أخطاء تقع فيها العائلات عند تزويج(ابنها؛ابنتها)

[zahra1999]

السلام عليكم ورحمة الله تعالى وبركاته
تعتبر فترة الخطوبة من اهم المراحل في الحياة الزوجية فهي فترة تمهيدية حساسة لبدء رحلة طويلة من درب الحياة.
المشكلة في الامر ان هنالك بعض العائلات بحكم قلة خبرتها تقع في العديد من التصرفات الخاطئة التي تنجر عنها لاحقا نتائج وعواقب وخيمة وفي هذا الصدد سنتطرق الى أهمها ونبدأ بعائلة الرجل...(الزوج):
1***خاتم الشوفة: ونخص هنا بالذكر البنت الغريبة عن العائلة(العروس البراوية) اللي يكون شايفها غير العريس فقط أما أهله فلا يعرفونها ولم يرونها من قبل .
بعض الرجال يقولك انا الطفلة شايفها ونعرف اخلاقها مليح يعني كلش راه مرسم امالا ندي خاتم ونروح مع اهلي لدارها نخطبها.
لكن هذا راه خطأ .هنا يا أخي الكريم بهذ التصرف راك ضربت بأهلك عرض الحائط وبينت قدام نسابك بلي أهلك معندهم حتى كلمة إن صح التعبير .
هل يعقل تروح أمك رافدة خاتم معاها وهي مهيش عارفة أصلا كنتها هذي كفاه دايرة!!
فيستحسن أن يكون أول لقاء بين عائلتي (العريس والعروس)لقاءا بسيطا يتم فيه التعارف والارتياح لكلا الطرفين وفي المرات المقبلة لك أن تشتري خاتما أو خواتما إن شئت.

2***إفشاء أسرار البيت :ينهال العديد من الرجال في فترة الخطوبة إلى الحكي المطول عن البيت وأهله ويسترسلون في ذكر التفاصيل التي يرونها عادية في حين لها وقع آخر على الكنة الجديدة .فلا تهرع اخي في ذكر ما يجري في بيتك كمثال(شرينا كويزينار.سقمنا الساحة.خويا راه مشومر.ختي تعرف تطيب كذا وكذا ومتعرفش كذا وكذا........وووو)
وللاسف كاين بعض البنات (خبيثات) كي تحب تعرف كاش حاجة تلوحلو الطعم وتخليه هو يبدا يحكي عليها بلا متسقسيه مباشرة .
-من حق الكنة أن تعرف عن البيت بعض أموره وأحواله فحبذا لو يكون التعريف عاما وبطريقة جيدة دون الدخول في التفاصيل التي تؤذي اطراف البيت وتعود لاحقا بالسلب على الزوج واهله.

3***الاغراق في الهدايا والاغراض الثمينة:حتى لو كنت مقتدرا .فلا يجدر بك الافراط في اقتناء الهدايا والعطور والاشياء الثمينة في كل مرة بمناسبة او بدونها .
من عواقب هذالتصرف هو تعويد البنت على الحياة الفريهة فبعد الزواج ستثور الزوجة غضبا منك إن هي احتاجت الى شيء من المواد والاغراض المنزلية.ولم تجدها لانها لم تتعود على الصبر فتظهر لها انت بصفة الانسان المخادع .
والوجه السلبي الاخر لهذا التصرف ان هذه البنت حين تراك تمطر عليها بالهدايا تحس بلي راك مخلوع بيها (وتبدا تتفرعن عليك بلعقل).
وعليه اخي الكريم اثناء الخطبة ادي حاجة قيس قيس متزيدش على قانونك .وبعد الزواج دلل مرتك كيما تحب واشريلها أغلى وأفخم الملابس ولك الاجر في ذلك ان شاء الله وستفرح هي أضعاف (فرحتها اثناء الخطوبة).

4***التقليل من شأنه والتعظيم من شأنها:وذلك يتجلى في استشارتها في كل صغيرة وكبيرة ولا ننكر ان هنالك أمور من حق الزوجة ان تختارها معه ك(لاشومبغ.لون الدهان....)يعني الامور لي مشتركين فها .لكن هذا ميعنيش انك تولي انسان دون رأي وتوصل بيك السذاجة لدرجة تولي تشاورها في اتفه الامور .هنا راح تحسك ضعيف وهي انسانه متثقفة عليك وانت واهلك متعرفو والو في نظرها .
الحاجة الاخرى في هذا الصدد او الغلطة الاخرى :كاين من الرجال لي يحكي على ماضيه التعيس وكفاه قاسى وعانى وكاين لي توصل بيه يقوللها خطبت قبلك ومقبلوش بيا وووو.
هنا البنت تحس روحها راها خرجاتك من الوحل ودارت فيك بليزير كي راها جاية ليك ....فحذاري...
.
.
.
.
نذهب الى أخطاء عائلة البنت(العروس):
.
.
.
1***التعلق بالخاطب :كاين بعض الاولياء لما يجي كاش واحد يخطب من عندو تلقاه هو يعاود يروح ليه باش يتكلمو فالموضوع ....لا يا اخي حتى لو عندك بنت أو أخت ف 50سنة عمرك يلا تروح انت للخاطب وتفاتحو فلموضوع .استناه حتى هو يرجع ليك ويقولك اذا راكم قابلين ولا لالا.ثما باه تهدرلو على الموضوع .
ونذكر هنا ايضا خطا التسرع في الاجابة والرد .مش منين واحد يقولك ران حاب نخطب من عندك تقولو ايه ران قابل...لا...يلزم دوما يكون الرد تاعك ...اصبر حتى نتشاورو ومبعد ساهل.
التعلق بالخاطب راه حشمة كبيرة بلا فايدة* يعني لي حاب يدي من عندك يرجع يرجع ولي مهوش حاب يدي علاه تعطيلو انت اختك ولا بنتك فوق قلبو يلا مطلقهاش يشبعها منكر وميزيرية ....

2***التنازلات: بعد ترسيم الخطبة تقوم عائلة الزوج في المناسبات باحضار هدايا وملابس ووو للعروس .من الاخطاء التي تقدم عليها عائلة البنت طلب الانقاص من الهدايا او إلغائها.(ام الزوجة لما تشوف اهل الزوج جابو لبنتها بزاف حوايج وصوالح تقوللهم جبتو بزاف متزيدوش تجيبو..ووو) معتقدة في ذلك أن هذا من الطيبة لكن أيتها الام الحنونة الناس مراحش تفهمها طيبة راح تفهمها بلي ...بنتك معندهاش قيمة ومتستاهلش الغالي.
-نقطة اخرى ؛كاين بعض الاولياء سامحهم الله لما يقدمولو مهر لبنتو ينقص منو جزء ويرجعو للعريس معتبرا ذلك تفضلا وكرما منه (قمة الغباء بصراحة)
هذا ليس تكرما وتفضلا إنما هو إنقاص من قيمة ابنتكم يا اولياء .اهل العريس رايحين يفهمو بلي راك تقوللهم ....(غير ادوها برك كلش علينا)
أخي الكريم ولي الفتاة ؛حنا مقلنالكمش اتشرطو... لا ....لكن جامي تقول لالا كي يمدولك حاجة .حتى انت ثاني بنتك عزيزة*
القاعدة تقول ..(ماتتشرط على الناس ما ترجع لي جابوها).....راه خطا كبير ..فحذاري...

3***الامدادات والمساعدات:كاين ناس كي تشوف عريسها مهوش لاحق بالمصروف تعاونه مثلا راه يبني في بيت يعطولو دراهم بش يساعدوه وكأنو راهم حابين يقولو ....ازرب اديها.....لا يا اخي ...خلوه يتمحن ..يتسلف ولا يدير الروطار هذاك شغلو ....اللهم الا اذا هو طلب منكم تقدرو تعاونوه لكن قرضا وليس عطاءا .

4***تقليل البنت من شأنها :وهذا الامر نفسه ذكرناه عند الرجل .اختي الكريمة احذري تحكي لخطيبك على ماضيك التعيس أو وضعك السيء أو علاقتك الغير جيدة بأفراد اسرتك .لأن الزوج راح يحس روحو انتشلك مالضياع وراه داير فيك بليزير كي راح يديك وممكن يحكي أسرارك لأهله وراكي تعرفي......فحذاري اختي....

[zahra1999]

هذه النصائح استنبطتها من الواقع وحسب ما أراه أنا مناسبا وربما لكل شخص راي آخر .
نتمنى تكون الفكرة وصلت أستودعكم الله والسلام عليكم ورحمة الله تعالى وبركاته

[ايمان4]

بارك الله فيك اخت زهرة ... خصوصا النقطة تاع نحكيو ع الاهل اسوء نقطة الصراحة لانها توحلك فيما بعد مرا الانسان يحكي للانو غاضب لكن ما يقصدهاش بالصح ممبعد تنجر عنها مشاكل ... صراحة كل نقاطلك مهمة ..مشكورة

[zahra1999]

المشاركة الأصلية كتبت بواسطة ايمان4

بارك الله فيك اخت زهرة ... خصوصا النقطة تاع نحكيو ع الاهل اسوء نقطة الصراحة لانها توحلك فيما بعد مرا الانسان يحكي للانو غاضب لكن ما يقصدهاش بالصح ممبعد تنجر عنها مشاكل ... صراحة كل نقاطلك مهمة ..مشكورة

وفيك بارك الرحمان اختي
نعم يغلط الانسان لما يكون غير واع تماما بحجم العواقب .
وعليه يجب علينا الحرص كل الحرص على صيانة كرامتنا قبل فوات الاوان حينها لا ينفع الندم .شكرا لمرورك اخت ايمان نورتي الصفحة

[ع.عيسى]

يعطيك الصحة على هاذي النصائح ، ارجوا تقديم نصائح للرجال بعد الزواج .

[zahra1999]

المشاركة الأصلية كتبت بواسطة ع.عيسى

يعطيك الصحة على هاذي النصائح ، ارجوا تقديم نصائح للرجال بعد الزواج .

الله يسلمك ويبارك في صحتك...ان شاء الله سنقدم نصائحا مثلما طلبت....
شكرا لمرورك اخي عيسى.

[HANAN 04]

و الله معلومات صحيحة لها تاثير على الزواج
وهناك ايضا خطا كبير انا سمعت بيه بزاف ادى الى كوارث شهدت عليها وهو ان بعض العائلات متحفظة لا ليست متحفظة متشددة كثيرا لا تسمح لابنتها بلحديث مع خطيبها و لا الخروج معه اطلاقا
وهذه كارثة كيفاش يتعرفو على بعضاهم كيفاش يعرفو عقلياتهم ممكن عقلية احد متعجبش الاخر متساعدهش ميقدرش يتعامل معها هذه المشكلة ممكن تتعالج قبل الزواج لكن هذه العائلات التي تمنع اي حديث ولو صغير طبعا يكون عقلاني راها ترمي بنتها للهلاك فلذلك احذروا
شكرا الاخت زهرة على الموضوع المهم راني فرغت قلبي

[محمد محمد.]

السلام عليكم

ما شاء الله ، بصراحة نصائح مفيدة إلا أنّ هناك نقطة واحدة أخالفك فيها جملة وتفصيلا وهي في ما يتعلّق بالمسائل المادّية ، ولا يكفي الردّ هنا بل يجب أن نفرد لها موضوعا مستقلاّ بإذن الله .

[محمد محمد.]

المشاركة الأصلية كتبت بواسطة hanan 04

و الله معلومات صحيحة لها تاثير على الزواج
وهناك ايضا خطا كبير انا سمعت بيه بزاف ادى الى كوارث شهدت عليها وهو ان بعض العائلات متحفظة لا ليست متحفظة متشددة كثيرا لا تسمح لابنتها بلحديث مع خطيبها و لا الخروج معه اطلاقا
وهذه كارثة كيفاش يتعرفو على بعضاهم كيفاش يعرفو عقلياتهم ممكن عقلية احد متعجبش الاخر متساعدهش ميقدرش يتعامل معها هذه المشكلة ممكن تتعالج قبل الزواج لكن هذه العائلات التي تمنع اي حديث ولو صغير طبعا يكون عقلاني راها ترمي بنتها للهلاك فلذلك احذروا
شكرا الاخت زهرة على الموضوع المهم راني فرغت قلبي

السلام عليكم

أختي عليك أن تعلمي أن الخطيب هو رجل أجنبي عنك ومثله مثل كل الرجال وهؤولاء الأهل ليسوا متشددين بل ما يفعلوه هو عين الشرع والعقل .

أما إن كنت تقصدين بالخطبة العقد الشرعي ، فبعد العقد الشرعي يصبح زوجها وحلالا عليها ولكن ما الفائدة من التعارف في هذه الفترة؟؟ فقد اصبحا زوجين !

بل العكس لا يجب عليهما أن يطيلا هذه الفترة حتى لا ينفصلا عند ظهور مشاكل بينهما .

[zahra1999]

المشاركة الأصلية كتبت بواسطة hanan 04

و الله معلومات صحيحة لها تاثير على الزواج
وهناك ايضا خطا كبير انا سمعت بيه بزاف ادى الى كوارث شهدت عليها وهو ان بعض العائلات متحفظة لا ليست متحفظة متشددة كثيرا لا تسمح لابنتها بلحديث مع خطيبها و لا الخروج معه اطلاقا
وهذه كارثة كيفاش يتعرفو على بعضاهم كيفاش يعرفو عقلياتهم ممكن عقلية احد متعجبش الاخر متساعدهش ميقدرش يتعامل معها هذه المشكلة ممكن تتعالج قبل الزواج لكن هذه العائلات التي تمنع اي حديث ولو صغير طبعا يكون عقلاني راها ترمي بنتها للهلاك فلذلك احذروا
شكرا الاخت زهرة على الموضوع المهم راني فرغت قلبي

مرحبا اختي الكريمة وشكرا لأنك شاركتنا الموضوع
بصراحة فكرة ترك البنت المخطوبة تخرج مع خطيبها لا أتفق معك فيها لأن لها عواقب وخيمة .
أما عن التحدث في الهاتف فهي بالفعل خطأ فادح واجحاف في حق البنت .
من المفروض الاتصال الهاتفي بين المخطوبين يبدأ من يوم ترسم فيه الخطبة لمعرفة عقلية كل طرف لطرفه الاخر وإزالة الغموض والهواجس الحاصلة بين الطرفين وارتياح كل منها للاخر.ومن منافعه أنه يقوي الرابطة ويؤلف بين القلوب.ومن عواقب هذا الخطأ تفاجؤ الطرفين بعد الزواج بأمور وصفات لم تكن معروفة ...
شكرا لمرورك اخت حنان لو تذكرت هذه النقطة سابقا لكنت أدرجتها مع نص الموضوع ..نقطة مهمة جدا أتمنى أن يستوعبها المشاهدون....

[zahra1999]

المشاركة الأصلية كتبت بواسطة محمد محمد.

السلام عليكم

ما شاء الله ، بصراحة نصائح مفيدة إلا أنّ هناك نقطة واحدة أخالفك فيها جملة وتفصيلا وهي في ما يتعلّق بالمسائل المادّية ، ولا يكفي الردّ هنا بل يجب أن نفرد لها موضوعا مستقلاّ بإذن الله .

شكرت لمرورك اخي محمد نتمنى منك التوضيح حتى يتبين لنا الصواب من الخطأ .

[HANAN 04]

المشاركة الأصلية كتبت بواسطة zahra1999

مرحبا اختي الكريمة وشكرا لأنك شاركتنا الموضوع
بصراحة فكرة ترك البنت المخطوبة تخرج مع خطيبها لا أتفق معك فيها لأن لها عواقب وخيمة .
أما عن التحدث في الهاتف فهي بالفعل خطأ فادح واجحاف في حق البنت .
من المفروض الاتصال الهاتفي بين المخطوبين يبدأ من يوم ترسم فيه الخطبة لمعرفة عقلية كل طرف لطرفه الاخر وإزالة الغموض والهواجس الحاصلة بين الطرفين وارتياح كل منها للاخر.ومن منافعه أنه يقوي الرابطة ويؤلف بين القلوب.ومن عواقب هذا الخطأ تفاجؤ الطرفين بعد الزواج بأمور وصفات لم تكن معروفة ...
شكرا لمرورك اخت حنان لو تذكرت هذه النقطة سابقا لكنت أدرجتها مع نص الموضوع ..نقطة مهمة جدا أتمنى أن يستوعبها المشاهدون....

*نعم خروج البنت اوافقكي فيه له عواقب لكن هذا يعتمد على البنت او الولد كاين لنقدرو نديرو فيه تيقة له مسؤولية مي كاين الله يستر هذا يعتمد على الشخص
و ماقصدت بهذا الجواب هو اي واحد ميقدرش يتزوج واحد ميعرفوش ميعرفش عقليتو وش يحب وش ميحبش حتا واحد ميقدر ممكن غقليتو ولا مبادؤه اخلاقه متعجبهاش ولا متولمهاش تماك تنحل المشكلة بالانفصال دون مشاكل ويمكن تلقا اخر وهذا ينطبق على الرجل ايضا مش حتى تطفر ويتزوجو و تصرا مشاكل ويلتجاو للطلاق
هل توافقوني الراي

[zahra1999]

المشاركة الأصلية كتبت بواسطة hanan 04

*نعم خروج البنت اوافقكي فيه له عواقب لكن هذا يعتمد على البنت او الولد كاين لنقدرو نديرو فيه تيقة له مسؤولية مي كاين الله يستر هذا يعتمد على الشخص
و ماقصدت بهذا الجواب هو اي واحد ميقدرش يتزوج واحد ميعرفوش ميعرفش عقليتو وش يحب وش ميحبش حتا واحد ميقدر ممكن غقليتو ولا مبادؤه اخلاقه متعجبهاش ولا متولمهاش تماك تنحل المشكلة بالانفصال دون مشاكل ويمكن تلقا اخر وهذا ينطبق على الرجل ايضا مش حتى تطفر ويتزوجو و تصرا مشاكل ويلتجاو للطلاق
هل توافقوني الراي

اختي الكريمة
خروج البنت مع خطيبها من البيت هو فتنة عظيمة وباب واسع للوقوع في الخطأ وقتها لاينفع الندم *
مهما كانا الشخصين على درجة عالية من الثقة والمسؤولية
لا تنسي أن الشيطان سيرافقهما اينما حلا.

-بالنسبة للتعرف على اخلاق الرجل ومبادئه وطباعه فالهاتف راه يكفي ويوفي .

-ثم إن حدث وتم الفسخ قبل الدخول
من سيقبل الزواج بامراة كانت تخرج من بيت والدها مع رجل غريب الى وجهة مجهولة؟!!!
-أما البنت المصونة في بيتها فلا مانع من خطبتها طالما هي بعيدة عن الشبهات والمتاهات.

ارجو ان تستوعبي الفكرة اختاه.

[محمد محمد.]

المشاركة الأصلية كتبت بواسطة hanan 04

*نعم خروج البنت اوافقكي فيه له عواقب لكن هذا يعتمد على البنت او الولد كاين لنقدرو نديرو فيه تيقة له مسؤولية مي كاين الله يستر هذا يعتمد على الشخص
و ماقصدت بهذا الجواب هو اي واحد ميقدرش يتزوج واحد ميعرفوش ميعرفش عقليتو وش يحب وش ميحبش حتا واحد ميقدر ممكن غقليتو ولا مبادؤه اخلاقه متعجبهاش ولا متولمهاش تماك تنحل المشكلة بالانفصال دون مشاكل ويمكن تلقا اخر وهذا ينطبق على الرجل ايضا مش حتى تطفر ويتزوجو و تصرا مشاكل ويلتجاو للطلاق
هل توافقوني الراي

أختي الكريمة

أولا : هذا محرم شرعا

ثانيا : التعرف على الشخص وعلى حقيقته لا يكون إلا بعد الزواج وبعد معاشرة طويلة وليس في فترة معينة وبدون معاشرة

ثالثا : المبادئ العامة يتفقان عليها في الرؤية الشرعية ، يسألان بعضهما البعض