حلم الوظيفة في بلاد الجزائر

[jijisarah]

حابة نفرغ قلبي رانيي مقهورة بزااااااااااااااااااااااااااااف
انا شابة في 28من عمري مواطنة جزائرية اسكن بعين تموشنت متحصلة على شهادة ليسانس علوم تجارية تخصص محاسبة سنة 2006
طوال مشواري الدراسي منذ كنت في الابتدائي و الى غاية الثانوي كنت متفوقة دائما احصل على المرتبة الاولى في كل سنة باختصار كنت exellente كنت ارى نفسي في المستقبل طبيبة او استاذة او اطار في مجتمع ميكي
المهم تحصلت على شهادة الباكالوريا بتقدير قريب من الجيد معدل 13.05 بشعبة علوم طبيعية و مرتبة اولى دائما و حصلت على جائزة شرفية من طرف مديرية التربية و لكن لسوء اختياري للشعبة الملائمة لي و لعدم توجيهي سجلت بشعبة علوم تجارية ثم تخصصت بالمحاسبة.في دفعتنا كانوا مزيرينا بزاف على les notes نعقل الmajor في دفعتنا تخرج ب 10.96 معدل .المهم تحصلت على ليسانس محاسبة بمعدل 10.29 لم أكن أعلم ان المعدل هو اساس التوظيف خاصة في السنوات الاخيرة علما انني سمعت ان الدفعات المتخرجة في السنوات الاخيرة معدلاتها مرتفعة تصل الى 16 خاصة نظام lmd ضخمولهم النقاط ليبينوا ان مشروع ل م د ناجح ووصلوا الى معادلةهم مع النظام الكلاسيكي .لحد الان لم انجح و اعرف انني لن انجح في اي مسابقة توظيف بسبب المعدل الضئييل مقارنة مع المتخرجين الجدد بمعدلات مرتفعة و التي اغلبها بالغش و النقيل و التوصية.لقد قاطعت جميع مسابقات التوظيف على اساس الشهادة حالي حال العديد من ضحايا النظام الكلاسيكي لبعض الشعب .وجدت نفسي في الاخير محبطة كارهة كل احلامي تبددت لم احقق منها شيئا حرام عليكم حراااااااااااااام لماذا هاذه القوانين التعسفية متى ننتهي من مسابقات على اساس الشهادة و المحسوبية و العرف اصبح الحلم حراما في بلاد الغرائب و العجائب .بلاد تعطي نقطة اضافية لوليد الشهيد لاننا نحن اولاد كلاب و لا شووووووووووو.في الاخير اقول مزيا جاء عندنا conceptنتاع الحمد لله انا في النهاية امراة متزوجة ماكثة في البيت و لدي 3 اولاد و الحمد لله و لن اجري مسابقة توظيف من الان فصاعدا رغم انني كنت احلم بها كثيرا و لكن ما حال الشباب الذي اضاع سنوات في الدراسة دون جدوى و هم كثر نقولهم ربي يكون في عونكم راني حاسة بيكم و ربي ما يضيع حق حتى حد هاذ الدنيا غير باساجي كامل نموتوا و لا راهم حاسبيين رواحهم مايموتوش ولما يجي وقت الحساب راح نعرفو كيفاش نخلصوا حقنا و ثارنا منهم و هاذاك هو الصح .حسبنا الله و نعم الوكيييييييييل

[زينو الاغواطي]

ربي يفرجها وحسبي الله ونعم الوكيل

[1matador1]

يا اختي قولي الحمد لله واش رايك فينا حنا الرجال لي قاعدين بلا خدمة و بلا زواج وبدو ن مستقبل
هل يرضيك لو كان عندك اخ متخرج و مادي للخدمة الوطنية بدون عمل و بدون زواج ومحروم من اي شئ وادا ما دهب للبلدية لاستخراج وثيقة يجد فتاة تقدم له هده الخدمة وكدللك في اي مؤسسة يجد الا الفتيات هم المسيطرين على المجال الاداري
فيا ايتها الاخت نحن االاحق في العمل ...شئ جميل ان تساعدي زوجك ولايمهك ان تعملي في سن ال28 او 38 لانك متزوجة ولديك اولاد لكن ان انا ظفرت بمنصب عمل في سن 38 هل هناك معني ؟ متي ابدا التحضير الزواج ؟ متي اجمع شرط الزوجة ؟ متي اشتري منزل ؟
ربي يهدينا اجمعين

[kasmikhaled]

ma3raftech wach n9ole

[jijisarah]

اخي الكريم و الله غير جسمي تقشعر من الكلام نتاعك و الله غير يغيظوني الشباب الي كيفك ربي يكون في عونكم و ربي يفرجها عليكم و على فكرة انا مع فكرة ان يعطوا الاولوية للشباب في العمل على الاناث راه عندي خاوتي و وليداتي و ما ذابيا ما يتغبنوش في هاذ البلاد .آآآآآآآآآآآسفة جيت نحكي همي لقيته ماكان والو parapore هموم الناس.
دعوايا من كل قلبي ان تفرج يوما ما و تظفر اخي الكريم بمنصب دائم و تحقق احلامك باذنه عز وجل خلي ثقتك في الله كبيرة و ستنجخ ان شاء الله .امييييييييييييييييين

[jijisarah]

اريد حذف مشاركتي كيف ساعدونييييييييييي

[said3719]

السلام عليكم و رحمة الله تعالى و بركاته

ايها الاخوة رانا نسمعوا غير ما نكرهوا و نشوفوا ونقولو ما شفناش من نهار قاللهم سي الفقاقير ليسانس هو ليسانس انا صاي او اي ليهم 6 سنوات ابتدائي ما ريجوا غير الجمعة 3 سنوات متوسط نص يطلع و نص يروح يدور + الارهاب الخوف حضر التجول و المعاناة مع الانكماش و قلة النقود تاع برنامج اويحى وين كنا نجريو على الثامنة صباحا باش تلقى ولا ما تلقاش الخبز و الحليب و هدا اكل 4 سنوات + سنتاز ومرتين استدراك عدم احتساب نقطة ال مدكرة يعني ماتديش فوق 11 الا بمعجزة باش ما ديرش ما جستير وادا ماجستير لازم معريفة ولد العميد ولا رايس القسم والا رشوة كما واحد اداها ب 25 مليون للمصحح .سامحوني الا طولت اعليكم هدا اكل باش انقول اي ليهم هدا البلاد ادا كان الحوت الكبير ياكل الحوت الصغير كاين رب فهدي الدنيا هو الرزاق .يجي النهار و دور الايام و حسبي الله و نعم الوكيل .

[1matador1]

المشاركة الأصلية كتبت بواسطة jijisarah

اخي الكريم و الله غير جسمي تقشعر من الكلام نتاعك و الله غير يغيظوني الشباب الي كيفك ربي يكون في عونكم و ربي يفرجها عليكم و على فكرة انا مع فكرة ان يعطوا الاولوية للشباب في العمل على الاناث راه عندي خاوتي و وليداتي و ما ذابيا ما يتغبنوش في هاذ البلاد .آآآآآآآآآآآسفة جيت نحكي همي لقيته ماكان والو parapore هموم الناس.
دعوايا من كل قلبي ان تفرج يوما ما و تظفر اخي الكريم بمنصب دائم و تحقق احلامك باذنه عز وجل خلي ثقتك في الله كبيرة و ستنجخ ان شاء الله .امييييييييييييييييين

شكرا وربي فرج علينا قولوا امــيـن

[youcef19003]

بالتوفيق للجمييييييييع

[samah ouannassa]

السلام عليكم انا متخرجة منذ 2005 و لحد لم اظفر بمنصب دائم شاركت في مسابقات عدة مؤخرا اصبحت ارسل الملف و لا اذذهب لاجتياز المسابقة لانني و الله كرهت و عييت و اليوم افشاو كونكور في المؤسسة الى نعمل فيها في الانترنت مش في المؤسسة و منصب واحد و مولاتو باينا بنت مسؤول ثم واش من حياة و الله ربي يفرج حسبي الله و نعم الوكيل اليوم شبعت بكاء و ربي حنين كريم واش راح نقولو قدر الله ما شاء فعل

[samia menadi]

شوفي يا الحبيبة احمدي ربي و قولي الحمد لله صباح و مساء راهي عندك نعمة الزواج و الأطفال و اما الخدمة إدا حبيتي تخدمي لازم تكوني واثقة بالله في الاول و يكون عندك ثقة بلي راح يجي نهار و تنجحي لازم ما تقطعيش لياس إذا راكي حابة تخدمي و انا من جيهتي نقولك إدا الزوج تاعك راهو قادر يعيشك و يوكلك نتي و ولادك( ماشي شرط عليك تعيشي عيشة الملوك المهم مستورة ) غير ابقي في المنزل ربي وليداتك و كوني زوجة مطيعة و مثالية و هذاك رايح يكون النجاح نتاعك و الله الخدمة ماشي كل حاجة انتي على الأقل هاكي تزوجتي يا اختي انا عندي 27 سنة و لحد الآن لم اأنجح في اي مسابقة رغم حيازتي على 5 سنوات خبرة عقود طبعا و حتى ما تزوجتش و الله راني حابة نترتق أكثر منك و لكن انا وكلت امري للي عمرو ولا ينساني الله سبحان و تعالى انا نقولك ربي يهون و صلي و ادعي و اكثري من الدعاء انو ربي يعينك على تربية اولادك تربية صالحة ترضي الله

[1matador1]

المشاركة الأصلية كتبت بواسطة samia menadi

شوفي يا الحبيبة احمدي ربي و قولي الحمد لله صباح و مساء راهي عندك نعمة الزواج و الأطفال و اما الخدمة إدا حبيتي تخدمي لازم تكوني واثقة بالله في الاول و يكون عندك ثقة بلي راح يجي نهار و تنجحي لازم ما تقطعيش لياس إذا راكي حابة تخدمي و انا من جيهتي نقولك إدا الزوج تاعك راهو قادر يعيشك و يوكلك نتي و ولادك( ماشي شرط عليك تعيشي عيشة الملوك المهم مستورة ) غير ابقي في المنزل ربي وليداتك و كوني زوجة مطيعة و مثالية و هذاك رايح يكون النجاح نتاعك و الله الخدمة ماشي كل حاجة انتي على الأقل هاكي تزوجتي يا اختي انا عندي 27 سنة و لحد الآن لم اأنجح في اي مسابقة رغم حيازتي على 5 سنوات خبرة عقود طبعا و حتى ما تزوجتش و الله راني حابة نترتق أكثر منك و لكن انا وكلت امري للي عمرو ولا ينساني الله سبحان و تعالى انا نقولك ربي يهون و صلي و ادعي و اكثري من الدعاء انو ربي يعينك على تربية اولادك تربية صالحة ترضي الله

يا اختي من الاولي بالوظيفة الرجل او المراة او بطريقة اخري ان كنت تنتظريين شابا لكي يتزوجك لكن هدا الشاب لايملك عمل وفي يوم من الايام شارك في مسابقة توظيف لكن النجاخ كان من نصيب فتاة فهل يرضيك هدا
ولا تنسي بانه يمنكنك انت و غيرك ان تكوني سببا في تهميش االهديد من الرجال في هدا البلد
ربي عيسشلكم بوتفليقة الدي صرنا به نطالب حقا بن يساوينا مع المراة ويعطينا الربع من حقوقها