يرحم باباكم جاوبوني

[imene.imene]

سلام انا يوم ثلاثاء جزت علا انام سيدي محمد و شت فيها طلب توظيف لوزاره سياحه رحت ليهم قالولي ولي بالخميس بالخميس يعني ليوم رحت لانام قبل منجوز ليهم قتلهم اعطوني bulletin ولا كاش عفسه تبينلهم بلي جيت من لانام عطاوني ورقه فيعا معلوماتي مز لفوق و سينياولي بلي راهم قابلين يخلصوني و كلش كي رحت لمقر الوزاره حوزت لقاء عمل و كملو عمرولي الورقه و قبلوني يعني شدوني و سينياولي الموافقه و قالولي روحي انام يقولوك واش ديريلهم دوسي و ويعيطولك كي يوجد pv installation تبداي مع حانفي كي وليت لانام دارو عليا قالولي لالا منخدموش مع وزاره هكا كي صرعتينا برك مدينالك هاذ الورقه و ناضو يشنفو عليا و قالولي هاذ الورقه نمدوها للشركات الخاصه مجاتش في بالنا يقبلوك مديناهالك باش نسكتوك برك
ضرك هكا ولات دزاير هكا والللللله مفهت والو كي يقبلونا يقولو لالا يرحم باباكم لي يعرف يقولي اذا صح و ينصحني لمن نقدر نشكي لمن نقدر نتوجه بشكوه و مرانيش وحدي حنا ثلاثه كامل دارولنا هكا يرحم باباكم لي عندو معلومه ميبخلش عليا سمحولي طولت من حرقت قلبي

[ضسهفثؤ]

بسم الله الرحمان الرحيم
اختي الكريمة هذا الأمر راهو طبيعي بحكم القوانين المختلفة بين المرافق لذلك ننصحك انو تقولي لجماعت لانام الموضوع هذا راهو ما يصلحش كيما تقولو بالمقابل تروحي للجهة المعنية و التي تم قبولك فيها و تقوليلهم انوا لزم ندير فترة من العمل معاكم في هذه الأثناء تحاولي تشوفي لكان هذه الخدمة مساعداتك و إلا لا ثم تقرري إما فسخ عقد لانام و تولي في نظرهم خدامة و هذا بعد قبول الشركة التي تعملين عندها و يكون اثبات ذلك بشهادة عمل و من بعد باه تروحي للانام و تقوليلهم انا راني وليت خدامة هما يعطيولك ورقة شطب و انتقال و بهذا تكوني نجحت بصح بالك تقولي لمن يعمل في لانام بتفاصيل للأنو كاين ليستغل الفرص كيما هذه و يبعث صاحبوا وفقك الله