كيف هي امور ₹₹المحاربين ‎₹₹

[الاسكندر الاكبر]

السلام على المحاربين الابطال ، كما قرات ايها المحارب في العنوان ، كيف هي انطلاقتك ، عن نفسي :
اكتشفت اني لا افقه شيئا في الاعراب البدل ، الكناية ، ...
الرياضيات راني معا الاستاذة ، يعني لاباس نهار طرنا تذكير بالنهايات و العمليات عليها و المستقيمات المقاربة راني حاس رانا بزاف متاخرين ، ساعتين كامل راحوا في هاذيك تاع اثبت باستعمال التعريف درناها العام الماضي في اول درس في النهايات ،( هاذيك تكون قيمة اكس كبيرة او صغيرة بالقدر الكافي)، الصح كامل راه في كيف تحسب نهاية و تزيل حالة عدم التعيين ..
الفيزياء الاستاذ لقانا ضعاف بزاف كاااارثة ، خاصة هادوك تاع الاكسدة الارجاعية انا عن نفسي يتخلطولي ، للاسف الشديد لكن لا باس ، ، و راه عاذرنا لانوا الاستاذة تاع العام الماضي هلكتنا و قالنا نمشيو غير بشوي و عندكم ما تخدموا و تبذلوا مجهودات قاعد غير يخوف فينا و عندو الحق و ، قالنا لازمكم جهووود و جهووود جبارة ،
الفلسفة ، مادة عجيبة ، مشكلتي ان الاستاذة تفضل الشرح على كتابة الدرس يعني تدخل تشرح تشرح تشرح و تملي زوج كلمات و تخرج ، و هذا الشيئ يخيفني
العلوم ، روووعة مثل العام الماضي بقينا نفس المستوى و نفس الاستاذة ، رانا في الدرس الثالث Arn
الفرنسية ، وجدتها صعبة ، اسئلة و منهجية مختلفة قليلا ، و اهم شيئ يقلقني هو compte rendu
الاجتماعيات تكلمت مع الاستاذ نوصيكم ايها المحاربين و اعيد الاستاذ تاعنا قالي دايما نصح في الباك قالي قليييل وين يمدو على المقال التاريخي و الجغرافي ، احسن و احسن و احسن تكتب المطلوب تاعك على شكل عناصر ، و هو اكدلي عليها ،

المهم يا محاربين ، كيف هي الانطلاقة ؟ ما العقبات الى حد الآن ، عن نفسي ، الثانوية ليسوا منظمين اطلاقا و يوم الاحد يتغير التوزيع لثالث مرة ، وقت هااائل يضيع ، ما الذي تفعلونه الآن ؟ ، تذكروا ان الحرب اندلعت و انتم تحملون الشعلة ، تنامون و تستيقظون بها ، اينما ذهبتم فهي بايديكم ، حقيقة فكرة بذل مجهود جبار وحدها مرعبة و لكنها مشرفة في نفس الوقت ،

و السلام عليكم ، دمتم ، يا محاربين

[same_one]

أهلا يا محارب
ربي يوفقكم ان شاء الله
غي بشوي
الفلسفة عادي مايهمش الدرس بقدر مايهمك المقالة
انا كنت لاعلاقة بالدرس لي يهمني المقالة يعني كنت نفهم وحدي
اما الفيزياء صح هي مش صعيبببببة لهذيك الدرجة بصح فيها بزاف افكار تاع صح عيااتني
الرياضيات هذي هيا لازم تبداو بالنهايات كمراجعة راها في برنامج تاعكم
اما الاجتماعيات من بكررررررررري لازم تكتبوا المقال على شكل عناصر يعني كل شي واضح
كون تكتب فقرة المصحح مايقدرش يقراها ويحوس على المفتاح
اما العلوم حبيت نسقسيك خبر مؤكد تقديم الجيولوجيا ؟؟؟
معليش تصوري كيفاه كتبتتوا برنامج جيولوجيا يعني باه تبداو فيها
بالتوفيق ان شاء الله

[rayane ham]

المشاركة الأصلية كتبت بواسطة same_one

أهلا يا محارب
ربي يوفقكم ان شاء الله
غي بشوي
الفلسفة عادي مايهمش الدرس بقدر مايهمك المقالة
انا كنت لاعلاقة بالدرس لي يهمني المقالة يعني كنت نفهم وحدي
اما الفيزياء صح هي مش صعيبببببة لهذيك الدرجة بصح فيها بزاف افكار تاع صح عيااتني
الرياضيات هذي هيا لازم تبداو بالنهايات كمراجعة راها في برنامج تاعكم
اما الاجتماعيات من بكررررررررري لازم تكتبوا المقال على شكل عناصر يعني كل شي واضح
كون تكتب فقرة المصحح مايقدرش يقراها ويحوس على المفتاح
اما العلوم حبيت نسقسيك خبر مؤكد تقديم الجيولوجيا ؟؟؟
معليش تصوري كيفاه كتبتتوا برنامج جيولوجيا يعني باه تبداو فيها
بالتوفيق ان شاء الله

نعم خبر مؤكد انه تم تقديم الجيولوجيا الى الفصل الثاني بالنسبة للبرنامج حنا كتبنا لقديم

[same_one]

المشاركة الأصلية كتبت بواسطة rayane ham

نعم خبر مؤكد انه تم تقديم الجيولوجيا الى الفصل الثاني بالنسبة للبرنامج حنا كتبنا لقديم

من فضلللللللك قوليلي واش كتبتوا ختي

[الاسكندر الاكبر]

و عليك السلام ايتها المحاربة ، و الله احس ان الفيزياء تحتاج جهدا جباااارا ، الله المستعان عليها ، بالنسبة للعلوم جا توالنا المفتش نهار الاثنين و سقساتوا الاستاذة و قالها ماعلاباليش ، هادا المفتشين و ماعلابالهمش وينكا حنا ، هه ربي يوفقنا في الفيزياء ، راني ليل و نهار معاها و يا ربي ، المهم نحن المحاربون ، لها باذن الله

[bis kou]

السلام عليكم
نوعا ما انا معنوياتي محبطة ومحطمة بعد أن لاحظ تناقص كبير لمستواي في مادة الرياضيات بعدما كنت من الممتازين فيها يعني اصبحت منفهم والو القاعدة امامي وتمرين فيه اسئلو مباشرة نحصل فيهم راني نخمم كيفاه غادي نكمل باش نتقدم للتمارين الاصعب
الله المستعان

[الاسكندر الاكبر]

ربي يكون معك ، انا الفيزياء مستوى ضعييييف ، حصلت مع الاكسدة و الارجاع

[اخلاق راقية]

السلام عليكم
الحمد لله الاستاذة يبانو ملاح وخصوصا اغلبيتهم درسوني في السنوات الماضية وهذا جيد
ما عدا الفلسفة تخوفة منها استاذنا يعتمد على الشرح والفهم بنسة كبيرة رهي تتخلطلي يكون يهدرلنا على الحرية منبعد تصيبه يهدر على المسؤلية ونبقى حايرة المهم اي مرجع تنصحوني بيه في الفلسفة انال يكون فيه مفالات ملاح ويعتمدوا عليهم ؟
الرياضيات بدينا بالنهايات و ازالة حالات عدم التعين هذوك
الفيزياء لاباس راحعنا القوانين والاكسدة ارجاعية
العلوم كذلك متخوفة من منهجية الاجابة تتطلب الدقة في كل كلمة الله يعينا
++ اخي مهمتكش بالنسبة للتاريخ والجغرافيا وش قالك استاذك في خصوص المقال ؟؟
ربي يوفقنا

[~ قدس ~]

المشاركة الأصلية كتبت بواسطة اخلاق راقية

السلام عليكم
الحمد لله الاستاذة يبانو ملاح وخصوصا اغلبيتهم درسوني في السنوات الماضية وهذا جيد
ما عدا الفلسفة تخوفة منها استاذنا يعتمد على الشرح والفهم بنسة كبيرة رهي تتخلطلي يكون يهدرلنا على الحرية منبعد تصيبه يهدر على المسؤلية ونبقى حايرة المهم اي مرجع تنصحوني بيه في الفلسفة انال يكون فيه مفالات ملاح ويعتمدوا عليهم ؟
الرياضيات بدينا بالنهايات و ازالة حالات عدم التعين هذوك
الفيزياء لاباس راحعنا القوانين والاكسدة ارجاعية
العلوم كذلك متخوفة من منهجية الاجابة تتطلب الدقة في كل كلمة الله يعينا
++ اخي مهمتكش بالنسبة للتاريخ والجغرافيا وش قالك استاذك في خصوص المقال ؟؟
ربي يوفقنا

برأيي في الفلسفة تعتمدي اول شي على منهجياات دكتور شهاب الدين .. ومقالاته ..
وومكن تشوفي كتااب السامي والزاد به مقالات جيدة .. وايضا بعض مقالات سمير زاوش في النت ..
اما عني تقريبا جمعت ست مراجع او اكثر ههههه نظرا لحبي الشديد للمادة .. وشغف الحصول على العلامة الكاملة ..
ادعولي نجيبها ..

[*آية*]

سلام بالنسبة لنا
للاسف افضل قسم باساتذة كارثة الا القليل
العلوم لم يكن افضل استاذ لكن استاذة اخرى ورائعة كذلك الحمد لله رح نبداو بالاحد النشاط 2
الرياضيات استاذ مفضل لكن مستواه مرتفع جدا خائفة نوعا ما لكن عادي .. قرينا حصة فقط
الفيزياء افف كاااارثة بمعنى الكلمة تسرع تسرع تسرع كثيرا وكل شيئ يدرس الحصة القادمة بالتفصيل والحصة القادمة التي بعدها ورايحة كلام في كلام ولا تطبيق
الاجتماعيات مقبولة استاذة السنة الماضية
الشريعة إمام راائع الا انه يشرح كثيرا وتلخيصه اقل من الاساتذة الاخرى لكن لاباس
الفرنسية رائعة الانجليزية اظن كذلك
الفلسفة اظنها جيدة

العربية = 0
المهم بالتوفيق للجميع

[Amira_ha]

اساتذة كااارثة هردونااا في كلشي sur tt ta3 الفيزياء لا علاقة ربيي يجيب الخير

[اَشْرَفْ اَنيِسْ]

اكيد راح تحس بلي راكم روطار ماتخافش
لكن الروطار راح تبدا تحسو من الفصل 2
بالتوفيق

[رانية ة]

اساتذة الحمد لله رائعين نفسهم العام الماضي عدا العلوم واستا\ة الفلسفة جديدة
موفقين

[الاسكندر الاكبر]

يا اية اظننا نتشارك نفس الكوارث انا وجدت نفسي لا افقه شيئا للاسف للاسف في العربية و نفس استاذة السنة الماضية لا تفقه شيئا ، ربي يكون معانا
اما الفيزياء فحقا حقا حقا كاااارثة الاستاذ قديم و راائع لكن نحن مستوانا ضعييف ، الله المستعان على ما تصفون ،

[الاسكندر الاكبر]

المشاركة الأصلية كتبت بواسطة Amira_ha

اساتذة كااارثة هردونااا في كلشي sur tt ta3 الفيزياء لا علاقة ربيي يجيب الخير

ما قصة التلاميذ و الاساتذة هذا العام مع الفيزياء ،

المشاركة الأصلية كتبت بواسطة اَشْرَفْ اَنيِسْ

اكيد راح تحس بلي راكم روطار ماتخافش
لكن الروطار راح تبدا تحسو من الفصل 2
بالتوفيق

يقولك العام يبان من خريفوا اذا ذوك رانا روطار مالا كيفاه مثل ما تقول الفصول الاخرى ، ربي يجيب الخير