اسرع تورتة في المكرويف

ome nadir · 2015-08-30, 19:17

حبيباتي نتمني تكونو بالف صحة جبتلكم وصفة ساهلة ماهلة فى نصف ساعة تحضريها وتقدميها ناخد زوج بيضات نضربهم مع نصف كاس سكر نضيف نصف كاس زيت ونصف كاس حليب لفاني وثلث كاس كاوكاو مرحي ونضيف عطر بندق يمدلها بنة هايلة وفيلاخير نضيف كاس فرينة مع الفرفارة نفرغها في مول سيليكون مدور او مول زجاجي بش نطيبها في الميكرو اند انا درتلها اربع دقائق خليتها تبرد ربع ساعة وفتحتها على ثلاثة طبقات شربت طبقة الاولى بلعصير ودرت طبقة من كريمة شانتي ضفتلها عطر الكراميل وقطعت فوقها دوائر البنان وزدت طبقات التانية وثالثة بنفس الطريقة دهنت الجوانب والفوق بلكريمة وزوقتها بلبنان وخطوط من الكراميل سسمحولي مصورتهاش كاملة لخاطرش نسيت كانو عندى ضياف صورتلكم غير نصفها والله تنفع لضياف لغفلة او كتكونى عجزانة وتبغى حاجة حلوة وبنينة

imanaz · 2015-08-30, 20:26

merci beaucoup tchehi

raboha · 2015-08-31, 01:08

بارك الله فيك و الله خرجتلك روووووووعة
و فكرة هايلة
إن شاء الله نجربها

wided72 · 2015-08-31, 10:25

واو طبخها سها وسريع

wided72 · 2015-08-31, 10:27

عذرا خطا مطبعي سهل هههههههههههههههههههههههههههههههههههههههههههههههههه هههههههههههه

قطر_الندى · 2015-08-31, 14:36

باينة سهلة ولديدة