الجزء 139 من واش طيبتي اليوم ……كوزينة الهمة والنشاط من جديد…… - الصفحة 7

ساجده 82 · 2015-08-07, 17:49

الاخوات اللواتي يستطعن مساعدتي اكون شاكره لهن البقلاوه تباع بالحبه او بالكيلو ...لاني يسقصيوني الناس وبقيت ؟؟؟؟ ، اللي نعرفو تتباع بالحبه وماهو ثمنها وهل فيه انواع للحلويات تباع بالكيلو والسعر كم هو شكرا مسبقا

أم فاطيمة · 2015-08-07, 17:54

مساء الخير الشيرات كي عشيتو
ام ساجد بصحتك الطعام راني معولة عليه للعشا انشاء الله
ام سراج و ملاك اهلا حنونة واش راكي واش راهم الكتاكيت مزالكي مع التلباز
روضة يعطيك الصحة حلوياتك قمة في الروعة
ساجدة حنا يبعو البقلاوة بالميزان 80الف للكيلو و الحلويات الجافة 40 الف و كل حاجة حسب مكوناتها

ساجده 82 · 2015-08-07, 18:03

مساء النور اختي ام فاطيمه جوزيت ،ولكن 80 الف الحشو ؟؟؟؟ اذا لوز راه غالي والحلويات الجافه تقصدي بيها حلويات بدون مكسرات ووو وبصحتك لعشاء مسبقا

أم فاطيمة · 2015-08-07, 18:08

مساء الخير ساجدة ايه الحشو لوز و كوكاو ماشي لوزصافي و الجافة يعني بدون مكسرات صابلي بانواعه الطورنو و غيرهم

ام و ابنة · 2015-08-07, 18:30

السلام عليكم جميعا
اختي ام أفنان ربي يعينك انت و ام ساجدة سوسو و كل اخواتنا المغتربات انا جربت الغربة تقريبا ثمان سنين و كنت كارهة حياتي و لكن صدقوني دخلت من ثلاث سنين و الله وليت نتمنى نرجع للغربة و ربي يحقق لكل واحد وش يتمنى
احنا عندنا في العاصمة يبيعو القاطو بالحبة باستثناء لي بوتي فور و القاطوات الصغار في الحجم
ام سراج ربي يعينك و عندك الحق ما تديريش بالشكولا
وداد و ام فاطيمة وش اخباركم خواتاتي
احنا ما جاتش عالسخانة والله الميديتي قتلتنا و في العشية تزيد اكثر ربي يعيننا جميعا
ام هديل و الله ساهل الموسكوتشو اخزي الشيطان و ديريه خخخخخ
مليسات بصحتك القفطان انا ثاني من نهار درت الحجاب عندي ثلاث سنين ما نلقاش لبس مناسب للأعراس مع اني ما نحبش الخياطة بصح قررت نبدأ نشري قماشات و كل خطرة نخيط حاجة تناسبني

ام و ابنة · 2015-08-07, 18:32

ام ساجد راني جبتلك باروكي كيما وعدتك مقبيل برك خدمتو
الرفيس التونسي بطريقة ام اسلام و لكن بصراحة مادرتلوش العسل حنا ما يحبوش حاجة حالية بزاف

الذوق جاني كيما موالفة نديرو لاني انا نعمل الزبدة طرية و ام اسلام تعمل الزبدة ذائبة و سخونة و هي تعمل السميد بارد و انا نعملو سخون شوية قيس ما نتحمّل حرارتو و النتيجة وحدة و الحمد لله عائلتي حبوه كي العادة و ما لقاو حتى فرق بين الطريقتين

أم فاطيمة · 2015-08-07, 18:34

مساء الخير ام و ابنة واش راكي واش راهي بنتك
اممممممممممم يعطيك الصحة راني ديت باش نتقهو

ام و ابنة · 2015-08-07, 18:37

لبنات تعيشوا خيرولنا كش طبخة تحبوا نتبادلوا الافكار فيها
انا كنت حابة نشوف طرقكم و افكاركم في البريوش و لكن راني دايما انا اللي نختار الموضوع و حبيت وحدة فيكم تختارلنا

ام و ابنة · 2015-08-07, 18:38

مساء النور اختي ام فاطيمة الله يسلمك يا ريت جيتي قريبة و الله تذوقيه فعلا و تعطيني رايك
و انت وش راكي تلبزي مع هاذ السخانة؟؟؟؟؟؟
وليدي و بنتي شوية مزكمين بصح الحمد لله هاذ الساعة

أم فاطيمة · 2015-08-07, 18:44

ربي يشافيهم انشاء الله يعطيك الصحة من نظرتو يبان شباب تاكلوه بالصحة
انا مزال ما بديتش التلباز قاطو العيد و ما كملوهش
راهي مبحرتهالنا واش نديرو عشا وواش نديرو غدا مع انو كلش متوفر
السخانة قتلنا و راهم يحبوغير البارد

فاطمةع · 2015-08-07, 18:55

السلام علبكم الف مبروك عليك الكوزينة اختي ام ساجد انشاء الله نستفيد منها الكتير

Simassim · 2015-08-07, 18:59

راني نكتب الردود مايفوتوش. قتاتنا السخانة والميديتي. وزيد اللمنتدى يطردني

ام و ابنة · 2015-08-07, 19:04

فكرة روووعة روضة دوك شوية نحط طريقتي

سماسم ياخي راكي مغتربة و لا راني غالطة؟؟

ام فاطيمة فعلا السخانة و الميديتي نحبو حاجة باردة بصح ولادي صغار لازم نطيب علاجالهم

sabrine82 · 2015-08-07, 19:15

مساء الخير لبنات شكرا لكل من رحبت بي
اختي ام الاء مشكورة على الرد ان شاء الله نجربها قريبا
ام ساجد بصحتك الكسكسي
ام و ابنة راني معاك في موضوع البريوش جربتو مرة و مصلحش جا كانو خبز حلو و انا نحبو يتقرمش يا ريت الاخوات يفيدونا

ام و ابنة · 2015-08-07, 19:25

اولا انا طاجين الجبن نعملو اما بصدر الدجاج او اللحم مرحي او الداند او بقايا الدجاج يعني على حسب المتوفر
نعمل صوص بيضاء بعظام الدجاج و البصل و الثوم و المعدنوس و الزيتون الاخضر المقطع بعد ما نخليه في شوية ماء بارد، عائلتي ما يحبوش الفطر و يكون المرق قليل و ثقيل و ممكن نزيدلو شوية كرام فراش
نخلط صدر الدجاج اللي يكون طايب و مفتت او اللحم مرحي او او المهم يكون طايب مع خبز محمص و مرحي و انواع من الجبن حسب المتوفر مع معدنوس و قليل من المرق و بيض على حسب الكمية و ممكن حبة جامبو و لكن انا ما نعملوش نخاف على اولادي منو خخخخ و احيانا نضيف كمية قليلة من البطاطا مقطعة مكعبات صغيرة و مقلية نحط الخليط في صحن بايركس مدهون بالزبدة و مرشوش بالخبز محمص و مرحي و نرش فوقو الجبن المبشور و الشابلير
عند التقديم نقطعو و يقدم وحدو او مصحوب بقليل من المرق