الجزء 139 من واش طيبتي اليوم ……كوزينة الهمة والنشاط من جديد……

[ام ساجد]

السلام عليكم جمعة مباركة وصح غداكم

الله يبارك فيكم اخواتي

ام ريم مرحبا بيك معانا

ام وابنه الله يخليك اختي العزيزة وتسلمي وببصحتك العدس انا نحبو بكل انواعو

الريفية طريق السلامة وسفر ممتع

ام ياسو بصحتك التحويسة وزيارة الغاليين سلمي عليهم

ام سراج الله يبارك فيك اختي وربي يسهل لخوك وتتهنو

اسمهان الله يبارك فيك حبيبتي وربي يهنيك

ام نور الهدى الله يبارك فيك وصالونك روعة والحلويات هايلة

اختي ساجدة جزاكي الله خيرا وربي يتقبل منك عزيزتي

روضة الله يبارك حلوياتك يهبلو يعطيك الصحة

نور ايناس بصحتك لفولفون ورانا نستنو الموضوع تاع القاطو

ام فاطيمة الله يبارك فيك اختي الكريمة وربي يفرحك باولادك

ام افنان مرحبا بيك اختي وربي يفرج عليك وخليك معانا راح تتونسي بينا ورانا كامل احباء على وجه ربي

ام هديل الله يبارك فيك اختي وربي يفرحك بكل عزيز وغالي

[ام ساجد]

هذا غدانا اليوم كسكسي وسلاطة والحمد لله

[ام سراج وملاك]

روضة يعطيك الصحة وشكرا هبلتك معايا على الانواع هايلين رروضة باين عندك انواع مزال مخبيتيهم ياريت كشما تزيدي تحطيلي نشوف وتزيدي تحطيهملنا مواضيع خير النوع الاول نتاع ترافل كنت شفتو من قبل هاهي صورتو



حتى انا عجبني ضك نبعثهملها تشوفهم
ام نور الهدى ربي يخليك ياغالية مشاء الله قطواتك هايلين يعطيك الصحة بالنسبة لترتولات انا ثاني نديرهم كيما هكذا بصح مانيش حابة نوع نتاع شيكولا خطراه اختي وحدة قررت دير قاطو بريق لي دير حبات قاطو وتغطسهم في شيكولا ومبعد في نواد كوكو وتزينهم بوردات بعجينة التزين من فوق وثاني قاطو الترافل بشيكولا

[ام نور الهدى 2014]

المشاركة الأصلية كتبت بواسطة سوسو المغتربة;3لر9940498ﻻشص70

حلوياتك ما شاء الله واعجبني الديكور تاع قاطو السيليكون بالشوكولاطة البيضاء راح نهبل عليه

يسلموووو هاداك بنيون محشي بنسلي كراميليزي درتو كنوع من التغيير

ام افنان ربي يفرج عليك و تكوني بين اهلك و احبابك اكثري من الاستغفار و ان شاء الله الفرج يكون قريب
ﻻ اله اﻻ انت سبحانك اني كنت من الظالمين

[ام نور الهدى 2014]

اوك ام سراج ربي يوفقك
^_"

[melissat]

مبروك ام الساجد الكوزينة انشاء الله تكون عامرة بالخيرات وبالبركة على اختك عقبال الذرية الصالحة انشاء الله
واسمحيلي دحلت بيديا فارغين ..خلل في الجهاز
واللي راهم معانا هنا مواحاتي ليكم توحشتكم بزااااااااف
بغيت نوجه تحية خاصة وعطرة لحبيباتي اللي ما فاتونيش ووراولي لي مودال تع القفاطن وهوما ام كامليا و زينب 83
وش نقولكم فرحتوووووووووووووني ربي يفرحكم وراني شفت القفاطن عجبوني يهبلوا وقتبست واحد من لي حطتهم لي اختي ام كاميليا ودفعته عند الخياطة ..انشاء الله يخرج شباب

يا درا ام تاجوا زيدت ولا مازال لانني ماراجعتش كنت غايبة
سلامي وقبولاتي

[ام سراج وملاك]

نور ايناس يعطيك الصحة ليفولوفن خرجولك هايلين بصحتكم والوصفة اكيد حطيها بلاما تشاوري تفكرت حبيبتانا ام ايناس المقرية من اسمك والله توحشتها وعندها مدة مدخلتش كنت نراسلها بالرسائل الخاصة وتراسلني عندها مدة مدخلتش للمنتدى يارب تكون بالف خير وتدخل وطمنا عليها
ام و ابنة بصحتك لعدس سخفتني فيه عندي مدة مدرتوش
ام فاطيمة اهلا ياغالية نوحشناك
ام ياسيين بصحتك التحويسة اختي
ام ساجد مشاء الله اطباقك رائعة بصحتكم
ام افنان حياة سوسو المغتلربة طالبة جامعية ساجدة 2 منورين حبيباتي
ام هديل اهلا بيك اختي عندك مدة مطليتيش
رفيف منورة اختي ان شاء الله تكون رفيف بخير
لبنات بزاف لي غايبين ان شاء الله يكونو بخير ام رشدي شاوية حرة ليزابيل رانيا ارزاق بشرى 2008 ام هيثم ولجين ام يسرا صيرينة وام يسرى المقرية جيادا بيبا04 اولادي ريهام اليسون زينب 83 وردة الشرق قمورة ريتاج تيارتية ليليوشاف هاذم لي تفكرتهم والقائمة طويلة يارب يرجعولنا بالف خير

[ام افنان48]

شكرًا لكم ياخوتي ام ساجد وأم نور الهدى ام سراج وملاك وكل. الأخوات كلامكم عسل وسكر ودواء على قلبي يا أحبتي في الله

[omhadil]

ام ساجد بصحتك الكسكس والله عندى مدة ماكليتوش رانى سخفانة عليه امممممم
افنان ربى يفرج عليك اختى ويلاقيك مع لميمة فى اقرب وقت والله رانى حاسة بيك الغربة صعيبة ربى يكون معاك
اختى ام سراج مرحبا واش راكى توحشتك صح عنى مدة ماطليتش بسب النت وبعض الاشغال بصح كنتو فى بالى وابدا ماننساكم
ميليسا مساءك سعيد منورة اختى
البقية تحياتى ليكم واحدة واحدة

[omhadil]

روضة مرحبا وا احوالك ان شاء الله بخير
رانى حابة ندير موسكوتشو للقهوة وحكمنى تفنيين واااع راهى سخانة عندنا

[fatima zahra tah]

الله ابارك كل شي هايل

[ساجده 82]

صحه غداكم جميعا راني مع مهرجان الفلفل نخدم حميس ونكونجلي قبل لايلحق موسم الدراسه والاولاد ووو اختي افنان صبرا جميلا اكثري من الاستغفار وربك يفرجها رانا كلنا في الهوى سوى الغربه مانرضاهاش لعدويا..ولكن الرضى شئ جميل ونعمه

[ام افنان48]

ماعندي ما ندير سوى الاستغفار يا أختي ساجدة انتي تاني في الغربة

[ام محمدْ ومريمْ]

سلام لبنات واش احوالكم
ام ساجد يعطيك الصحة على ذيك البربوشة تشهي

[ساجده 82]

اهلا بالملتحقات اختي ام افنان انا في الغربه وهده عامين ماهودتش للبلاد راكي تعرفي الغربه والوحش ولكن الحمد لله خاصه في المناسبات