طمينة السميد و العسل هايلة من ام فاطمة

[ام فاطمة التلمسانية]

السلام عليكم اخواتي الكريمات عضوات ومشرفات وزائرات هدا الصرح الجميل والمفيد

اليوم جبتلكم وصفت الطمينة اوكما نسموها فلغرب تاقنتاه. كنت خدمتها بي مناسبة مولد نبينا محمد صل الله عليه وسلم

وصورت المراحل وقررت ندخلها باش يستفدو منها الاخوات

المقادير
1كلغ ونص سميد متوسط من النوعية الجيدة

رطل زبدة
1 كلغ وربع عسل
كاس تاع الشاي ماء بارد
1كلغ كاوكاو محمص ومرحي تقدري تزدي الجنجلان انا اولادي مايحبوهش

الطريقة
حمصي الكاوكاو وقشريه ورحيه

ثم حمصي السميد حتى يرجع لونه اصفر

دوبي الزبدة والعسل مع الكاس تاع الماء

في أناء خلطي السميد مع الربدة والعسل والكاوكاو والماء ضور الماء باش الطمينة تبقى طرية
وخلطي مليح باش تندمج كل المكونات. ثم ضعيها في قدر تقيل ورجعيها على النار مع التحريك باش يدخل العسل والزبدة فسميد ويرجع معسل وطري ونحيها وتركيها تبرد والزينة اكما تحبي زينيها تقدري تعمريها فلمول سركون او في صحون صغيرة وزوقيها بليضراجي

هده طريقتي الخاصة كل لي تدوقها عجباته تجي طرية لي تزيدمن الاقارب تطلب مني نخدمهالها فسبوع

[بسمة ღ]

السلام عليكم
وصفة رائعة 😊
شكرا جزيلا لكِ غاليتي
جزاكِ الله خيرا

[ام فاطمة التلمسانية]

مرحبا عزيزتي نسمة الصفاء
شكرا لك على دعمك و تعليقك
تسلمي

[جنة الفردوسْ]

يعطيك الصحة.. باينة تشهي ممممم

[ام فاطمة التلمسانية]

اهلا بيك جنة الفردوس تحياتي

[Dahlia 90]

يعطيك الصحة تبان هايلة...مشكورة على الوصفة جزاك الله خيرا

[ام فاطمة التلمسانية]

شكرا اختي Dahlia 90 نورتينا تسلمي