افعل مثلي و ستنجح في البكالوريا

[B.Badis]

شكرا ....و يعني فعلا فعلا فعلا يعطيك الصحة ....هذا الموضوع مليح ....وذكرني في الباك تاعي الأول 2006 اللي ديتو في عامو

[B.Badis]

حبيت نزيد على أختي و نحكي على قصتي في باك 2006
بسم الله الرحمن الرحيم
أنا شاب كنت في مرحلتي الإبتدائية و الإكمالية من المتفوقين و الحمد لله كانت عائلتي تفتخر بي و أيضا كي وصلت السنة الأولى ثانوي و السنة الثانية ....بصح كي وصلت للباك عائلتي كرهتني و فقدت الأمل مني أني ندي الباك .... حتى أساتذتي في الثانوية حيث أني ما كنتش مقلق روحي بيه و ما كنتش خايف بصح كنت نقرالو بأعصاب باردة ....سجلت لدروس الدعم في الرياضيات و الفزياء و العلوم........بصح صدقوني حضرت تقريبا 20% من إجمالي الحصص و الفزياء كنت نحضر بمعدل مرة في الشهر......و بالنسبة للثانوية وقفت الدراسة في فيفري....... حذاري التقليد غير للي يقدر.......بصح أنا كنت على بالي واش قاعد ندير ....درت برنامج أني نخير مادة أساسية و نقراها مليح بصح لازم نضمن فيها فوق 15 باش هي اللي تنجحني في الباك .....و نعاود حذاري التقليد.......خيرت المادة اللي نقوي فيها هي الرياضيات بالدرجة الأولى....العلوم في الدرجة الثانية ثم الفزياء في الدرجة الثالثة......و وراهم المواد الأدبية ........المهم جبتها وقت ننهض على العشرة تاع الصباح و صحابي يقراو في الليسي ...نبدا نقرى في الرياضيات حتى الظهر .....و نروح نصليه في المسجد باش نديفولي...و نرجع نقرى العلوم ..و بالمناسبة خيرت محور في العلوم عاودتو في العام 3 مرات هو الخلية و الطاقة و ركزت عليه بزاف......المهم نكمل العلوم حتى العصر و نروح نصلى في المسجد....و نرجع للدار نقرى رياضيات حتى المغرب نروح للمسجد نحفظ القرآن حتى ورى العشاء ......و من بعد نتفرج في التلفاز حتى 00:00 تاع الليل....حذاري التقليد غير للي شايف روحو قادر.....و كي تعود ال 00:00 نبدا الرياضيات حتى 02:00 تاع الليل......و هكذا كل يوم بصح الفزياء ماركزتش عليها غير الديناميك حكملي و الإهتزازات و الكحولات و الأسترة في الكيمياء وقت و حطيتها ساهلة على حساب مواضيع الباكالوريا اللي شفت.....المهم بقيت هكا حتى نهاية السنة.....أسخايلو العربية قستها ليلة الباك تاعها و الفلسفة و الإجتماعيات قبل الباك بأسبوع و الفرونسي و الإنجليزية قبل الباك تاعهم بساعة!!!!!! حذاري التقليد......المهم عقبت الباك و ديت في
الفزياء 5.5
الفلسفة 7.5
الفرنسية 8.5
العربية 8.5
الإنجليزية 11.5
الإجتماعيات 10
نقاط متدنية .......على خاطر ماقريتهمش مليح
بصح في العلوم جبت 12
و الرياضيات 16.....و نجحت في جالت هاتين المادتين بمعدل 10.59 و فرحت والدي و أبهرت أساتذي حيث كنت من الأقلية اللي نجحو في قسمي
و الله في حصص الدعم نجحو تقريبا من الذكور أنا و زوج ولاد في العام اللي نسبة نجاح العلميين فيه لا تتعدى 26%
و زدت عاودو حر في باك 2007 مع قرايتي الجامعية بيولوجيا ..و ماقريتلوش بزاف

و جبت معدلي 12.92 درت بيه هندسة معمارية حيث كانت الطب بمعدل 12.99
و الحمد لله....بصح من قصتي تشوفو وجهين :
وجه العبد المثابر الي درس مواد و تعب فيهم تحصل بيهم على الباك
وجه العبد الكسول اللي مايروحش يقرى و يفرج التلفاز ....و أهمل معضم المواد اللي في جالتهم ما تحصلش على معدل مليح.......و إن شاء الله تاخذو إيجابياتي و تعملوش بسلبياتي
المهم ...أقراو كل مادة على حساب معاملها .....بصح أقراو كلش
ما تضيعوش وقتكم في الخروج لدروس الدعم بزاف و عولو على أنفسكم ...و توكلو على ربي
صليو كل صلاة في وقتها باش تستريحو و تعاودو تشحنو أنفسكم.......و ربي ينجح الجميع

[ام محمد.88]

حبيت نسال الاخت كم اخذت في مادة الفلسفة وجميع المواد اعلم انه محرج وفي اي شعبة كنت تدرسين

[faoaz11]

شكرا على الموضوع ..روعة والله

[هبة الله اريج]

السلام عليكم
شكرا على موضوعك بصح لحد الان راني خايفة من الباك
راه كابوس
تحيتي لك.

[bouhafer]

طلعتولي المورال

[lama20]

الطالبة خالدي من ثانوية الشيخ بوعمامة اتمنى النجاح للجميع وخاصتا المعيدين

[الارض]

شكرا جزيلا وبارك الله فيك

[omar kaddouri]

السلام عليكم أشكر الأخ على هذه النصائح وأتمنى النجاح لي ولكم

[RIBA-18]

السلام عليكم

أشكركم على مروركم الكريم على موضوعي و أتمنى حقا أن تكونو قد استفدتم منه يا طلاب الباكالوريا
كما أشكر الأخ باديس و أتمنى أن تكونو قد استفدتم من قصته
كما أجاوب الأخت أم محمد على سؤالها أخدت في مادة الفلسفة علامة 13 مع العلم أن هاذي المادة من الصعب اعطاء نقطة كيفها فالباك وكيما قلت والله الكراس ماعندي وفي الامتحانات تاعها كنت جد جد ضعيفة, المهم أنا درست شعبة تسيير و اقتصاد و علاماتي فالباك والله ماندكرها مليح ولكن في بعض المواد
العربية 8.5 /معامل3
الانجليزية 12.5
الفرنسية 10
الرياضيات (نحشم نقولها لأنها أقل من معاملها) 4 /معامل5
الجتماعيات 9.5 /معامل 4
المحاسبة 16 /معامل 6
ت.اسلامية 17
القانون16 /معامل 2

المهم كان معدلي 11.84

أطلب من الممتحنين السابقين أن يتفضلوا بذكر قصصهم أثناء اجتيازهم لهذه الشهادة حتى تكون عبرة أو قدوة لطلابنا المقبلين الأعزاء حتى نتمكن من محو مخاوفهم

أطلب من الله أن يوفقكم في نيل الشهادة

[بنت الجنوب]

اختي ribaاطلب منك ان تقولي لي كيف تغلبتي على المخاوف و عززتي الثقة بنفسك الرجاء منك ان تساعديني ايضا وشكرامسبقا
بنت الجنوب

[منهادي]

شكرا لكي على هذه النصائح القيمة لاني هذي السنة مقبلة عى شهادة البكالوريا وكنت خايفة منها ياسر بصح كي ادرك انها وشنهي البكالوريا عرفت انها اختبار عادي يعني كيما الاختبارات الي فاتو انشاءالله انجيب الباك وكملين الي ايعقبوه هذي السنة وما بروك عليك الباك يا حنان

[بنت الجنوب]

اختي ribaاين انت طال غيابك ارجوك ردي على سؤالي و طمنيني ارجوك (بنت الجنوب ) ارجو ان تكوني بخير و شكرا

[عاشق السنتيا]

مشكوووووووووووورة على النصائح

[نهر الكوثر]

مشكوووووووووووووووووووورة أختي على هذه النصائح ربي يفتح في وجوهنا باب النجاح ويسهل علينا اميييييييييييين