موضوع مميز ابداعي في تشكيل المعجنات

sidali 2007 · 2013-09-22, 14:10

اولا اود شكر لمشرفات متميزات للمنتدي ام كوثر وام رامي بصفة خاصة وكل القائمين علي المنتدي بصفة عامة
هذه اول مشاركة ليا في قسم المسابقات اتمني ان تنال اعجابكم

نعجن جميع مقادير العجينة جيدا ثم نقسم العجين الي كويرات
عجينة كبيرة و2 صغار (انا ضعفت لمقادير)
كويرة لكبيرة نخليها بيضاء عادي و2صغار لونهم بلاحمر واخضر

ناخذ كويرات صغار و ملون احمر واخضر من مستحسن غبرة باش يدخل فلعجين
ندير شوية ملون فوق لعجين ونعجن حتي تتلون لعجينة كما صورة

نغطي لعجين نخليه بجنب حتي يخمرو

كيخمرو, نحل شوية من عجينة بيضاء ونقطع دوائر (طريقة واضحة مدرتش صورة لكثرة صور )
نضع دوائر جنب بعض مثل صورة

نطوي اسفل دوائر باش ندير قاعدة للوردة

ثم نلف طرف دوائر حتي نهاية لعجين

باش يعطيلنا شكل وردة صورة توضح

نجيب صينية فرن نضع ورق زبدة ونحط لعجين وردة فلوسط وباقي داير

نجيب كويرات ملعجين بيضاء وحمراء وخضراء

نحلوهم حربوش طويل

ونضفر ضفيرة تاع 3

ومن بعد نلف ضفيرة علي لورد باش نديرو اطار للورد

ندهنها بخليط بيض وحليب نخلي لعجين تريح شوية وطيبها
وهنا كخمرت

وكطابت دهنتها بلعسل وحطيت حبيبات شوكولاطة فوق فتحة لودات

وهذا شكلها من داخل امممممم

وباقي لعجين عملت بيهم حلويات عفوا مملحات

كعيكعات مالحين
نجيب عجينة بيضاء وحمراء وخضراء وفرماج ونعناع يابس نخلطهم

نضع عجينة بيضاء ونحلها وندهنها بزبدة ونحط عجينة اخري عملت2 فقط ومن بعد نحلها رقيقة باش ميتنفخوش بزاف ويفسد شكل نضع حربوش فرماج ونعناع ونلف لعجينة ونقطع ونضع شوية بياض لبيض فطرف باش متتحلش

نلف لعجينة ونشكل اساور ونحطهم بجنب

نجيب عجينة حمراء نحلها ونقطع دوائر صغار نضع داوئر جنب بعض كما عملنا في شكل لوردة

نجيب عجينة خضراء نحلها ونطبع شكل ورقة

نجيب سوار لعملناه ندهنوبلبيض نحط ورقات خضراء في طرف ونزيد لوردة حمرا فلوسط
ونخليهم ريحو ونطيبوهم

سكندرانيات مالحين

عجينة حمراء وخضراء نحلها ندهن لعجينة بزبدة ونحط مرقاز مقلي ولف ونغلق اطراف ندهن ملفوق بلبيض ونخليهم يريحو ونطيبوهم كطيبو نقطعهم مقروطات ونزينهم

صابلي مالح
نحل لعجينة بيضاء ونضع فلوسط حشوة فرماج ونعناع ونزيد طبقة ملعجينة ونطبع بطابع صابلي ونطبع شكل ورقة ولصقها بشوية بيض ابيض
ندهن لحبة بصفار بيض ونخليها تريح ونطيبها كطيب ندير مايوناز فطراف ومرغدهم فلبيض طايب ومرابي صورة توضح

وهذا شكلهم

وهذي صورة جماعية

وهذو مكونات سلاطة هههه
نحل عجينة ونقطعها شرائط
نجيب كاس اينوكس ندير عجين فلقاعدة لكاس ولوي شريط علي كاس ندهن بصفار بيض وذرذر سنوج
نحط شرائط لعجين ونعمل مثل صورة باش نشكل طبسي هههه (معرفتش نشرحو) لوي عجين وندير لاطراف ندهن بصفار بيض وذرذر سنوج نخليهم يريحو ونطيبهم

كطيبو نحط فلكاس بطاطا مقلية وقطع كومبير اصابع داخل كاس
وطبسي نطبع بيتراف شكل ورقة ونحط في اطراف طبسي
ونجيب طماطم انا استعملت حبة كبيرة (حنا عائلة صغيرة ) قسمتها وحشيتها زرودي+جلبانة+بطاطا كل مفور وخلطتهم بلمايوناز وعمرت طماطم وزينتها بزيتون
"بيض كلاتو بنتي هذوك زوج لكانو كلاتهم "

وهذا لعشا واجد وزدت درتلهم سوب تاع خضار

وهذي صورة جماعية

وهذا ليكم متخرجوش يديكم فارغين

في اخير نتمني يعجبوكم وتصوتولي

وردكم يشجعوني
وشكرا مسبقا

Lona.Anna · 2013-09-22, 14:14

ya3tik saha yahablou surtout fikra ta3 elkass bravo

القبطية · 2013-09-22, 14:21

راكي فننتي باتم معنى الكلمة ماشاء الله

*أم كوثر* · 2013-09-22, 14:22

واااااااااااااو ياام سيد علي ابدعتي ونوعتي يعطيك الصحة
تقييم من عندي
وخليني نرجع نتمعن هههههههههههه

أم ياسين الزهراء · 2013-09-22, 14:22

مالقيت مانقول غير ماشاء الله ابدعتي وتفننتي واوووووووووووووووووووووو الله يعطيك الصحة

عطرالذهب · 2013-09-22, 14:27

بكل صراحة راني غير نشوف ونعاود يعطييييييييييك الصحة شي رااااااااااااااااااااااااااااااااااااااااائع صح ما هيش مجاملة والله بالتوفيق في المسابقة

ام ندى 87 · 2013-09-22, 14:27

ام سيد علي خرجولك اشكال روعة وفكرة التلوين هايلة كملتي وتهنيتي على بكري ههههه

أم ماجد · 2013-09-22, 14:30

الله الله عليك سيد علي 4444444444
والله غير اعجبني كل شئ خاصة السلاطة جبتيها يعطيك الصحة وسلمت اناملك

حلم جميل · 2013-09-22, 14:33

ما شاء الله

نوعتي وابدعتي اختي

بصحتكم

إلهام07 · 2013-09-22, 14:36

يعطيك الصحة راني نحسد فيك تهنيتي من الستراس هههههههههههههه
عجبنتني بزاف هذوك الورود روعة والتقديم نتاعهم هايل
الحمد لله الأفكار نتاعي كامل مختلفة تماما عليك ههههههههههه

~~nad16~~ · 2013-09-22, 14:48

برافو الحقيقة انتي فنانة يعطيكالصحة

الدنيا · 2013-09-22, 14:52

الهام اختي والله غير راني نقرا في اراء الاخوات في تفنن سيد علي و راني هابطة للتحت
و نقول كيفاه الهام ماردتش زعمة خرجت و كنت متوقعة نشوف رد معمر وععععععععععععع
تاعك هههههه بصح انت راكي ذكية بزاف انا قريت سياسة والله غير غيبتيهالي بسياسة
الهدوء النسبي تاعك ههههههههههههه

sidali 2007 · 2013-09-22, 15:02

اقتباس:

المشاركة الأصلية كتبت بواسطة lona.anna

ya3tik saha yahablou surtout fikra ta3 elkass

bravo

اقتباس:

المشاركة الأصلية كتبت بواسطة القبطية

راكي فننتي باتم معنى الكلمة ماشاء الله

اقتباس:

المشاركة الأصلية كتبت بواسطة *أم كوثر*

واااااااااااااو ياام سيد علي ابدعتي ونوعتي يعطيك الصحة
تقييم من عندي
وخليني نرجع نتمعن هههههههههههه

اقتباس:

المشاركة الأصلية كتبت بواسطة أم ياسين الزهراء

مالقيت مانقول غير ماشاء الله ابدعتي وتفننتي واوووووووووووووووووووووو الله يعطيك الصحة

اقتباس:

المشاركة الأصلية كتبت بواسطة parfumdor1

بكل صراحة راني غير نشوف ونعاود يعطييييييييييك الصحة شي رااااااااااااااااااااااااااااااااااااااااائع صح ما هيش مجاملة والله بالتوفيق في المسابقة

اقتباس:

المشاركة الأصلية كتبت بواسطة المبتدئة

ام سيد علي خرجولك اشكال روعة وفكرة التلوين هايلة كملتي وتهنيتي على بكري ههههه

اقتباس:

المشاركة الأصلية كتبت بواسطة أم ماجد

الله الله عليك سيد علي 4444444444
والله غير اعجبني كل شئ خاصة السلاطة جبتيها يعطيك الصحة وسلمت اناملك

اقتباس:

المشاركة الأصلية كتبت بواسطة حلم جميل

ما شاء الله

نوعتي وابدعتي اختي

بصحتكم

اقتباس:

المشاركة الأصلية كتبت بواسطة إلهام07

يعطيك الصحة راني نحسد فيك تهنيتي من الستراس هههههههههههههه
عجبنتني بزاف هذوك الورود روعة والتقديم نتاعهم هايل

الحمد لله الأفكار نتاعي كامل مختلفة تماما عليك ههههههههههه

اقتباس:

المشاركة الأصلية كتبت بواسطة nad16

برافو الحقيقة انتي فنانة يعطيكالصحة

والله فرحتوني يعطيكم الصحة وشكرا علي تشجيع
شكرا الهام علي تشجيع رغم اني منافستك ربي وفقك انشاء الله ويتنحالك سوسبانس

Oum Aness Bba · 2013-09-22, 15:06

هايلييين باتم معنى الكلمة و الاشكال جديدة ومبتكرة و أكثر شئ عجبني البراسليات ..يعطيك الصحة وبارك الله فيك

omhadil · 2013-09-22, 15:11

يعطيك الصحة اشكال رائعة ابدعتى شكرا ليك اتمنى لكى التوفيق