ادخل لتعرف رتب الجيش ورتب الاحتياطيين

[just do it]

رتب الجيش




جندي معندهش شعار جندي
عريف عندو شرطة مايلة كابران
عريف اول زوج شرطات مايليين كابران شاف
رقيب v حرف سارجان
رقيب اول v زوج حرف سارجان شاف
مساعد k حرف اجودان ولا ادجيدن
مساعد اول حرف فيه شرطة دوبلي مع الشرطة الي وقفا ادجيدن شاف
ملازم نجمة سوليوتنو
ملازم اول نجمتان يوتنو
نقيب 3 نجوم كابيتان
رائد قابسة شمة تجي جبل وسنبلتين كومندو
مقدم قابسة شمة ونجمة يوتنو كولونال
عقيد قابسة شمة ونجمتين كولونال
عميد زوج سيوفا وقابسة ونجمة جنرال
لواء زوج سيوفا وقابسة ونجمتان جنرال ماجور
فريق زوج سيوفا وقابسة وثلاث نجمات ليهو القايد صالح شاف دي كورب
ومن تمة يجي القائد الاعلى للقةوات المسلحة الي هو بوتفليقة
ملاحظة
من جندي حتى لسارجان شاف يسمى متعاقد
المساعد والمساعد اول فيهم المتعاقد وفيهم العامل
من ملازم وطلع يسمى عامل
الفرق بينهما
المتعاقد يخدم بالكونترا سبع سنين يقدر يخرج يقدر يجدد
اما العامل فلا هو لازم يخدم على الاقل 25 سنة واذا حبس بدون مبرر ينعرض لعقوبات وغرامات مالية

ملاحظة الثانية
بالنسبة للاحتياطيين رتبهم كالتالي
جندي احتياطي من بدون مستوى حتى الالاولى متوسط
عربف ا من الثانية متوسط الى الرابعم متوسط
عريف اول ا من الولى ث الى الثانية ث
رقيب ا ثالثة ثانوي
رقيب اول لا يوجد في الاحتياط
مرشح نجمة بيضاء وملازم احتياطي نجمة صفراء للجامعيين بغا ماستر ولا ل م د ولا دكتور ولا ولا
الفرق بين النجمتين فالخلاص بينتهم 2000 دج والحصول عليها تكون حسب معدلات تع السطاج او خسب المدارس
لا نقول مرشح احتياطي لانو مكنش مرشح عامل كاين ملازم احتياطي و ملازم عامل

[hichem480]

من جندي حتى ^لسارجان شاف^ يسمى متعاقد هاذي راك غالط فيها كاين سرجان شاف اكتيف ^عامل^

[walid raach]

واحسن رتبة هي civil

[just do it]

المشاركة الأصلية كتبت بواسطة hichem480

من جندي حتى ^لسارجان شاف^ يسمى متعاقد هاذي راك غالط فيها كاين سرجان شاف اكتيف ^عامل^

شكرا على التصحيح
نعم كاين سارجان شاف عامل اكتيف
وكانو باغيين يردو قع لي سارجان اكتيف مكنش الكونترا منعرف وين راهم واصليين بيها
راك تشوف كي كثر عليهم الشعب الي باغي يكاجي راهم غي يزيدو فالقوانين

[karim175]

شكرا على المعلومة اخي

[moh ag]

بارك الله فيك ممكن تقولنا ماهي وظيفة المترشح يعني الضابط الاحتياطي في الجيش؟

[just do it]

المشاركة الأصلية كتبت بواسطة moh ag

بارك الله فيك ممكن تقولنا ماهي وظيفة المترشح يعني الضابط الاحتياطي في الجيش؟

وظيفة الضابط الاحتياطي تختلف حسب الكزرنة
يعني اذا كنت في ديتاشمون صغيرة تع 30 فرد وهي تابعة لسرية مش فنفس المكان قادر اكون نتا شاف ديتاشمون طبعا يعطوك مساعد ادجيدون يعاونك
اذا كان معاك يوتنو تكون انت نائب قائد المفرزة الديتاشمون
اذا كنت فكزرنة حاكمها كومندو نت تكون قائد فصيلة تع من 20 الى 30 ويمكن اكثر
اذا كنت قائد فصيلة وهي الاغلبية تع الاحتياطيين تكون مسؤول على الافراد وعلى المتريال يعني الشاحنات ولا اي حاجة من الادوات
اذا كنت في مدرسة كيما شرشال ولا النقل والمرور تلمسان رك غادي تكون مدرب تع الاحتياطيين يعني تكون مسؤول عن تدريب الاحتياط
كذلك المدارس لكبار قادر تحكم غي بيرو تع وثائق ومراسلات واذا كان عندك ديبلوم مليح يخدموك على حسابو
مثلا اعلام الي تخدم في خلية الاعام والتوجيه
انجليزية تقري المتربصين وهكذا
المهم وظيفتك غير ثابثة لكن ديما فيها مسؤولية كبيرة ولازم تكون تخدم بالورقة والستيلو لانهم ميفرقوش بين عامل واحتياطي في المسؤولية يفرق فالخلصة واه
هذي عموميات والا كاين وظائف اخرى

[Special Algeriano]

الــــــــر تـــــب
رتب الضباط العمداء فريق لواء عميد رتب الضباط السامين عقيد مقدم رائد
رتب الضباط المرؤوسين نقيب ملازم أول ملازم مرشح رتب ضباط الصف مساعد أول مساعد رقيب أول رقيب رتب رجال الصف عريف أول عريف جندي

[عابد الماستر]

المشاركة الأصلية كتبت بواسطة hichem480

من جندي حتى ^لسارجان شاف^ يسمى متعاقد هاذي راك غالط فيها كاين سرجان شاف اكتيف ^عامل^

كاين منها صديقي

[سيف الدين الطيار]

ممكن رواتب كل الرتب

[عبدو 90]

بارك الله فيك

[walid raach]

رقدة في الحشيش خير من نجمة في الجيش.تحيا ال civil

[just do it]

المشاركة الأصلية كتبت بواسطة walid raach

رقدة في الحشيش خير من نجمة في الجيش.تحيا ال civil

ياو برد على قلبك وسكت قولي شحال دفعت من دوسي ومقبلوكش باه رك تقول هكا
انا الحمد لله والله محطيت عندهم حتى دوسي وجامي خممت نعيش طول حياتي تحت النظام وكل شيء بايعاز ووبامر

[just do it]

المشاركة الأصلية كتبت بواسطة سيف الدين الطيار

ممكن رواتب كل الرتب

والله ياخويا انا كي طرحت الموضوع خممت ندير الرواتب بصح انا وتها عام ونصف يعني كانو مزال مزدوش اليوم منعرفت شخال يخلصو نشالله الاخوة يفيدوك لكن ربما المرشح 16 الملازم الاحتياطي 18 الرقيب ا 13 العريف1 ا 1مليون الجندي ا 9000
اقول ربما انا لا اعرف تماما

[khalil16]

أنا مثلا تقني سامي ...ماهي الرتبة لو ذهبت لتأدية الخدمة الوطنية