موضوع مميز تطبيق لأحلى تشاراك بالتفصيل الممل لعيونك أم ماجد - الصفحة 17 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق المجربة و الحصرية (تطبيقات العضوات)

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

تطبيق لأحلى تشاراك بالتفصيل الممل لعيونك أم ماجد

إضافة رد
 
أدوات الموضوع انواع عرض الموضوع
قديم 2016-05-13, 23:19   رقم المشاركة : 241
معلومات العضو
كوثر التائبة
عضو محترف
 
الصورة الرمزية كوثر التائبة
 

 

 
إحصائية العضو










افتراضي

الحبات متحوفين يهبلو









 


رد مع اقتباس
قديم 2016-07-02, 09:39   رقم المشاركة : 242
معلومات العضو
خولةمحمد
عضو جديد
 
إحصائية العضو










افتراضي

اقتباس:
المشاركة الأصلية كتبت بواسطة إلهام07 مشاهدة المشاركة


وأخيرا لعنت الشيطان ورايحة نكتب موضوع ياخاه الوصفات مطبقين ومصورين والصور مصغرين واسمي مكتوب فيهم وتكاسلت نكتب موضوع ونحط التطبيقات نتاعي .

المهم شفت باللي هذا التطبيق يستاهل يتحط وحدو باش الأخوات يستفادو ، بصراحة من كثرة ماجاوني عليه أسئلة وهبلتني الشلة المشاغبة قلت نحطو موضوع باش ماتبقاوش تهبلو فيا عليه .

هذا التشاراك راهو كيما يقولو الطبابخة " باناشي " هههههههههههههههههه ضرك تفهمو علاه :

1- العجينة : استعملت العجينة السحرية نتاع ام أماني77 والله العظيم اللي يجربها استحالة يفكر يبدل الوصفة الأكثر من رائعة يذوب في الفم ومهما يطول يبقى على حالو طري وبصراحة هذي 3 مرة نعاودو.
كيلت بالفنجان اللي نشربو بيه القهوة درت الكيلة =5 فناجين دراتلي 95حبة ، يعني الكيلة = 1فنجان جيكم تقريبا 20 حبة.
العجينة عجنتها مليح حتى رجعت ملساء وماتخافوش تبقى طرية ومبسسة وماتيبسش خلاص خلاص ( كيفاش عجنتها : نبقى ندي ونجيب ونضغط على العجين كأنني رايحة نشكل حربوش وكي يطوال الحربوش نعاود نطبقو زنكمل حتى ترجع ملساء ومتجانسة باش الحبات من بعد كي يطيبو يحافو على الشكل وماجيش العجين مشققة )

أنا وزنت العجين كويرات 20غ للحبة بصراحة نحب الحبة تكون صغيرة مانحبهاش كبيرة
وباش الحبات كامل يجيو كيف كيف زدت وزنت الحشو تقريبا 10غ للحبة يعني كثرت الحشو باش يجي معمر من داخل باللوز ونصيحة رطبو اللوز كي ترحيوه يجي ساهل في الخدمة ومايقعرش العجين .
وزنت الكريات نتاع العجين كامل وخليتهم ريحو 30د ومن بعد كل ما نجي نخدم حبة نوزن الحشو ( اللي ماعندهاش ميزان تقدر تحكم الكيل بملعقة أو غطاء نتاع قارورة ماء أو déodorant بعد ماتغسلها مليح المهم يكون الكيل مضبوط ماشي عينك ميزانك كأنك توزني في الذهب :d).
ماتوزنوش الحشو كامل مرة وحدة كيما درنا للعجين ينشف ومن يعد يجي يابس بعد ما يطيب .

شوفو هنا الحبات قبل الطياب في الصواني خاصة انو يد وحدة اللي خدماتو :




وهنا كي طاب الشكل تنفخ شوية بصح الشكل نتاعو مافسدش ( حذاري راهو كي يكون سخون راهو مبسس وسهل أنو يتكسر تعاملو معه بحذر خليوه حتان يبرد تماما )


* كاينة ملاحظة مهمة : دائما نخليو القاطو يريح قبل الطياب أنا حتى خلصتو كامل باش بديت نطيب بالترتيب هكذا القاطو يريح كي دخليه للفرن يحافظ على الشكل نتاعو
وثاني حاجة اخرى من الأحسن طيبو القاطو في الصواني نتاع البقلاوة او أي صينية تكون ثقيلة هكذا القاطو يطيب مليح من داخل بلا ما يتحرق.
أنا طيبت على 180 درجة وكي سخن الفرن الصواني 2 و 3 طيبتهم على 160 درجة خليتو طاب على مهلو ماتتقلقوش وتزيدو للنار باش تزربو تخلصو ماشي كي تعبتو هذا التعب كامل كي توصلو للأخير تفسدو واش خدمتو .

2- الحشو : هنا جربت لأول مرة الحشو نتاع الأخت كاكينوفا راهو هايل ويبقى طري كأنه مادخلش للفرن إطلاقا مهما يطول رائع ومستحيل نغير في الوصفة والأروع أنني كثرت فيه زاست الليمون جات ريحة الليمون تضرب من الحبة نتاع التشاراك مع أن الحشو راهو من داخل
ماعلاباليش قداش استهلكت لوز في هذي الكمية لانني ماكنتش وازنة اللوز وكنت نخلط بالشوية وكي نتخص نزيد باش مايبقاليش الحشو جاني قدقد مع العجين نحب الاقتصاد خخخخخخخخخخخخ:d هاهي وصفة الحشو الرائع :

أربع كيلات مكسرات كيلة سكر عادي مغرف كبيرة زبدة طرية وزاست القارص وشوي ماء الزهر وتلمي بالبيض وتحطيه يبات باه يشرب السكر تاعو

3- القلاصاج : جربت أيضا ولأول مرة قلاصاج الاخت أم محمد تاج ثاني طري ورائع مهما يطول المهم خبيوه في علبة مغلقة يبقى طري ويذوب في الفم وما ييبسش وريحتو تهبل أنا استعملت ملون أبيض نتاع الميزان واستهلكت حوالي 2 أكياس نتاع سكر ناعم ماركة المرجان الكيس نتاع 700غ ( طبعا غربلتو قبل الاستعمال ) :

حطي في بول بياض بيضة وفنجال تاع قهوة حليب وفنجال زيت مخلط مع الزبدة يعني نص بنص وفنجال ماء الزهر ومغرف كبيرو اكستخي تاع اللوز ومغرف صغيرة فاني وملون ابيض لازم باه كي تضيفي اللون لي تحبيه يخرجلك ناصع ومايخرجش باهت ضرك نعتلك التشاراك لي قلاصيتو خرجلي ازرق خيرمن تاع البارح رووووعة ومبعد ضيفي السكر قلاصي مغربل حتان توصلي للقوام المطلوب وضيفي في الأخير الملون راه على ضمانتي روووعة

هنا كي درتلو القلاصاج كنت موجدة من قبل شوية عجينة التزيين عجنتها مع ملون وردي وشوية نشاء وطبعت وردات في طابع السيليكون ومن بعد كل ما ندير القلاصاج للحبة وينزل الزائد نتاع القلاصاج نزرب نحط الوردة ونلصقها مليح لأنو لو ماتسرعيش رايح يبدى القلاصاج يكون في قشرة من فوق باش ينشف وهنا كي تلصقي الوردة يتشقق القلاصاج
مباشرة بعد مانلصق الوردة نهز الحبة من فوق الشباك ونحطها في الصينية تنشف كيما هنا :


ثم خليتو بات وكي نشف نظفتو مليح بالسكين من تحت ونحيت الزائد باش جي خدمة نظيفة ومتقونة :


* درت ملمع نتاع القلاصاج ناكخي ، استعملت فرشاة الخدود ( وحدة جديدة ونظيفة )
* بقالي شوية نتاع قلاصاج خبيتو في المجمد وكي جيت نستعملو خرجتو قبل بمدة وحطيتو في كورني ورسمت به على القلاصاج وكي نشف عاودت مسحة خفييييييفة نتاع ملمع وحطيتو في الكيسات وخبيتو وخلااااااااااص







أففففففففففف هكذا المفروض جاوبت على كل الأسئلة اللي ممكن تطرحوها على ما أظن

كيما راكو تشوفو ماهوش صاروخ تشاراك برك هههههههههههههههههههههههه :d:d:d:d:d

أتمنى تكونو استفدتو وفهمتو وإن شاء الله طبقو الوصفات هذو باش تتحصلو على أحلى تشاراك يحمر الوجه ، أنا درتو في عرس أختي وانتوما واش هي المناسبة اللي عندكم تقرعيجة على السريع ههههههه:d:d:d:d


* ملاحظة مايهمنيش عدد الردود وشكون حط رد وشكون ماحطش المهم تستفادو فقط .

قبلاتي الحارة للجميع
يعطيك ألف صحة اختي على التطبيق الأكثر من رائع و ألف شكر على المعلومات و جعلها الله في ميزان حسناتك









رد مع اقتباس
قديم 2016-07-04, 05:20   رقم المشاركة : 243
معلومات العضو
أ م ساجد وسيم
عضو مميّز
 
الصورة الرمزية أ م ساجد وسيم
 

 

 
إحصائية العضو










افتراضي

شرح وافي وكافي وحتى لعندي لحقت ريحة تشاراك ويا سلااااااام على البنة يعطيك صحة










رد مع اقتباس
قديم 2016-07-05, 08:57   رقم المشاركة : 244
معلومات العضو
فرج قريب
عضو مجتهـد
 
إحصائية العضو










افتراضي

كفيت ووفيت بارك اللّٰه فيكي دائما كي ديري الحاجة ديريها على الصح،روعة الشاراك ،صحيتي










رد مع اقتباس
قديم 2016-07-05, 13:00   رقم المشاركة : 245
معلومات العضو
حاملة المصحف
عضو فعّال
 
الصورة الرمزية حاملة المصحف
 

 

 
إحصائية العضو










افتراضي

يعطيك الف صحة










رد مع اقتباس
قديم 2017-04-08, 16:45   رقم المشاركة : 246
معلومات العضو
manoulamarina
عضو نشيط
 
إحصائية العضو










افتراضي

ما شاء اله يعطيك الصحة










رد مع اقتباس
قديم 2017-05-09, 09:16   رقم المشاركة : 247
معلومات العضو
fatiha84
عضو جديد
 
الصورة الرمزية fatiha84
 

 

 
إحصائية العضو










افتراضي

ماشاء الله ربي يبارك فيك










رد مع اقتباس
قديم 2017-05-29, 13:46   رقم المشاركة : 248
معلومات العضو
حميدحليم
عضو مشارك
 
الصورة الرمزية حميدحليم
 

 

 
إحصائية العضو










افتراضي

تحححححححححححححححححححححححححفة










رد مع اقتباس
قديم 2017-06-15, 23:45   رقم المشاركة : 249
معلومات العضو
Doudina
عضو جديد
 
الصورة الرمزية Doudina
 

 

 
إحصائية العضو










B8

اختي إلهام من فضلك قوليلي اذا نقدر نعمل بنفس الطريقة و الوصفة عرايش في بلاصة التشاراك و هل راح يبقالي الشكل؟؟؟؟؟ راني نستنا في الرد. شكرا










رد مع اقتباس
قديم 2019-03-14, 08:12   رقم المشاركة : 250
معلومات العضو
chiraz16
عضو مميّز
 
الصورة الرمزية chiraz16
 

 

 
الأوسمة
وسام المشاركة المتميزة في اعمال السموكس 
إحصائية العضو










افتراضي

مشكورة حبيبتي الهام وصفاتك في القمة جربت العجينة المورقة اتاعك وانا اي ماتطلعليش مليح تفتحو الاوراق وفاضو ههههههههههههههههه










رد مع اقتباس
قديم 2019-05-12, 14:45   رقم المشاركة : 251
معلومات العضو
azertyguid
عضو مشارك
 
إحصائية العضو










افتراضي

ممممممممم روووعة يعطيك الصحة










رد مع اقتباس
إضافة رد

الكلمات الدلالية (Tags)
لأحلى, مادي, لعيونك, الأمل, بالتفصيل, تشاراك, تطبيق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:20

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc