مساعدة في الادب !!

[اميمة 64]

السلام عليكم

صادفت جملة في هاذوك الجمل التي لها محل من الاعراب

تقول

جملة مقول القول :
أ- في محل نصب مفعول به إذا كان الفعل قال او ما في معناه مبنيا للمعلوم هاذي تاع بنيا للمعلوم مفهتهاش واش هوما هاد الافعال

ب- في محل رفع نائب فاعل إذا كان الفعل قال او ما في معناه مبنيا للمجهول تاني هاذي تاع مبنيا للمجهول كيفاش ؟؟
والله مفهمتها ارجوا التوضيح

[اكرام براءة]

جملة مقول القول هي الجملة اللي تجي بعد قال و سأل و أجاب
مثلا :
قال الطبيب : " ابنك يحتاج رعاية خاصة "
الجملة " ابنك يحتاج رعاية خاصة " هي جملة مقول القول

تُعرب في محل نصب مفعول به إذا كان الفعل مبنيا للمعلوم
مبني للمعلوم يعني الفاعل تاعو معروف مثلا قال ، أخبر ، سأل ، يقول ....
كيما الجملة اللي حطيتها مثال قال فيها راه مبني للمعلوم و بالتالي الجملة " ابنك يحتاج رعاية خاصة " جملة مقول القول في محل نصب مفعول به

و تُعرب في محل رفع نائب فاعل إذا كان الفعل مبنيا للمجهول
يعني فاعله ( الذي قام بالفعل ) مجهول مثلا قِيل ، سُئِلَ و لا يُقال ...
جملة مقول القول هنا رح تكون في محل رفع نائب فاعل
مثلا :
قيل : " الكثرة تغلب الشجاعة "
شوفي هنا قيل راه فعل ماض مبني للمجهول
و بالتالي " الكثرة تغلب الشجاعة " جملة مقول القول في محل رفع نائب فاعل

[اميمة 64]

بووووورك فيكــ حبوبتي اكرام

كفيتي و وفيتي



جعله الله في ميزان حسناتك

[اكرام براءة]

ربي يوفقك أميمة ^^

[* قمر*]

كفت وو فت اكراام