هل صحيح ان قنوات الاطفال ;;;;;;

[*سيرين نور عيني *]

هل صحيح ان قنوات الاطفال تؤثر على نطقهم مع انني نعرف اطفال كانو يتفرجو طيور الجنةو غيرها وراهم يهدرو ماشاء الله

[mimi friend]

الاكثار من مشاهدة قنوات الاطفال يفقد التركيز

[*سيرين نور عيني *]

بارك الله فيك

[جنان14]

انا ابني عندو عامين و4 شهور وكان يتفرج بزااااف طيور الجنة والان عندو قلة التركيز ومازال ماتكلمش والله راني خايفة عليه

[kikimnarim2]

التلفاز بزاف يهلك تطور الجهاز العصبي عند الاطفال ويترك لهم عاهات

[هالة اسماء]

القنوات التلفزيزنية وخاصة تلك المخصصة للاطفال و بالخص قناة طيور الجنة تسبب شرود ذهني للاطفال يعني يستقبلو دون ما يخدمو عقولهم و دون بذل اي مجهود فكري انصحك ان تزيلي القناة و عوضيها بالعاب تركيب مثلا لان الطفل رايح مع الاول يبذل مجهود ثم وحدو يولي يخرج اشكال عن تجربة طبعا
اللهم وفقنا لما تحبه وترضاه

[أمّ علي]

انا اظن المدة الزمنية لي يقعدوها امام التلفاز هي السبب كذلك نوعية البرامج كاينا لي تفيد وكاين لي تخرب انا توجد قنوات عملتلهم كلمة السر لانها ليست تربوية بل العكس شكرا لك.

[*سيرين نور عيني *]

merci bcp pour vos reponses

[fadi02]

حداري من هده القنوات ما تخلوش ولادكم قدام التلفزيون بالساعات راجلي طبيب اطفال قالي كل يوم اجيبولي اطفال ما بهدروش و اول حاجة اسقسيهم على التلفزيون و خاصة طيور الجنة كامل النساء جوبوه نفس الجواب نهار كامل قدام طيور الجنة قالي حتى مخ الطفل ما طورش لانه يسمع فقط من غير ما يفهم و لا يتكلم حتى اولي عنده نوع من مرض التوحد و الله غير خلعني الجواب ديالو حداري يا نساء على ولادكم خليو ولادكم شوف شوية يلعب و يخرج برى مام اطيح انوض يتواصل مع الناس يهدر اعبر اشريو لهم العاب حتى راجلي مرة قالي نبعث لكاش قناة تعمل روبورتاج على الموضوع

[*سيرين نور عيني *]

rabi yahafdak fadi mrc mrc mrc

[اصالة 2015]

السلام عليكم........المهم الان هل هناك نوع من الاستدراك؟
اي هل يستطيع الوالد تعويض مافات ......؟

[smahi_hb]

المشاركة الأصلية كتبت بواسطة ندى الورود95

هل صحيح ان قنوات الاطفال تؤثر على نطقهم مع انني نعرف اطفال كانو يتفرجو طيور الجنةو غيرها وراهم يهدرو ماشاء الله

لا أعتقد هذا بتاتا ... لاحظت ذلك على ابني ... تعلم الكثير من قنوات الاطفال واصبح يتحكم اكثر في اللغة العربية علما انه قبايلي.

[*سيرين نور عيني *]

Merci bcp pour vos reponses

[أم أيوب 11]

اختي يقول المثل الشيء اذا زاد عن حده انقلب الى ضده
الكثير من اطباء الاطفال دقوا ناقوس الخطر حول مشكل تاخر الكلام والنطق عند الاطفال
نسبة كبيرة من الامهات راه تعاني من هذا المشكل صح التلفزيون راه مساهم بنسبة كبيرة
الطفل من الشهر الاول ينحط قدام التلفزيون المخ مايقدرش يترجم الحركات والكلمات
مثلا يسمع كلمة بندورة وحنا نقولو طوماطيش هكا يفقد التركيز
وهكذا يلجاء للصمت بكري كان يكبر وسط العايلة الكبيرة الكل يحكي معاه ويكلمه واليوم كل واحد لاهي في روحه

[الاخ ياسين السلفي]

انا ولله الحمد ليس لدي تلفاز وانا وزوجتي متفاهمين على ذلك
ولدي اطفال حفظهم الله يتكلمون جيدا وهم بصدد حفظ كتاب الله
لكن لدي جهاز اعلام الي فية برامج تعليمية
وفقك الله
انا انصحك باخراج التلفاز من البيت واستبداله بجهاز اعلام الي افضل