وصفات ام محمد تاج - الصفحة 3 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات

قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات ام محمد تاج

إضافة رد
 
أدوات الموضوع انواع عرض الموضوع
قديم 2014-04-20, 22:51   رقم المشاركة : 31
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي القلاسااااااااااااااااااااااااااااج

[SIZE="6"]أم محمد تاج

الطلية ببواطة عجينة التزيين
حبيبتي حياتي هيه كيما قلتي نذوبوها على حمام مائي ونضيفلها زوج مغارف ماء الزهر وزوج مغارف زبدة ذايبة والملون ونحيها من على النار ونضيفلها السكر قلاصي حتان تخثار
حبيبتي ولباطة ديرلك تقريبا أربعين حبة
وراهي تنشف في يوم كامل
والفراشات خدمتهم بنفس العجينة بصح قبل مانذوبها وضفتلها النشا وخدمت بالنشا على خاطر تلصق مصيبة بصح كي تكملي أنفضي من عليها النشا بالفرشاة تاع الماكياج حبيبتي كاشمة خصك راني هنا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

حبيبتي لايدي شكرا لك حنونة
وراهي بات داموند اصطناعية هك مكتوبة على لباطة لي نخدمو بيها الوردات تاع التزيين ذوبتها على حمام مائي كي ذابت خلاص ضفتلها زوج مغارف ماء الزهر وزوج مغارف زبدة ذايبة وشوي سكر قلاصي وملون سائل وخلطت وخليتها بردت غير شوي وقلاصيت بيه قالولي تجي تذوب في الفم وماتيبسش خلاص خبي وماتخافيش


]أم محمد تاج

لابات أقلاصي ذايبة وضيفيلها زوج مغارف ماء الزهر وزوج مغارف زبدة ذايبة والسكر قلاصي بالشوي حتان توصلي القوام المطلوب




القلاصاج فيه: بياض بيضة فنجال زيت نصو زيت ونصو زبدة ذايبة وفنجال حليب واكستخي تاع اللوز مغرف كبيرة ومغرف صغيرة فاني وملون أبيض لازم باه كي تضيفي الملون لي حابتيه يخرج هو بعد ما يخرجش باهت وتضيفي السكر قلاصي مغربل والله تحفة وماييبسش خلالالالالاص درناه في عرس سلفتي وخبينا سهمة سلفتي وحدة كانت في الطاليان والله فات الشهر وماراح ماجا هو هو على ضمانتي حنونة

لقلاصاج لي يجي فيه ليدام زيت أوزبدة ماتخافيش منووووو خافي تاع ماء الزهر والسكر ولا السكر مع عصير القارص











 


رد مع اقتباس
قديم 2014-04-20, 22:52   رقم المشاركة : 32
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

أم محمد تاج

وصفة المخبز


أربع كيلات أي نوع من المكسرات وكيلة سكر عادي واكستري تاع اللوز وزاست تاع القارص لازم يكون بزاف والزبدة إذا الكيلة تاعك صغيرة ديري زوج مغارف زبدة طرية وانت المقدار تاعك وهنا السر وهو البيض ابداي ببيضة لمي ومبعد بصفار ومبعد ببيضة وهكذا حتان تتلم وما تجيش جارية لازم تجي طرية وكاكمة روحها مليح والسر الثاني لازم تبات في الثلاجة يوم كامل وفي الغدوة شكليها وحطيها على نار أقوى شوي من تاع المسكوتة تحمار فقط من تحت وكي تخرجيها عسليها وهي سخونة بعسل وحدو بدون إظافات وقلاصيه حنونة










رد مع اقتباس
قديم 2014-04-20, 22:52   رقم المشاركة : 33
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج

طمينة اللوز



شوفي أربع كيلات لوز بكيلة سكر عادي فاني وكيلة ماء وردوزاست القارص والزبدة حسب كمية اللوز لي عندك قادرة تجيك مغرف كبيرة ولا زوج إذا عاملة كمية كبيرة حطيهم في الكوكوط وابقاي حركي مليح حتان تتلم وتولي عجينة ضيفيلها ملون مثلا وردي ولا أخضر ثم فرشي البلاطو تاعك بالسكر قلاصي وابسطيها لازم تجي خشينة الرقيقة ماعندها حتى معنى وخليها تبرد مليح وزيدي رشي عليها السكر قلاصي بالصفاية كوشة مليحة وخليها تبات على الأقل يومين باه تشرب مليح وتتماسك ومبعد قصيها مربعات وحطيها في لي كيسات
ملاحظة: ماء الورد ضيفي بالشوي أنت وكمية اللوز لي عندك كي تتلم ودير عجينة حبسي ماء الورد




ام محمد تاج
انواع الغريبية
غريبية عادي لي دايما نعتمدها: كيلة سمن قوراية ذايبة وباردة على الأقل أربع ساعات في الثلاجة + كيلة غير زوج صباع سكر قلاصي المرجان أو مولان غوج خبطيهم مليح وضيفي الفرينة حتان تتلم وأطبعي وطيبي وباه تعرفيها خلاص الفرينة جربي وحدة إذا ماتفشتش وساحت يعني خلاص الفرينة
* غريبية روايال هاذي لغريبية لعزيزة:
كيلة زبدة ستار ذايبة وباردة ومصفية من الحليب لي يبقى تحت+كيلة سكر قلاصي غير صبع+ ونص كيلة سكر عادي +كيلة جوز مرحي رقيق ثم شيحيها بالفرينة وأطبعيها ولا شكليها باه تحبي وطيبيها
* غريبية بالبيض روعة وصفة أمي ربي يرحمها:
رطل زبدة+ كأس سكر قلاصي+ كاس كاوكاو مرحي رقيق+ كاس ماء الزهر+ زوج بيضات والفرينة لمي بيها شكليها وطيبيها كي طيب ذرذري عليها السكر قلاصي
* غريبة الخايبات: كيلو سمن المدينة طري وبارد+ 900 غ سكر قلاصي+ كيلو كاوكاو مرحي رقيق وكيلو ونص فرينة تلمي بيها أطبعيها ولا شكليها واش تحبي وطيبيها هاذي تقطع بزاف واقتصادية وبنينة تهبل تهبل
ونديرو غريبية اللبلابي راهي غريبية عادي ضيفيلها زوج كيسان لبلابي مرحي ومغربل وكملي شيحيها بالفرينة تجي تهبل ثاني
وإذا حابة ديريها بالجلجلاني الحق ماتعجبنيش بزاف تجي مرة من الجلجلانية




للغالية ام محمد تاج

لي روس على طريقة أم محمد تاج لعيووون نهال الحبوبة
العجينة: 100 غ زبدة وثلاث ملاعق أكل عسل وبيضة وكاس سكر ناعم و زوج مغارف صغار بيكاربونات وأربيع مغارف كبار معجون مشماش ومغرف صغيرة فاني
الكريمة: كأس ماء وكاس سكر قلاصي و12 مغرف حليب غبرة و 100 غ زبدة طرية
تحضير العجينة: ذوبي الزبدة والعسل والمعجون على نار هادئة وغليها ثم خليها تبرد كي تبرد ضيفيلها البيضة والسكر والبيكاربونات والفاني والفرينة بالتدريج حتى تتحصلي على عجينة طرية وخفيفة
أقسميها ال أربع أقسام وأبداي حلي كل قسم وأثقبيه بالفرشيطة وطيبيه كي يحمار نحيه وأطلي كل طبقة بالكريمة التالية: خلطي الماء والحليب الغبرة والسكر والفاني وحطيهم على النار حتى يخثار الخليط ويثقال مليح خليها تبرد تماما وحطيها في الثلاجة تكمل تبرد مليح
ومن جهة أخرى خبطي ال100 غ زبدة مع مغرف سكر قلاصي حتان يبياض الخليط نحي الخليط من الثلاجة وبواسطة الباتور خلطي معاه الزبدة وضرك تتحصلي على كريمة ناعمة وتهبل أدهني بين الطبقات وزينيه من الفوق بالشيكولا وفتات الحواشي مرحي وفي الأخير رشة سكر قلاصي بالصفاية










رد مع اقتباس
قديم 2014-04-20, 22:54   رقم المشاركة : 34
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

سهى حبيبتي جيتي هاهي وصفة الرشتة وطريقة عملها

- كيلو سميد رقيق
- ملح حسب الحاجة
- بيضة واحدة مخفوقة بالشوكة مع شويييي ماء باش ما تتكعبرش كي تخلطيها مع السميد
- ولمي بالماء حتان تكون عجينة طرية وكوريها كويرات وخليها ترتاح ساعة

- الان حضري النشا حلي بالماشيتة نتاع الرشتة اول خطوة حليها في 1 لثلاث مرات وحطي عليها النشا شوي ماشي بزاف
- ثم في 3 وراح توكن عندك شرائط طويلةاذا جاتك طويلة بزاف قطعيها بالسكين على اثنين
- ثم في 6 المكينة لي عندنا أخر رقم فيها 6 وحطيها فوق منشفة نطيفة وتكون كبيرة ومرشوش عليها شوي نشا وخليها تشيح شوي متخليهاش تشيييح بزاف
دوركا كي تشيح غير شوي فوتيها في الماشينة في الجهة لي تقطعلك رقيق فهمتيني واش نقصد سهى ؟؟ راح تجيك عبارك عن خيوط خشنة اذا حبيتي نصورلك ونمثلك بالاوراق باش تزيدي تفهميني مليح
كل ما تفوتي شريط وتقطعيه بالماشينة روليه على يدك بالشوي عليه وخليه بجهة يشيح العجين
اذا حابة تخبيها خليها حتى تنشف خلاص باش كي تخبيها ماتفسدش
اما اذا حابة ديريها في هذاك اليوم مكانش مشكل ملازمش تنشف خلاص فوريها هادي بشوي زين غييييييير شوي زيت
كي تفور حليها بيديك بالاصابع برك وبخيها بالماء وخليها تتشربوا شوي وزيدي فوريها للمرة الثانية فقط لا اكثر

نتمنى نكون أفدتك وفهمتي علياواي استفسار راني هنا










رد مع اقتباس
قديم 2014-04-20, 22:55   رقم المشاركة : 35
معلومات العضو
لميس اميرة
عضو مميّز
 
الصورة الرمزية لميس اميرة
 

 

 
إحصائية العضو










افتراضي

ام محمد تاج

حبيبتي لي طلبت وصفة التشاراك واقيلا أم التوأم هاو ليك الكاس تاع التاي لي كيلت بيه وجاتني خمسين حبة بالتمام والكمال ويهز تقريبا ثمانية مغارف فرينة كيلي واتبعي وصفة أم أماني راهي روووووووعة ولا يعلى عليها
والحشوة: 300 غرام لوز وتقدري تعوضي بالكاوكاو أربعة مغارف كبار سكر عادي زاست تاع القارص ليكستري تاع اللوز وزوج مغارف كبار زبدة وتلمي البيض حتان تولي عندك عجينة تخليها ترتاح مليح
القلاصاج: فنجال صغير تاع القهوة حليب وفنجال ماء الزهر وفنجال زيت نصو زبدة ونصو زيت لافاني ليكستري تاع اللوز وملون أبيض لازم باه كي تضيفي اللون لي حبيتيه يخرج هو وناصع وضيفي الملون الأزرق ومبعد ضيفي السكر قلاصي تاعك حتان تخثار مليح مليح وجربي بالوحدة لازم ماتبانش العجينة نشالله نكون وفيت واسمحيلي على التأخير ماكنتش في المنزل

ام محمد تاح المادلان
لهوووومة تكرم ياخويا المغبون خخخخخخخخخخخخخ
شوفي في الميكسور حطي زوج بيضات ومغرف كبيرة سكر وفاني واكستخي تاع اللوز ونص كاس لوز مطحون مليح وكمشة بيستاش ونص مغرف صغيرة خميرةو الفرينة زوج مغارف خبطي وحطيهم في لي مول تاع السيليكون وحمريهم في الفرن ونحيهم أنا هاذ الكمية قطعتلي 15 نحبة وكونجليت منها ممممممممممم










رد مع اقتباس
قديم 2014-04-21, 07:34   رقم المشاركة : 36
معلومات العضو
rosemarry
عضو جديد
 
الصورة الرمزية rosemarry
 

 

 
إحصائية العضو










افتراضي

جزاكِ الله خير










رد مع اقتباس
قديم 2014-04-21, 09:11   رقم المشاركة : 37
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

الله يعطيك الصحة حبيبتي زوالي ويجعلها في ميزان حسناتك كفيتي ووفيتي مع الاخت اماني السلالالالام والله معروفكم وجميلكم ماعاتش ننساه الف الف شكر










رد مع اقتباس
قديم 2014-04-21, 09:24   رقم المشاركة : 38
معلومات العضو
oum ibrahim
عضو محترف
 
إحصائية العضو










افتراضي

روعة روعة يا اماني يعطيك الصحة و ربي يخليلنا حلوتنا ام محمد و يجعلها في ميزان حسناتها










رد مع اقتباس
قديم 2014-04-21, 10:03   رقم المشاركة : 39
معلومات العضو
توبة89
عضو مجتهـد
 
إحصائية العضو










افتراضي

الله يبارك يعطيكم الصجة










رد مع اقتباس
قديم 2014-04-21, 10:08   رقم المشاركة : 40
معلومات العضو
رياحين الجزائر
عضو مميّز
 
الصورة الرمزية رياحين الجزائر
 

 

 
إحصائية العضو










افتراضي

جوزيتي الجنة حجبيبتي هكا نتهناو من البحث شكرا مرة اخرى










رد مع اقتباس
قديم 2014-04-21, 10:10   رقم المشاركة : 41
معلومات العضو
ام احمد وصال
عضو مميّز
 
إحصائية العضو










افتراضي

الله يسلمكم كامل والله ام تاجو تستاهل كل حير وماشي غير موضوع تستاهل كتاب
كنت رايحة نكمل بصح راني مع الميناج والله ماحب يخلاص عيييييييييييييت يعطيك الصحة الاخت زوالي










رد مع اقتباس
قديم 2014-04-21, 10:15   رقم المشاركة : 42
معلومات العضو
أم التوأم
عضو فعّال
 
إحصائية العضو










افتراضي

ربي يبلركلك أختي أماني السلام سهلتيها علينا ربي يسهلك كل عسير يارب وربي يجازيك الشاف تاعنا أم محمد صحيح وصفاتها في القمة










رد مع اقتباس
قديم 2014-04-21, 13:38   رقم المشاركة : 43
معلومات العضو
raouane19
عضو جديد
 
إحصائية العضو










افتراضي

Macha allah rabi ywafkek










رد مع اقتباس
قديم 2014-04-23, 15:37   رقم المشاركة : 44
معلومات العضو
بريق الامل&
عضو متألق
 
الصورة الرمزية بريق الامل&
 

 

 
الأوسمة
وسام سفيرة العزومات وسام سفيرة العزومات المرتبة الرابعة 
إحصائية العضو










افتراضي

بارك الله فيك










رد مع اقتباس
قديم 2014-04-23, 18:18   رقم المشاركة : 45
معلومات العضو
khadidjahouria
عضو فعّال
 
الصورة الرمزية khadidjahouria
 

 

 
إحصائية العضو










افتراضي

بارك الله فيك سهلتينا ربي يسهلك










رد مع اقتباس
إضافة رد

الكلمات الدلالية (Tags)
أحمد, وصفات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:24

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc