*مواقف محرجة جدا *هههههههههههههه - الصفحة 3

محب السلف الصالح · 2012-02-05, 18:20

اقتباس:

المشاركة الأصلية كتبت بواسطة ميمنة الجزائر

في وحدة كثير محرجة كنت ان وزوجي نبتضع ملابس لابننا في متجر وكان المتجر

الواجهة من زجاج وكثير نضيف واذا برواحد صاحب زوجي يتكلم معاه اخذت ابني وكنا

خارجين واذا بفي ضربة اكثر من اهتزاز الواجهة اي دخلت في الواجهة

واش نقولكم زوجي طاح بالضحك هو وصاحبو قالو يا ستار وزوجي لم يستطع حتى انو

ياخني قدام الراجل من الاحرج ولن انساها هذه القصة واقول انو في كثير مصايب

صراتلي في حياتي والله اخجل حتى وانا اكتبها

ههههههههههههههههههههههههههههه

أضحك الله سنك

الشكر لعبد الله

أم البراء السلفية · 2012-02-05, 18:57

السلام عليكم ورحمة الله وبركاته
نحكيلكم موقف صرا مع يما
انا صراو معايا مواقف بزاااف من بعد نحكيلكم ان شاء الله
المهم مرة رحنا نحوسو في شرشال
عجبنا واحد المرشي نزلنا ليه
قعدنا نمشو نمشو يما كانت دايرة السدل ومع الغاشي شوية صعيبة باش اتشوف مليح
كنا نمشو بابا شاف واحد السيارة كيما اللي كان حاب يشريها قالنا كيما هادي اللي رايح نجيبها ان شاء الله
كانت كالينة هبطة ههههههههههــ يما ماشافتهاش لانو كانت مركزة مع السيارة ههههههههــ
وقاست رجلها في الهوا وطاحت واحد الطيحة لهلا ايشوفكم فيها
والغاشي قاعد يخزر ويضحك
واحنا تانيك ماشي رحنا رفدناها ولا لالا قاعدين نخزرو فيها ونضحكو
هههههههههههــ مووقف محرج فعلا
راجعة ان شاء الله مع مواقفى انا
ه

النجمة القطبية · 2012-02-05, 19:26

مرة صرالى موقف
كنت فى الدار هاتفتنى خالتى وقاتلى قولى لباباك يجيبك نشوفك قبل ما نروح لدارى
المهم خالتى كانت فى بيت الجد
طلبت من والدى وصلنى بالسيارة والبيت تع جدى موش بعيد
قبل ان نصل بضع خطوات للدار شوفت سيارة تشبه سيارة زوج خالتى
المهم قولت لبابا يا بابا اجرى اجرى خالتى فلانة باش نسلم عليها قبل ما تروح
بابا راح مور السيارة وحبسناها
وانا نزلت نجرى ههههه
كى وصلت للطوموبيل نلقا راجل غريب مخلوع مفهم والوا
وانا خلاص مت بالحشمة
عاودت وليت لبابا وبابا تقلق وانا مقولت والو
كى نزلت لدار جدى لقيت خالتى فى الدار حكيتلها الحكاية ماتت بالضحك

مريم الصابرة · 2012-02-05, 21:17

السلام عليكم ظاخي بارك اله فيك عندي شكاير نتاع مواقف مي نحكيلك الجديدة
كنت فالسبيطار رحت رونديفو نشوف الطبيب تقلقت الغاشي خرجت برا لقيت فرملية نعرفها بقينا نحكو وكانت واحد الطوموبيل قدامنا يا خويا واش نقولك طيارة هايلة قلتلها شوفي الشوفور ديالي وبديا نتقوقح قلتلها نهار الأول جا يحلل باه نخدمو وضرك يتشنف طليت من التاقة قلنلها شوفي الفناجين نتاع القهوة دارلي كافيتيريا هنا والكوارت بيرو هذي ماشي طوموبيل قلتلها ما تقوليلي والو نحاوزو نشوف واحد آخر والكارثة كان مولاها يسمع فيا واقف قدامنا جا ليا أعطاني المفتاح قالي هاكي مادموزال راني بطلت عندك الحق سامحيني نشرب القهوة بزاف والكورات نتاع الخدمة حشمت مت ياخا وشديتو عليه باه نسلك الموقف قتلو وي إنت درتها حشمت مت الراجل ما نعرفوش هذا الموقف الجديد

شولاك · 2012-02-06, 00:25

السلام عليكم ...
موقف محرج ... سأحكي عن موقف محرج وأنا بالجامعة ...
وحد النهار خرجت من الجامعة في العشية وحبيت نروح للإقامة ومع الغاشي بزاف والركبة صعيبة اخترت باش نروح "ستوب" ... وقفت في مكان ما .. وانتظرت وإذ بسيارة فاخرة توقفت عندي ... فرحت وبسرعة فتحت الباب وركبت بعد ما ألقيت السلام على مولاها .. لكن شفته يشوف في ومستغرب ... سكت ما تكلمتش عندها عرفت علاه ... على خاطر كنت واقف تحت feu rouge ومعلاباليش وهو احبس على بال يدير "الستوب" انتاعو ... قلت له: اسمحلي ... اسمحلي خويا ... وفتحت الباب باش ننزل ... تبسم وقال لي: معلش اركب خويا نوصلك وهو يضحك .. يضحك ...

محب السلف الصالح · 2012-02-06, 07:43

أضحك الله سنكم

والله الأخ أيمن

أسعدني كثيرا

rimana · 2012-02-06, 15:00

سلام
انا كاين جاي خطيبي لدارنا مي انا احسبت اجي لعشية واهو يجي مع صباح
اتخيلو انا ماشي مشطا كامل ولبسة وحد لحوايج في حياتي ملبستهمش تاع تسياق يالطيف الله لا يشوفكم فيهم
وانا راني مع لفروطوار +تقاشير مع لبليغة ههههههههههههههههه وحلتي حالة تبهديل وانا مع ندور نلقا خطيبي مورايا جا مع بابا
واش نقوللكم الالوان لي فوق الارض كامل تلونت بيهم ...مهدرتش معاه كامل من الخلعة وتبهديلا رفدت فروطواري ونشافي وخرجت ههههههههههههههههههههههههههههههههههه

النجمة القطبية · 2012-02-06, 18:06

اقتباس:

المشاركة الأصلية كتبت بواسطة rimana

سلام
انا كاين جاي خطيبي لدارنا مي انا احسبت اجي لعشية واهو يجي مع صباح
اتخيلو انا ماشي مشطا كامل ولبسة وحد لحوايج في حياتي ملبستهمش تاع تسياق يالطيف الله لا يشوفكم فيهم
وانا راني مع لفروطوار +تقاشير مع لبليغة ههههههههههههههههه وحلتي حالة تبهديل وانا مع ندور نلقا خطيبي مورايا جا مع بابا
واش نقوللكم الالوان لي فوق الارض كامل تلونت بيهم ...مهدرتش معاه كامل من الخلعة وتبهديلا رفدت فروطواري ونشافي وخرجت ههههههههههههههههههههههههههههههههههه

هههههههههه
ههههههههه روعة

أم البراء السلفية · 2012-02-06, 18:45

اقتباس:

المشاركة الأصلية كتبت بواسطة rimana

سلام
انا كاين جاي خطيبي لدارنا مي انا احسبت اجي لعشية واهو يجي مع صباح
اتخيلو انا ماشي مشطا كامل ولبسة وحد لحوايج في حياتي ملبستهمش تاع تسياق يالطيف الله لا يشوفكم فيهم
وانا راني مع لفروطوار +تقاشير مع لبليغة ههههههههههههههههه وحلتي حالة تبهديل وانا مع ندور نلقا خطيبي مورايا جا مع بابا
واش نقوللكم الالوان لي فوق الارض كامل تلونت بيهم ...مهدرتش معاه كامل من الخلعة وتبهديلا رفدت فروطواري ونشافي وخرجت ههههههههههههههههههههههههههههههههههه

هههههههههههههههههـــــــ والله قتلتينى بالضحك صح موقف محرج كون قاللو باباك هدى الخدامة برك ههههههههههه
امزح اختى اللي يبغيك يبغيك بخنونتك
ربي يوفقك ويرزقك الذرية الصالحة ان شاء الله

سامي26 · 2012-02-06, 20:57

هناك موقف محرج جدا حدث لي اخواني وذلك منذ مدة ليست بالطويلة كثيرا حيث لم كنت نفوت فالخدمة الوطنية وانا في الستاج المر جدا و بالرغم من اني نفوتهم كملازم ا الا انني وصديقي تشاجرنا بالكلام مع المؤطر العريف اول اللذي وشى بنا الى القائد ذى رتبة نقيب هذا الاخير عاقبنا مدة اسبوع كامل بان نغسل كل يوم المرحاض انا وصديقي بطريقة جيدة مع المراقبة و الضحك من الاصدقاء بالاضافة الي قلع كل الحشائش في المساء وعقوبات اخري لا داعي لذكرها لكن رغم كل شىء لا انها ذكري جميلة جداجداجدا

أيمن عبد الله · 2012-02-08, 16:36

**نتقدم بالشكر لكل من شارك معنا وذكر مواقف طريفة وقعت له

ولابأس أن أشارك بواحدة كذلك

منذ 07 سنوات قررت مع اثنين من الزملاء إجراء حوار مصور مع واحد من أفراد جمعية العلماء في بسكرة

حددنا الموعد ...وأخذنا الكاميرا وأعددنا الأسئلة .....وأجرينا الحوار مع الشيخ الذي يفوق سنه ال 80 سنة

لكن المفاجأة أن الكاميرا لم تكن مضبوطة كما ينبغي وما صورت إلا سقف المكان والصوت طبعا

تأسفنا ....وقعنا في احراج لكن رجاحة عقل الشيخ ...جعلتنا نعيد معه جلسة أخرى جديدة سلمت فيها الجرة

أيمن عبد الله · 2012-02-08, 17:28

اقتباس:

المشاركة الأصلية كتبت بواسطة مَحمد باي

وكما يقال:

أهل العقول في الراحة

نورتنا يا أخي محمد