**les mexicains يهبلوا بنة رووعة+ هدية بسيطة **

faizarbh · 2013-09-23, 15:25

السلام عليكم أخواتي
اليوم جبتلكم وصفة لي ميكسيكان روووعة بزاف بنينة و رايحين يحبوها كبار و صغار
بسيطة و سهلة و غير مكلفة و رووووعة
المقادير:
نحتاج عجينة مسمن (معارك)
فرينة + ملح + ماء نعجنهم جيدا و نخلي العجينة ترتاح ثم نشكل كريات كيما حبة بيض او اقل منها بشوية و نغطيهم يرتاحوا و في هاد الاثناء نحضر الحشو

الحشو:
حبة فلفلة ( طرشي) كبيرة و مقطعة مربعات
2 حبات طماطم مقشرين و نحولهم الزريعة و مقطعين مربعات
دجاج طايب و مفتت او ممكن نعوضوه بالتونة تاع الزيت
نص حبة بصل مقطعة مربعات صغار
ماييس خاص بالسلطة ( ذرة)
زيتون اخضر مقطع مربعات
جبن مقطع مربعات

و نخلطهم مع بعض جيدا + رشة ملح+ جبن مقطع مربعات

و الان نحضر خليط المايونيز:
مايوناز + م ص هريسة + القليل من الكاتشاب (ممكن نعوض الكاتشب بطماطم مصبرة) و نخلطهم

و نحتاج شوية سلطة خس

الان نرجع للعجينة تاعنا و نخدمها
نفس الطريقة اللي ندير بيها المعارك
برك ندير كريتين
نجيب 2 كرات من العجين نحل واحدة دائرة و نطويها حتى نتحصل علي مربع
نستعين بالزيت باش يسهل العملية

ثم نحل الثانية دائرة ايضا و ندير داخلها المربع و نلفها على شكل مربع

نريحها دقيقة برك و نحلها على شكل مربع و نطيبها في طاجين بلا ما ندير الزيت لما يطيب

و هكذا حتى نكمل كل العجين اللي عندي و يكونو بردوا شوية
نبدا الان التشكيل
نجيب جبة و نطليها بملعقة من خليط المايونيز

ثم ندير السلطة فالوسط بهاد الشكل

ثم الخليط بهاد الشكل

ثم نلفها بهاد الشكل

و هادي الصور النهائية

زوووووووووووووووم يا سلااام يم يم

ملاحظة:
لما نطيبهم فالطاجين ما نديرلهمش الزيت يطيبوا ناشفين
و الخلطة نديرولها فقط رشة ملح
و اللي عندي آلة البانيني تقدير اديرهم فيها مع الاخير.

ان شاء الله تكون عجبتكم الوصفة
و نتمنى اجربوها لذيذة بزاف و ما تنساونيش بدعوة خير

جبتلكم هدية صغيرة ان شاء الله تعجبكم ممكن تعملوها لبناتكم او لانفسكم

https://www.djelfa.info/vb/showthread.php?t=1411510

rofaidamath · 2013-09-23, 15:31

يعطيك الصصصصصصصصصصحة

enar · 2013-09-23, 15:39

هايلين les mexicains تاوعك راني نجربهم ان شاء الله
بصح عندي سؤال راكي قلتي باللي استعملتي الفرينة برك اذا ما نديروش السميد الرطب معاها ؟
و ياحبذا لوكان تعطيلنا المقادير اللي استعملت بالضبط تاع الفرينة و تاع الماء
و مشكووووورة حبيبتي

*أم كوثر* · 2013-09-23, 15:47

اممممممممممممممممممم فيوووزة يشهوا يعطيك الصحة
للتثبيت

sirina_angel · 2013-09-23, 15:47

مازلو الصور ما خرجوش مي على ما اظن راهي نفس الفكرة لي كنت نفكر فيها هاد ليمات هههههههههههههه

أم ياسين الزهراء · 2013-09-23, 15:50

هايل كلش من عندك بنين ومميز الله يعطيك الصحة

sirina_angel · 2013-09-23, 15:57

يعطيك الصحة ...يعني تقريبا نفسها تقريبا

sidali 2007 · 2013-09-23, 16:06

اممممممم تسلم ايدك شحال نحب اكل كما هذا روووعة

faizarbh · 2013-09-23, 16:06

اقتباس:

المشاركة الأصلية كتبت بواسطة rofaidamath

يعطيك الصصصصصصصصصصحة

تسلمي اختي شكرا

اقتباس:

المشاركة الأصلية كتبت بواسطة enar

هايلين les mexicains تاوعك راني نجربهم ان شاء الله
بصح عندي سؤال راكي قلتي باللي استعملتي الفرينة برك اذا ما نديروش السميد الرطب معاها ؟
و ياحبذا لوكان تعطيلنا المقادير اللي استعملت بالضبط تاع الفرينة و تاع الماء
و مشكووووورة حبيبتي

ايه اختي المسمن تقدري اديريه بالفر ينة واحدها او تخلطي فرينة و سميد رطب و انتي ديريه كيما راكي موالفة تخدميه بالنسبة للمقادير انا درت وخلاص عينك ميزانك و اكيد على حساب افراد العائلة و الماء ديري حتى تتلملك العجين و ادلكيها مليح طبعا