معليييش

هاذا حميس بالكوسى والبصل والفلفل والطماطم

3 حبات كوسى متوسطين ، حبة بصل ، 4 فصوص ثوم ، حبة فلفل حار ، حبة متوسطة طماطم هاذو كامل مشويين على الطابونة عادي
من بعد نقيلهم القشرة وحطيهم كااااامل في الروبو واذا مكانش عندك قطعيهم بالسكين
كي دشيهم برك ماشي ترحيهم بزاف أضيفي لهم (( زيت الزيتون+ ملح + فلفل أسود + موطارد+ خل )) وخلطيهم خليهم يباتو ليلة كاملة في الصوص وقدميهم مع أي أكلة مممممممم
هاذي صورة كي درتو

حميس الفلفل والطماطم:
4حبات فلفل حلو
2 حبات فلفل حار
حبة كبيرة طماطم
4 فصوص كبار ثوم
هاذو كامل مشويين على النار في الطابونة
ملاحظة : الفلفل اشويه على نار قوية
الطماطم أشويها على نار هادية

نقيلهم القشرة نتاعهم وحطيهم في الروبو دشيهم برك واذا معندكش الروبر قطعيهم بالسكين
في وعاء معدني ( طاوة) حطي الخليط وزيديلو (( نصف كأس زيت او زيت زيتون ، نصف كأس خل ، م ص موطارد ، ملح حسب الحاجة ، فلفل أسود ، كمون )) خليهم يغليو شوي فوق النار وحركيهم مرة على مرة لمدة 5د وطفي عليهم خليه يبرد شوي وخبيه في الثلاجة مع حفظها في علبة مغلقة

بالصحة والهناء

كوزينة هديل · 2013-06-16, 15:08

ممم شكلها يشهي تسلم الإيادي

فايزة44 · 2013-06-16, 15:15

شكررررررررررر على الموضوع حبيبتي ، والله قمة الروووووووووووووووعة وننصح الاخوات كامل يجربوه ، ونشكرك مرة اخرى
ياغلية ، وانشاء الله نزيد نجرب تاع الكوسى ونردلك الخبر

ladymillion · 2013-06-16, 15:18

اقتباس:

المشاركة الأصلية كتبت بواسطة فايزة44

شكررررررررررر على الموضوع حبيبتي ، والله قمة الروووووووووووووووعة وننصح الاخوات كامل يجربوه ، ونشكرك مرة اخرى
ياغلية ، وانشاء الله نزيد نجرب تاع الكوسى ونردلك الخبر

انشاء الله أختي سكرا على الثقة ويعطيك الصحة ربي يحفظك