صيانة و أمن صناعي vs هندسة الإنتاج الآلي vs هندسة كهربائية

midolyon · 2014-07-09, 13:32

السلام عليكم و صحا رمضانكم،

حبيت نسقسيكم راني حاير بين هاذو الإختيارات في ترتيبها

أنا متحصل على بكالوريا تقني رياضي بمعدل 14.27، ممكن مساعدة؟

midolyon · 2014-07-09, 15:00

لا أحد عنده علم بهذه الشعب؟

abdelkader46000 · 2014-07-09, 15:12

صيانة و امن صناعي ثم هندسة كهربائية اما الانتاج الالى فهو تخصص جديد

سآجدْ للهْ · 2014-07-09, 15:17

اكيد وبلا منازع الهندسة الكهربائية والالكترونيك هي الأفضل على الإطلاق

midolyon · 2014-07-09, 15:29

كثير من الناس نصحوني بصيانة و أمن، واش بخدمو بيها؟

سآجدْ للهْ · 2014-07-09, 15:33

فوتك منها..انا علابالي بيها فرشة خلالالاص ومافيهاش مناصب العمل مع لخر نعرف واحد عندو مدة وهو يحوس ما لقى حتى خدمة..بصح الهندسة الكهربائية والالكترونيك قاوية حبيبي فرص العمل مباعد في كل بلاللاصــة..على خاطر فيها الالكترونيك مثلا تقدر تقدم في شركات مثل جازي ولا موبيليس اوريدو ركات الاشهار ولا كوسيدار المهم مجالات العمل لا تعد ولا تحصى والراتب ما نحكيليكش ما تقدرش تقارنو ااااصلااااا بالوظيف العمومي...وانت زيد حوس مليييح

midolyon · 2014-07-09, 15:37

أنا ماعنديش هندسة كهربائية و الكترونيك في بومرداس. في الاختيارات عطاولي هندسة كهربائية في سيدي بلعباس

سآجدْ للهْ · 2014-07-09, 15:43

آهــآ ؟ والله نحسب الأخرى هندسة كهربائية تع بومرداس..المهم انت حاول تتكلم مع لي تخرجو ما تشوفش للقراية لأنك في النهاية قادر قادر...+++فرص العمل

midolyon · 2014-07-09, 16:02

هذاك هو المشكل، رانا نحوسو لي فيها مستقبل مليح و فرص عمل

algeriano2009 · 2014-07-09, 16:11

صيــــــــانة و أمن صنــاعي هي الأفضل.

وفقــــــــــك الله.

midolyon · 2014-07-09, 16:48

بزاف قالولي صيانو و امن صناعي، نظن نديرها الاختيار الأول

حبة ملفاي · 2014-07-12, 07:19

ya kho ana na9ra صيانة و امن صناعي
mais a3tini ga3 les chois li 3tawak aprèè n9olak kho

lamismissa · 2014-07-12, 08:28

نسقسيك خويا ماعطاوكش مدارس عليا دير وسيي بلاك يقبلوك
انا سمعت بلي هادي صيانة وامن مايشمليحة مافيهاش لا لقرايا ولا مناصب شغل على حسب بنات لعام ليفات داو باك هما تاني تقني
انت زيد سقسي مليح وعلاش مديرش صناعة بتروكيميائية ومحروقات والله مليحة وتخرج على الدكور خير من الاناث