الروبو للإفادة

[crono]

·
سلام فراشات حبيت نطرح موضوع هاذ الروبو للإفادة اذا كاين اللي مايعرفوهش يستفيدو .بغيت نشري ������
بالنسبة ليا حبيت نسقسيكم لي خدمت بيه قتلي عليه وحدة تقدري ديري بيه بزاف حوايج و يدير ب150 الف و كاين بزاف ماركات:
يرحي البصل رقيق و خشين ����
يطحن الكوكاو و المكسرات ������
يرحي ثوم ��
يرحي طاطم ����
يرحي جميع انواع الخضر ( جزر .بيطراف احمر .فلفل للسلطات) ������
يرحي البطاطا باش ديري بيري ��
يرحي خظرة باش ديري سوب او حريرة��
يرحي لحم و دجاج طايب او نيء������
يرحي فواكه او خظر للبيبي
يرحي فواكه باش ديري عصير ���� ������������
يخدم مايوناز
قتلي يوميا نرحي بيه بصل و ثوم و������ اذا تعرفو استعمال وحد اخر شاركونا��âک•�� افكاركم خلينا نستفادو و���� شكرا������
نصيحة للاستحفاظ كي تكملي بيه اغسيليه و خبيه وحدو مش مع الماعن ����

[أنا ستازيا]

السلام عليكم و رحمة الله تعالى وبركاته

شكرا لك أختي على الموضوع

هو فعلا متعدد الاستعمالات كيما ذكرتي

حبيت نزيد اضافة برك على كلامك

هو صح مليح بصح فيه حاجة وحدة برك انو ميايطوّلش و يتخسّر

خاطر لي راه يتباع ماشي الاصلي عليها يتخسر على الاكثر في عام

مليح كي تشريه تشري الاصلي و ماركة مليحة من عند واحد ثقة باه يبقالك لمدة طويلة

هاذوك لي راهم يتباعو ب 100 الف و 150 الف راهم اكل مقلدين

الاصلي يدير على الأقل 350 الف

[crono]

المشاركة الأصلية كتبت بواسطة أنا ستازيا

السلام عليكم و رحمة الله تعالى وبركاته

شكرا لك أختي على الموضوع

هو فعلا متعدد الاستعمالات كيما ذكرتي

حبيت نزيد اضافة برك على كلامك

هو صح مليح بصح فيه حاجة وحدة برك انو ميايطوّلش و يتخسّر

خاطر لي راه يتباع ماشي الاصلي عليها يتخسر على الاكثر في عام

مليح كي تشريه تشري الاصلي و ماركة مليحة من عند واحد ثقة باه يبقالك لمدة طويلة

هاذوك لي راهم يتباعو ب 100 الف و 150 الف راهم اكل مقلدين

الاصلي يدير على الأقل 350 الف

بارك الله فيك أختي على الرد الطيب

[بسمة ღ]

بارك الله فيكِ أختي الغالية على الموضوع
بالفعل كما قالت الاخت
لكن الشيء الجميل أنه يساعدنا كثيرا
ولا يأخذ الكثير من الوقت بعض الدقائق
جزاكِ الله خيرا غاليتي
حفظكِ الرحمان 😊

[ام هزار]

كيما قاتلك الاخت هدا تقليد و ما يرحيش المكسرات ابدا نعرف وحدة بمجرد ما ارحات فيه الكاوكاو تكسر و فسد
كان عندي واحد كيفو نرحي بيه الخضرة برك و البطاطا المفورة ما طولش و فسد
ضرك شريت واحد ماركة ساب ب 500 الف ما شاء الله عليه بصح كاتبين انو ما يرحيش المكسرات لانو يجي معاه الدليل تاعو للاستخدام

[crono]

المشاركة الأصلية كتبت بواسطة نسمةُ الصَفاء

بارك الله فيكِ أختي الغالية على الموضوع
بالفعل كما قالت الاخت
لكن الشيء الجميل أنه يساعدنا كثيرا
ولا يأخذ الكثير من الوقت بعض الدقائق
جزاكِ الله خيرا غاليتي
حفظكِ الرحمان 😊

يبارك فيك اختي نورتني صح هو يساعد كي نكونو مقلقين :D

[crono]

المشاركة الأصلية كتبت بواسطة ام هزار

كيما قاتلك الاخت هدا تقليد و ما يرحيش المكسرات ابدا نعرف وحدة بمجرد ما ارحات فيه الكاوكاو تكسر و فسد
كان عندي واحد كيفو نرحي بيه الخضرة برك و البطاطا المفورة ما طولش و فسد
ضرك شريت واحد ماركة ساب ب 500 الف ما شاء الله عليه بصح كاتبين انو ما يرحيش المكسرات لانو يجي معاه الدليل تاعو للاستخدام

انا تان كان عندي واحد موش كيفو كي حطيت فيه البطاطا وهي سخونة باش نعمل لبوري تشققلي
:ماركة ساب مليحة بصح راني حبة نشري ليخدملي كولش هههه حتى ليرحي المكسرات شكرا على المرور

[ninaricci]

انا هذه النوعية شريت منها 3 كل مرة يفسدلي كي خميت مع روحي عرفت واش اللي يفسدهم هي هدرت الاخت اللي قالت يرحي كلش نعم يا اختي انا كنت نرحي يه كلش البصل والمكسرات والمايونيز لكن فسدلي وكيما شريت الاخير طبعا 100 الف ساهلة تقولي خلي نزيد نشريه وخلاص ونستحفظ بيه انا هاذ المرة استحفظت بيه وخليتو غير للبصل تعرفوا راهو في 3 سنين ماصرالوا والوا رغم انو مقلد المهم الاستحفاظ وتستعمليه غير للمجال المخصص ليه اللي هو البصل المكسرات راهي تفسدهولك احذري انا شريت برا ماركة ساب خليتها للمايونيز و البويون اما المكسرات نرحيهم في الروبو الكبير موليناكس

[ninaricci]

ايضا الاكل الساخن يفزدو

[ليلى الجزائرية1]

مام أنا شريت واحد كيفو ،،،رووعة يعجبني خير من الروبو الكبير ،،سريع واقتصادي