وريشة ام مريومة لصنع حزام القفطان بالصور

ام مريم اسراء · 2013-05-22, 19:48

باسم الله الرحمن الرحيم

كثيرا من الاخوات استفسرو عن طريقة صنع حزام بسيط للقفطان و طلبو المساعدة
فقررت ان اعمل وريشة صغنونة قدي اهديها لكل عضوات منتدانا خصوصا الاخت السطايفية الحبوبة و اخواتي العزيزات هنادي 193 و اميرة ميرنا و الاخت خيرة و نادية 28

اولا الادوات المستعملة هي الكرطون الرقيق يجي كيما الورق المقوى نلقاوه في علب الاحذية و ان لم تجدو فنستعمل ورق الاشعة و هذا هو محبذ لانو كتغسلوه ميفسدش و ما عليكم الا تقيسو لاتاي نتاعكم او دوران الوسط فوق الكرش

و نزيدو عليه واحد 5 سم
انا ليوم رايحا نعمل نموذج مصغر لكن نوعدكم في القريب العاجل راح نعمل نموذج حقيقي

عدنا ليوم 3 موديلات ليوم راح نعملو الموديل الاول على اليمين

بالنسبه للادوات الي نحتاجوها عدنا -
- الساتان
- هيكل الحزام الي قصيناه ... يخصوص القص عدنا العرض الس حبيتوه نطو الورق بالمقاس نتاع لوسط نتاعنا نطووه على اثنين و نقصو بشكل مقوس باش نتحصلو على شكل المعين

- عدنا قلم و مصمار باش نثقبو بيه مكان تركيب كروشيات الحزام -
عدنا خيط السوتاج الدوري يتباع بالوان كثيرة
اختي هنادي ننصحك تخدمي بيه لانو يسهلك العمل و كاين في كل الالوان تلقاي اللون الوردي نتاع القيطان و اذا اخترتي الساتان غوز اعمليه بلون الفستان او الفضي انتب و ذوقك
- بيستولي -كابوس الشمع باش نلصقو بيه

كيما في الصورة نعلمو نقاط بالقلم بمكان تركيب كروشيات الحزام
و نثقبوهم بالمسمار

نقصو الساتان اكبر من حجم هيكل الحزام

نسخن البيسطولي و نلسق و حه الحزام الي حطيناه في الوسط و في الزواية الفوقانية و التحتانية نقصو القماش باش كنلسقوه نطووه

في السورة الثانية يبان الخط الي رسمناه و قصينا

هذه النتيجة لكن حذاري متحطوش كمية متكتلة من الغراء لانو يفسد الخدمة لازم تكسلو الغراء و تلسفقو بسرعة باش متفزدت الواجهة نتاع الحزام

ومن بعد نجيب خيط السوتاج نتاعي و نقدرو نستعملو في بلاستو لاكورد نتاع الشورات لكن الاختيار ...نبداو من الطرف نجطو الغراء و نلسقوه ساير داير
نخليكم مع الصور

واذا حبيتو تعملو هاد التزيين معليش ارسموه بقلم الرصاص و تبعو

ومن بعد لازم تزينو الجهة الداخلية

كيما شفتو في الصورة نجطو لخزام فوق ساتان و نطراسيو ساير داير بالقلم

و من بعد نقصو اكبر من الحجم المرسوم بحوللي 1.5 سم باش نطوه للداخل

باش تسهال عليكم العملية اطو الزيادة الي قصيناها للداخل و حدوها بالمكواة

و بالبيسطولي نطوو و نلسقو ساير داسر اذا كانت عدكم تكتلات متتقلقوش جيبو قطعة فماش حطوها فقو و حدو بالمكوات تختفي الكلاكييييع

هذه النتيجة النهائية بقالي نوريلكم كروشيات الحزام

هاذو هوما الي في الصورة اختارو لون مناسب اشرو زوج كروشيات نتاع القفطان اذا ملقيتوش اشرو نتاع الريدورات راه يجي كيما الي نغلقو بيه الصدرية -عفوااااااا-

ان شاء الله نكون قد وفقت في ايصال المعلومة و لو بوسائل بسيطة اي استفسار راني هنا
نفس الطريقة نعملو بيها الحزام العادي المستطيل
نقدر نستعملو بدل السوتاج الغالون الي خدمناه و نقدرو نحطو في الوسط بروش و هذا الي راه دارج هاد العام بالنسبة لحزام القفطان
راح نحطلكم من بعد صور للاحزمة

ربي يوفقكم

اكون جد لو طبقتوه

موديلات الحزام

و اذا حبيتو تزينوها بالخرز اتبعو هته التقنية و كتكملو الرشمة نتاعكم لصقو القماش على هيكل الحزام

:mh31R]

biba04 · 2013-05-22, 19:51

11111111111111111111111 اول رد ام مريومة يعطيك الصحة روووووووووووووووعة

ام مريم اسراء · 2013-05-22, 20:10

يعطيك الف صحة اختي بيبا نوتينا بمرورك العطر حظ سعيد في دورة تعلم التصميم بالفوتوشوب

بوعنينبة · 2013-05-22, 20:16

بارك الله فيك

مليكة31 · 2013-05-22, 20:19

الله الله عليك ياام مريومة تغيبي تغيبي وكي تباني دجيبي لبشاير يعطيك الصحة خيتي ويباركلك في مريم

stayfiya · 2013-05-22, 20:46

ايييييييييييييييييييييييييييييييييييه يا ام ميميي ورييييشة وعليها لكلام يعطيك الصحة هيا ارواحي نكماو البدروم راني جيت

سمراء الدنيا · 2013-05-22, 20:56

الله يبارك لك في صحتك و يخليلك مريم و تفرحي بيها ...امين
الف شكر كنت محتاجاتو

صاحب الامل · 2013-05-22, 20:56

مساء الخير الاخت ام مريم اسراء
يعطيك الصحة على المجهود الرائع والورشة المميزة
بصراحة راني نعتبرك من بين المجتهدات في هذا القسم
عمل متقون وشرح جد مبسط وان شاء الله نلقاو تفاعل من الاعضاء
وليس فقط وضع ردود جانبية وانما نريد مشاركة وتفاعل لتطوير الورشة بالافكار والاستفسارات...الخ
بالتوفيق

ام مريم اسراء · 2013-05-22, 21:04

يا عمري دخولك اختي سمراء الدنيا و اخي عمر جد شرف ليا طرحتو البركة و زدتو طلعتولي المورال و الله انا نكون جد سعيدة كنقدم ما اعرف لاخواتي و نكون اسعد لما نلقى الردود شكرا على التشجيع العطر هذه شهادة اعتز بيها