من فضلكم رايو عليا ربي يعطيكم واش تتمناو

alma021 · 2012-07-05, 11:27

السلام عليكم انا مشكلتي ربما ليست مشكلة ولكن لا احس اني مرتاحة منها المهم حكايتي هي انه جرى خلاف حول شئ تافه مع زوجة اخي الكبرى حيث كنا نتناقش على شئ كانت تعلمه وانكرت انها تعرف وفي سياق الحديث لمح احدهم بنها كانت تعلم بذلك الامر
فحينها قلت لها بصريح العبارة كنت تعرفي وما قلتيليش
فجاة انقلبت على واتهمتني بانني اتهمها بالكذب وقالتلي بالدارجة طيحتيلي وقلتيلي كذبتي وفورا طردتني من منزلها انا وقتها دهشت ارجوكم قولولي هل صح انا طيحتلها كي قلتلها كنت تعرفي وما قلتيليش
وانا ناوية والله نروح نطلب منها السماح بالرغم انو راني حاسة روحي ماغلطتش معاها ولكن اللي المني اكثر طردها لي من منزلها وهي لحد الان مصرة على موقفها ولا تتكلم معي مادا افعل ارجوكم اشيرو على

الواثق · 2012-07-05, 11:43

ممكن اختي هاذي قطرة افاضت كأس مملوء قد امتلء لديها من كثير من الاشخاص وانت جئت في النهاية وتحملت اخطاء الاخرين ...................المهم اختي ننصحك انك تقدميلها هدية وتعتذري منها وهي اكيد ستعتذر منكي .......................نعطيك مثال انا البارح تخاصمت مع اخي في شيء تافه ولكنه كبر بالرغم ان الخطأ خطأه ولكني سأعتذر منه ...........والله المستعان

hodayena · 2012-07-05, 11:56

اختى هذ الكلمة كامل نقولوها كنت تعرف ومهدرش وماهيش سبة باه تطردين من بيت اخيك كانت قادرة جاوبك بكلام غير هذا او ردة فعل تكون اقل مثل واش دخلني حاجة متخصنيش مي الطرد مراهيش سبة تتحمل الطرد حبيتي تروحي حاجة تخصك لكن كلمة كنت علابالك ومقلتيش مراهيش تطياح

جسر الأمل · 2012-07-05, 18:44

نقولك حاجة الطرد راه واعر بزاف علاه شاراها حاسبة روحها تقولك بلي ماكانش علابالي بصح اطردك والله لا ربحت، سير كانت تحوس على سبة
انا نقولك مكانك والله مانروحلها اطردني ونروح نعتدرلها غايا غايا ونزيدك حاجة نخبر خويا الكبير ونحكيله القصة.الطرد راه اهانة كبيرة

raboha · 2012-07-05, 19:28

يا ختي أولا كلمة كان علابالك و مقلتيليش مهيش تطياحة و مغلطتيش كي قلتيلها
و ثانيا التصرف اللي دارتو و طرداتك من المنزل ميش من حقها و عيب عليها و نظن كانت تحوسلك على سبة باش متخليكش ترجعي لدار خوك
أما بالنسبة لطلبك السماح منها من رأيي متروحيش و متطلبيش منها السماح لأنها هي الغالطة ميش نتي
هي صح و كان تطلبي السماح حتى و راكي مظلومة عندك أجر كبير عليها بصح العرب تاعنا ميستهالوش كلمة السماح

سارة البوسعادية · 2012-07-05, 19:43

الطرد بين قوسين ما فهمتش وين وصلت حدة نقاشكم
لكن
انتي غلطتي هي عارفة حاجة وخبات لاسباب شخصية او بالاك كشمن قالها ماتخرجيهاش وهي كتمت السر لومك ليها مش في محلو
انا هذا رايي

raboha · 2012-07-05, 19:58

اقتباس:

المشاركة الأصلية كتبت بواسطة سارة البوسعادية

الطرد بين قوسين ما فهمتش وين وصلت حدة نقاشكم
لكن
انتي غلطتي هي عارفة حاجة وخبات لاسباب شخصية او بالاك كشمن قالها ماتخرجيهاش وهي كتمت السر لومك ليها مش في محلو
انا هذا رايي

ختي كلامك صح بصح متلحقش بيها تطردها من البيت هنا نفهمها بلي كانت تحوس على سبة و هنا جات في و قتها
كيما يقولو سبة و لقات هباطية
و ثان حتى و يكون واحد منبه عليها متتصرفش هاكاك
و الله أنا في محلها نقوللها الله غالب ولا نسكت ولا نديها للكوزينة ولا الشامبرا و نبررلها كتماني للموضوع

soso sirin · 2012-07-05, 23:09

انا مافهمتش الموضوع اصلا الي خباتو عليه واش هو اذا كان مايخصكش و مايخصهاش و يخص طرف اخر و نتي ماعندك حتا فايدة اذا تعرفيه و لا لالا هنا ماعندكش الحق باه تلوميها بلي راهي خباتو.مي تاني هي ماعندهاش الحق باه تحاوزك و تخرجك من دارها و الي هي اصلا ماشي دارها راهي دار خوها و اصلا ماهوش جازت انا تعلمت حاجة من عند بابا قالنا اذا واحد كان في داركم و هو سبكم و فات الحدود معاكم و ماتخرجوهش من الدار .كون على الاقل بلعت على الموضوع و لا قتلك انا مادخلني والو و لا قتلك الموضوع مايخصكش مي باه تخرجك من الدار هاذا ماشي جاي.انا وحدا من الناس هاذي مانقبلهاش على روحي مي اختي حنا ماكناش معاك باه نعرفو القصة كاملة انتي وزنيها في عقلك و شوفي شكون الغالط و اذا كنتي انتي كلمة سمحيلي ماراهيش رايحة تقتلك و لا تنقص منك شي حاجة اما اذا كانت هي غالطة ماتروحيش ليها و اذا كانت مليحة و هذا الشي باك دارتو كردة فعل غير طبيعية و هاذي اول مرة و حتا و تكون هي الغالطة خليهم في الدار يعرضوها و شوفي كيفاه تهدري معاها لانو مهما تكون راهي مرة خوك و هذا الشي ماديريهش في وجها مي في وجه خوك لانو صعيبة باه يبقى بين اختو و بين مرتو

الجواهر · 2012-07-05, 23:10

الاتهام بالكذب ليس مبررا للطرد لنعكس الوضع
لو كانت تقيم معكم زوجة الاخ ثم اتهمتك بالكذب فهل تطردينها ؟ و ان طردتها ماذا سيحصل ؟ اكيد ستكبر.
لو كنت مكانك لن اضع قدمي في بيتها الا ان اعتذرت
ساحكي لاخي و اسرتي الحادثة و ساخبره باني لن اذهب الى بيته لاني مطرودة منه تبقى علاقتي مع اخي عادية لانه لا علاقة له اما زوجته فامحيها بالممحاة لا بالفاسور

جسر الأمل · 2012-07-06, 21:53

المشكل راه في الطرد مشي في الموضوع اللي حكاو عليه، شوالا مرت خويا طردني من دار خويا هده قالتلهم ارقدو وانا نغطيكم ماتروحيلها ماوالو وماتطلبي السماح هي الغالطة كي طرداتك ونزيدك احكي لخوك بالاك تتسقم وتتربى شوية................

alma021 · 2012-07-06, 22:06

يعطيكم الصحة على الردود بارك الله فيكم برك حبيت ناكد للاخت اللي سقساتني اذا كانت الحاجة اللي قلتلها كنت عارفتها وما قلتيليش تخصني ولا لالا انو هاذي الحاجة تخصني انا 100 ب100 المهم انا نقولكم بللي ماحبيتش نكبرها ورحت وقلتلها اسمحيلي اذا صح غلطت معاك وهي ثاني طلبت مني السماح بصح كون ما بادرتش انا ماتجيش هي ليا مي الله غالب ماقدرتش نرفد عيني فيها كي نتفكر بللي حاوزتني ينقص مني النص

soso sirin · 2012-07-06, 23:13

معليش يا اختي انتي درتي بتربيتك و زاد راكي الي درتيه في وجه خوك والله صعيبة بزاف على الاخ كي يلقى مرتو ماشي متفاهمة مع اختو والله الحياة تولي سامطة مي نقلك حاجة انتي هاذي المرة درتي الي عليك المرة الجاية تعاودها روحي نيشان لخوك و حكيلو لانو ماعندهاش الحق باه تحاوزك من دار خوك الا اذا انتي وصلتيها و حتى و كون توصليها انا تعلمت حاجة في هاذي الدنيا الي يكون ضيف في داري و يوصلني ماعندي مانقولو لانو راه ضيف مي نهار نتلاقاو في بلاصة محايدة و لا في دارو نحطلو سعدو في يدو و كي تتفكري انها حاوزاتك تفكري ربي شحال مدلك حسنات مي ماتخليهاش تعاودها لانو كلشي عندو حدود ربي يحفظك اختي