كوزينة حراير المنتدى

[Dahlia 90]

السلام عليكم ورحمة الله وبركاته
كيراكم توحشتكم بزاااااف ان شاء الله تكونو بالف خير
هادو اطباقي للايام الماضية
ادعولي بالذرية الصالحة ربي يستركم

[أمنية غفران]

المشاركة الأصلية كتبت بواسطة dahlia 90

السلام عليكم ورحمة الله وبركاته
كيراكم توحشتكم بزاااااف ان شاء الله تكونو بالف خير
هادو اطباقي للايام الماضية
ادعولي بالذرية الصالحة ربي يستركم

اطباقك روعة حبيبتي
ربي يفرحك عاجلا غير اجل و يرزقك الذرية الصالحة المعافاة

[OM DHOHA ANES]

سلام أحبتي دخلت على جالك أمنيه غفران, شكرا على مشاعرك وعلى غيرتك.
أما فيما يخص أم وليد ربي يسهل عليها, لكان نيتها تنعت للأخوات فماعنديش مشكل أما حاجه أخرى والله أعلم بالنفوس فربي يجازيها على نيتها.

[OM DHOHA ANES]

[QUOTE=Dahlia 90;3997839153]السلام عليكم ورحمة الله وبركاته
كيراكم توحشتكم بزاااااف ان شاء الله تكونو بالف خير
هادو اطباقي للايام الماضية
ادعولي بالذرية الصالحة ربي يستركم
ربي يباركلك فهاذوك اليدين ويعطيك العااافيه.
ربي يرزقك ختي ويعمر حجرك بالذريه الصالحه عاجلا غير آجل آآآآآمييييين.

[أمنية غفران]

مرحبا اخواتي الغائبات ان شاء الله اموركم تكون تمام

ربي يحفظك ام ضحى كيما قلتي ربي عالم بالنوايا

.................................................. ...........

المهم ليك و للأخوات جبت ليكم احدث تطبيقاتي

كيكة الصابلي بجوز الهند

جربتها و قلت نفيدكم بيها و على فكرة راني بديت نجرب نحط فيديوهات في اليوتيب بصح بالصور فقط ههههههه ظروفي ما تسمحليش ندير فيديو مباشر ايا ضربو طلة احم احم

ما نطولش عليكم تفضلن كيكة الصابلي هي ساهلة و خفيفة و تصلح لضيوف الغفلة اسرع من الموسكوتشو في الطياب مدة طيابها ما تفوتش ربع ساعة


المقادير

250 غرام زبدة بحرارة الغرفة
3 بيضات
كاس سكر رطب
كاس جوز الهند
لفاني
2 باكي خميرة الحلوى
2 ملاعق كاكاو انا ما استعملتوش ماكانش متوفر عندي
الفرينة

الطريقة

و لا اسهل فقط بيدك خلطي جميع المكونات و لمي بالفرينة حتى تحصلي على عجينة طرية و حليها في المول مدهون بالزيت حليها بيدك فقط سويها مليح و دخليها للفرن مسخن مسبقا خليها حوالي ربع ساعة و شعلي من فوق باش تدي تحميرة

و اطليها بالمعجون و دردري عليها واش تحبي انا درت كوكاو

واش نقول ليكم هايلة و ساهلة












تحياتي

[سحابة باردة]

مساء النور كيراكم حبباتي فحلات الكوزينة
ان شالله بخير للأسف منيش نصور
ملي خسر ميكرويا عجزت والبورتل سامط
في رفع الصور.
أمينة منورة الكوزينة وكيكة الصابلي جات في وقتها
بصدفة كنت نحوس على قاطو الطلية كنا نديروه زمان
وهو شبيه بالكيكة اللي حطيتيها نخدم نتاعك وخلاص ديجا نموت علي بنة جوز الهند أممممم ههه
قريبا نجربها ونسيي نصورها باه تشوفيها
خقا فريب رمضان أن شالله نرجعو نتلمو كيما قبل
سلامي لحياة نور الدين وبقية الشلة

[حياة نور الدين]

السلام عليكن منورااااات البنات واش راكم وعائلاتكم

كاش تحضيرات لرمضان ولا والو انا والله من غير النتواياج ما حضرت والو كل يوم نقول غدوة هههه قلت نخدم شابلير ونقي الثوم وما درت والو ربي يقدرنا يااا رب
كل واحدة تقولنا واش دااارت

امنية كيفاش راكي مع الحمل وشكراااا لك على الحقاظ على هدا الصرح

سحابة متعجزيش وشاركينا هههههه

دهلية ربي يعمر حجرك ان شاء الله

ام ضحى اهلااا بك اختي

هدا واش شفت دخلن مياشرة للصفحة الاخيرة

[اولادي حياتي]

اختي ام غفران انا تاني غزلتني ام وليد اشتهرت على ظهر الاخوات فالمنتدى تمنيت تذكر المصدر وماتنسبش الوصفات ليها ربي يهديها اطباق ام وليد كلها من منتدى الجلفة

[أم يوسف2]

فرحتوني بعدما كنت زعفانة على الهروب الجماعي لقيتكم دخلتوا الحمدلله نتمنا كامل تكونو ا بخير زيدو ادخلوا وفرحوني ونولوا كيما زمان

[x ام رحاب x]

االسلام عليكم ورحمة الله وبركاته
اخواتي العزيزات صحة رمضانكم وكل عام وانتم بالف خير نتمنى من ربي اتكونو كامل بالف خير واتصومو بالصحة ان شاء الله

[x ام رحاب x]

اخواتي توحشتكم بزاف ربيعالم
امينة مبروك عليك الحمل ربي يكملك يارب
فطوري اليوم شربة فريك واصابع الدجاج بالمرقة بيضة بالشومبينيو والماسيدوان والبوراك الحمد لله على نعمة الله صحة فطوركم يالحراير

[الأمنيات]

السلام عليكم اسعد الله يومكم
صح رمضانكم لبنات وربي يتقبل منا ومنكم الطاعات نتمنى الجميع بخير
دخل نسلم عليكم

[Oum yousra]

Salem w sana ramdankoum inchaâllah tkounou kamel bkheir

[zokhrofa]

سلام عليكم لبنات
ربي يستركم عاجل نحاج وصفة ڨريوش مليحة

[nadia salami]

شكرا لكم على الوصفة بارك الله فيكم وفي القائمين على المنتدى