منحة التكوين المهني - الصفحة 2

loulou02 · 2013-07-19, 19:52

اقتباس:

المشاركة الأصلية كتبت بواسطة mimo04

و فيكي بركة اختي لولو انشاء الله يا ربي منصب عمل يرضاه المولى عز وجل و انت كذلك لك بالمثل و ان كنتي عاملة ربي يوفقك في عملك و في حياتك الشخصية
و قاعدة هي يجب تقبل النصيحة من اي شخص نحن هنا نعطي افكار و ناخذ اخرى
لا خير في امة لا تتناصح

لا أخي ميمو أنا منيش نخدم ، قريت لغة إنجليزية و فوت عدة مسابقات ومنجحتش للأسف ، لذلك قررت ندير تخصص إعلام آلي في معهد التكوين المهني في سبتمبر إن شاء الله ، قالولي لازم تفوتو إمتحان في الرياضيات و الثقافة العامة ، ولي ينجح يدخل يقرى .
بصح أنا راني نسيت كامل الرياضيات ! كيفاش ندير ؟

mimo04 · 2013-07-20, 02:56

اقتباس:

المشاركة الأصلية كتبت بواسطة loulou02

لا أخي ميمو أنا منيش نخدم ، قريت لغة إنجليزية و فوت عدة مسابقات ومنجحتش للأسف ، لذلك قررت ندير تخصص إعلام آلي في معهد التكوين المهني في سبتمبر إن شاء الله ، قالولي لازم تفوتو إمتحان في الرياضيات و الثقافة العامة ، ولي ينجح يدخل يقرى .
بصح أنا راني نسيت كامل الرياضيات ! كيفاش ندير ؟

الله يبارك ننصحك و خوذي براي اعلام الي اما انجليزية اما فرنسية و خاصة انجليزية هي مصدر يكفي انك تقراي من الكتب و يشرحولك و نتي طبقي على الكمبيوتر راح تجيك ساهلة بالتاكيد لان التلاميذ يعانو من اللغات هي المشكل امدلك شيخ بوليكوب انجليزي او فرنسي تحصل و انشاء الله لا قريتي و تخرجتي cv نتاعك راح اكون ماشاءالله عندك حظ اوفر في المناصب
و من جانب مسابقة دخول ليديروها مههش مقياس يمدولك تمرين بسيط و تافه لان شعبة ادبيين يدخلو اللمسابقة و اديرو السوجي ساهل بالاضافة الى ثقافة عامة و اشوفو المستوى برك و اذا كتببب ربي و قريتي مكاش رياضيات انا مقريناش رياضيات و بالتوفيق كاش استفسار انا موجود

loulou02 · 2013-07-20, 18:14

شكرا ميمو ، راك طلعتلي شوية المورال

، بصح مزالني في حيرة

، أنت تاني قريت إعلام آلي ؟ إذا تقدر تساعدني و تعطيني الدروس لي يقروهم ، مننساش خيرك يا خويا ميمو .
صح فطورك .

mimo04 · 2013-07-20, 18:17

اقتباس:

المشاركة الأصلية كتبت بواسطة loulou02

شكرا ميمو ، راك طلعتلي شوية المورال

، بصح مزالني في حيرة

، أنت تاني قريت إعلام آلي ؟ إذا تقدر تساعدني و تعطيني الدروس لي يقروهم ، مننساش خيرك يا خويا ميمو .
صح فطورك .

ايه اختي قريت اعلام الي و هاني كملت قصدي مزالت ميموار برك اوكي هاني هنا وش تحبي نساعدك

loulou02 · 2013-07-20, 18:45

خاصني نمودج عن الإمتحان تاع الرياضيات ، باه ندي فكرة على الموضوع .
أنا غادي ندير تخصص base de donnes

mimo04 · 2013-07-21, 02:30

انا كذلك قريت base de donnée انشاء الله كي تبداي الدراسة نمدلك دروس خوارزميات و باسكال و دلفي انشاء الله اغلب المواد
اما بخصوص امتحان الدخول في الرياضيات دارونا دراسة دالة عددية و تقدر دالة ناطقة كسرية يعني x²+2x/x او مثل هذا القبيل تدريس النهايات و مشتق سهلة و مسابقة دخول مش مقياس و نقدر نعرف المعهد لي راكي باغية ليه؟

loulou02 · 2013-07-21, 16:48

اقتباس:

المشاركة الأصلية كتبت بواسطة mimo04

انا كذلك قريت base de donnée انشاء الله كي تبداي الدراسة نمدلك دروس خوارزميات و باسكال و دلفي انشاء الله اغلب المواد
اما بخصوص امتحان الدخول في الرياضيات دارونا دراسة دالة عددية و تقدر دالة ناطقة كسرية يعني x²+2x/x او مثل هذا القبيل تدريس النهايات و مشتق سهلة و مسابقة دخول مش مقياس و نقدر نعرف المعهد لي راكي باغية ليه؟

ميمو راك خوفتني

، فيبالي غادي نبطل منقراش ، أنا نسيت الرياضيات كامل ، عندي 10 سنوات من لي ديت الباك ، كيفاش ندير

؟
المعهد لي غادي ندخل ليه هو المعهد الوطني المتخصص في التكوين المهني مرفال ـ وهران .

mimo04 · 2013-07-21, 17:26

اقتباس:

المشاركة الأصلية كتبت بواسطة loulou02

ميمو راك خوفتني

، فيبالي غادي نبطل منقراش ، أنا نسيت الرياضيات كامل ، عندي 10 سنوات من لي ديت الباك ، كيفاش ندير

؟
المعهد لي غادي ندخل ليه هو المعهد الوطني المتخصص في التكوين المهني مرفال ـ وهران .

ههههه متخافيش ختي ديري ربي في بالك و لي مكتبها مرحبا بيها
الامتحان في الرياضيات و ثقافة عامة و ممكن فرنسية ك=لك باه اشوفو المستوى و دخول مضمون باذن الله عادي متخافيش هوما قانونيا اديرو امتحان زعما مسابقة و..و.. وهو ماكاين والو

loulou02 · 2013-07-21, 17:56

اقتباس:

المشاركة الأصلية كتبت بواسطة mimo04

ههههه متخافيش ختي ديري ربي في بالك و لي مكتبها مرحبا بيها
الامتحان في الرياضيات و ثقافة عامة و ممكن فرنسية ك=لك باه اشوفو المستوى و دخول مضمون باذن الله عادي متخافيش هوما قانونيا اديرو امتحان زعما مسابقة و..و.. وهو ماكاين والو

ميمو كيفاش نريفيزي الرياضيات ؟

mimo04 · 2013-07-21, 18:05

call me in private msg or send me ur fcb or SKPi think is better

mimo04 · 2013-07-21, 18:10

من الافضل شوفي مبادىئ في الدوال دراسة نهايات و دراسة اشتقاق تكفي اديرو حاجة سامبل عادي

loulou02 · 2013-07-21, 18:20

ميمو منجمش نراسلك على الخاص ، لأن عدد مشاركاتي لم يصل ل 1000 مشاركة .
و معنديش ******** ، بصح دوك نسجل فيه .

mimo04 · 2013-07-22, 03:10

maalich pas grav ghir b3aklk

loulou02 · 2013-07-22, 14:58

ميمو لي يقرو دروس مسائية تاني يفوتو إمتحان قبل ما يبدو يقرو ؟

mimo04 · 2013-07-22, 15:50

لا منظنش افوتو لكن دروس مسائية حقيقة تاع واحد خدام لان كل شهر تخلصيهم وحد 2500 دج و اكثر لحساب التخصص و زيدي متقرايش مليح 2 سوايع مكان والو نشوف فيها مش مليحة
اتصلي بيا هنا فيسبوك Maravilla Halim