السلام عليكم و رحمة الله وبركاته
كيف حالكم اصدقاائي ? عساكم بخير
توحشتكم مراكمش تبانوا و لا انا ماشي نبان
ليسونسيال اين انتم من 23 يوم ?
لا تياسوا لا تفقدوا الامل نحن مقبلون على العشر الاواخر لا تنسوا الدعاء و الدعاء للانفسكم و لنا اجمعين فامر الله تعالى بين الكاف و النون
اللي مزال يقول مزال الوقت و عندوا الامل و الثقة الزائدة انه يكفي الوقت مثلي تماما نقلوا توكل على ربي وابدى في حفظ الاجتماعيات خاصة قبل انتهاء رمضان في اسبوع و الله كافي بمعدل 3 ساعات يوميا راك عاام كامل محفظتش دوكا ماشي خسارة دير 3 ساعات و تكملها في اسبوع وتريح اعتمد على ذكائك راك علمي افهم و احفظ في نفس الوقت الاجتماعيات تاع الباك ثقافة عامة اكثر متفاهمين نحينا الاجتماعيات من الطريق و يتنحاو ع¨اع بربي
ندوروا للمادة السامطة الاخرى الفلسفة عليك و على المقترحات و منهجية تحليل نص و ان شاء الله يا رب المقترح الاول هو اللي يجي الاعوام لفاتت كامل المقترحات 100/100 يمالا تنشعوا شوي 5 مقالات اخدموهم على شكل مخططات و اللي معندوش المقالات يقولي نحطلكم و كاين ايضا مخططات اي تنحت و لا مزال ?
الشريعة مادة ساهلة ساهلة و كن ذكي افهم و ديرها فايدة ليك تحتاجها في حياتك الدروس و الله جد حلوة و ممتعة ملخص جمال مرسلي و الاستاذ بوقفطان
واش بقى ? اللغات سواء عربي فرونسي انجليزية ملخص خفيف القنوات في اليوتيوب بزاف لي عودة في الموضوع ونقلكم روحوا ليهم ديراكت ارفع المفيد و ابدى في البكالوريات شعب علمية فقط من 2014 ----2018 كل يوم 2 مواضيع تاع العام فلاني شحال يوم نديروك حابس في الفهم افهم في 3 ايام و المواضيع 5 ايام ساهلة و الله ساهلة فقط الارادة وتنظيم الوقت هوما اللي صعاب مي يا ابن ادم صاحبك السامط هذاك عدوك كامل راهم يستناولك في الرسوب يستناولك في الفشل اقرى ومتخليهمش يفرحوا كشوفك راسب و لا فاشل اي كوراج برك 23 يوم مترقدش مترقدش 4 ساعات كافية اليابانيين ذوي العقول يرقدوا 2 ساعات
وين وصلنا ? كملنا الحفظ ايماجيني راناا حافظين صح ومكملين و كملنا المواد الادبية احساس و لا اروع وماشي صعيبة تحقيقه اقرى بمتعة
بقات المواد العلمية علوم - فيزيك - مات صاي وقت كل وحدة تمارين بزاف خطا خطا شوف من ملخصك و لا اي مرجع تقرى منو القواعد ريفيزي و عليك و على المواضيع المواضيع وقتها و اللي بقاتلوا حاجة مفهمهاش يديرلها وقت اضافي ويفهمها و يحل عليها في لحظتها ومتخافوش كل شيء يجوز و تجوا تضحكو على رواحتيكم تقولوا واش كنا نديروا و علاش كنا متقلقين خاايفين و الله نهار تدخلوا للباك وتخرجوا تستعجبوا تقولوا هذا هو ?!!!
اي علابالي كثرت عليكم الهدرة وراني ثقيلة عليكم رمضان و صايمين و جاية تخلط عليكم افطر و اقرى الموضوع بتمعن والله اني صادقة معكم ماشي راني نقلكم ساهلة غي باشي نخفف عليكم ابدا و الله الحقيقة و عن تجربة
اي بون كوغااااااااااااااااااااااااااج
وفقكم الله و سدد خطاكم واي حاجة تحتاجوه راني هنا اليوم و غدوة راني نطل ونهرب الوقت يجري و اذا لقيت تساؤل مستحيل نخرج حتى نجاوبك
اي بون كوغاج