سؤال حول لوحة ooredoo

[kika85]

اخواتي عندي استفسار
اشتريت تابلات تع اوريدو ودرك راني في الشهر الثاني المهدى من اوريدو وعندي المودام في الدار حبيت نكوناكتي بالريزو الي عندي في الدار اكتيفيت الويفي وبعد البحث لقيت الريزو الي نحوس عليه بصح لما ندير كلمة السر ما يحبش يتصل بهاد الريزو
تعيشو الي يعرف كيفاش ندير يقولي
مشكورين اخواتي

[ninou18]

اخي الكريم ممكن توضحلي شحال شريتو انا قالولي بلي لوحة اريدو راهي بالكونترا ولازم كل شهر تخلص 2500دينار ولا يديرولك غرامة مالية انا حبيت نجيب واحد لكن بخصوص كلمة السر ماعندي حتى فكرة

[kika85]

اولا انا امراة ههه
شريتو ب تسعمية وخمسين ودارولي كونطرا عندي شهرين انترنت باطل وكي يخلاصو تولي تخلصي ميتين وخمسين الف كل شهر لمدة عشر شهور ومن بعد خلاص تولي تفليكسي فيها عادي بصح الكوناكسيون فيها روعة خفيفة بزاف ...بصح سقسي ادا مازالو على خاطر وقيل خلاص الديلي

[ninou18]

المشاركة الأصلية كتبت بواسطة kika85

اولا انا امراة ههه
شريتو ب تسعمية وخمسين ودارولي كونطرا عندي شهرين انترنت باطل وكي يخلاصو تولي تخلصي ميتين وخمسين الف كل شهر لمدة عشر شهور ومن بعد خلاص تولي تفليكسي فيها عادي بصح الكوناكسيون فيها روعة خفيفة بزاف ...بصح سقسي ادا مازالو على خاطر وقيل خلاص الديلي

اختي لازم كل شهر تسلكي 2500 دينار ولا تقدري تسلكي مرات ومرات لا ونوعية التالبلات دوريجين ولا شينوي

[zoff]

désactiver données mobiles
et activer la wifi sur tablette
وجربي

[zoff]

ولا ما نجحت نشوفولك حل اخر

[kika85]

درت هكدا ويجبدلي لي ريزو ديسبونيبل بصح كي ندير الريزو و كلمة السر يقعد غير يدور يدور وما يحبش يتصل بهاد الريزو

[zoff]

قومي بتثبيت عناوين ip في الكمبيوترات المتواجدة في المنزل
example : 192.168.1.50 فما فوق
ولو حبذ ارفاق صورة يكون الفهم اوضح

[kika85]

معليش اخي تزيد تشرحلي ادا ممكن

[Chachi]

السلام عليكم ورحمة الله تعالى وبركاته حابة نسقسيكم نقدر. نعيط باتابلات بصح ببيس اخرى هذا السؤال راهو محيرني وشكرا

[احمد78]

مكاش منها
انا شريت طابلات فيها شريحة 3 جي ب 8000 دج
مكاش التزام ولا يوجد اي التزام للدفع

[أحمد دواجي]

السلام عليكم
ممكن اذا مازال المشكل ممكن تجربي إعادة تنصيب التابلات
في الاعدادات

[عبير الياسمين.]

المشاركة الأصلية كتبت بواسطة chachi

السلام عليكم ورحمة الله تعالى وبركاته حابة نسقسيكم نقدر. نعيط باتابلات بصح ببيس اخرى هذا السؤال راهو محيرني وشكرا

ايه ختي تقدري تركبي بيس اخرى وتعيطي بيها نورمال

[Remàn]

بخصوص الشهرين كيما تبغي ولا عندهم مدة ؟؟؟