شكون كيفي

[أمل أميرة]

السلام عليكم
ماعلاباليش لكان كاين لي كيفي ولا المهم انا ماعجبتنيش السلسة الارجوانية تاع الاستاذة بوسعادي حسيتها ثقيلة بزاف وكلماتها ثقال مش يعني صعاب لا ثقال صعاب للحفظ ماقدرتش نحفظ منها حسيتها مصعبتها ياسر .....انا عجبني دروس الاستاذ صهيب سعودي وشرحه في القمة لكن ليس لديه سلاسل للاسف فقط قناة يوتيوب
من قظلكم شكون لي يعرف سلاسل اخرين من غير سلسلة بوسعادي

[القط اللطيف]

المشاركة الأصلية كتبت بواسطة أمل أميرة

السلام عليكم
ماعلاباليش لكان كاين لي كيفي ولا المهم انا ماعجبتنيش السلسة الارجوانية تاع الاستاذة بوسعادي حسيتها ثقيلة بزاف وكلماتها ثقال مش يعني صعاب لا ثقال صعاب للحفظ ماقدرتش نحفظ منها حسيتها مصعبتها ياسر .....انا عجبني دروس الاستاذ صهيب سعودي وشرحه في القمة لكن ليس لديه سلاسل للاسف فقط قناة يوتيوب
من قظلكم شكون لي يعرف سلاسل اخرين من غير سلسلة بوسعادي

سبحان الله انااحفظ منها الان ونفس الشيء فكرت فيه اتذكر السنه لي فوت فيها لم يكن موجودهذا الكم الهائل من المعلومات واظن تغير البرنامج شوي لاننا درسنا العقيدة فالبداية كان لدي كراس جيد تبحر ومعلوماته سهلة الحفظ للاسف لكن ساحفظ من عندها وخلاص لكي لا ابقى مترددا ومثل مايقولك الزيادة خير من نقصان كما انني احاول ان الخص شوية .

[أمل أميرة]

المشاركة الأصلية كتبت بواسطة القط اللطيف

سبحان الله انااحفظ منها الان ونفس الشيء فكرت فيه اتذكر السنه لي فوت فيها لم يكن موجودهذا الكم الهائل من المعلومات واظن تغير البرنامج شوي لاننا درسنا العقيدة فالبداية كان لدي كراس جيد تبحر ومعلوماته سهلة الحفظ للاسف لكن ساحفظ من عندها وخلاص لكي لا ابقى مترددا ومثل مايقولك الزيادة خير من نقصان كما انني احاول ان الخص شوية .

هي صح زادو حاجات وانا مطلعة عليهم لكن الاستاذة تضخم فالامور تبانلي زودتها شوي مثلا تعريف القصاص ماراحش يتبدل هو تعريف ثابت لكن هي تعرف لغة عادي واصطلاحا تعريف طوييييل ومعقد وزيد ماللول تعرف تعريف اخر مافهمتش وشي هو مش غير فالقصاص في كلش مثلا في اقسام المقاصد الاستاذ صهيب سعودي كلماته سهلة الفهم والحفظ ومنتقاة بعناية اما تاعها لا واكيد هذا رايي الشخصي وكل واحد ومنظورو لكن للاسف انا نحب نحفظ مالاوراق مش ماليوتيوب كون تالي نحفظ على صهيب سعودي وحتى تاع جمال مرسلي مالقيتش تاع 2020 لقيت غير 2019 لي عندي مالعام الماضي ....

[القط اللطيف]

شرح مفصل لكن لو ترين فالتعريف ممكن تاخدي غير عقوبة مقدرة شرعا تقوم على معاقبة الجاني بنفس جنايته مثلا والباقي امثلة وتفصيل

[نـــورسين]

عندك الحق ماقدرتش نحفظ كاامل شوية معقدة كلمات الكتاب مش سلسة يعني تقيلة في الحفظ
جمال مرسلي ادخلي لقناته في اليوتيوب راهو يحط في الدروس جدد 2020 ولتحت تلقاي رابط ملخص كل درس

[القط اللطيف]

لما تكون نظامي تقول ياريت كنت حر ولما تكون حر تقول ياريت كنت نظامي ههههه

[نـــورسين]

المشاركة الأصلية كتبت بواسطة القط اللطيف

لما تكون نظامي تقول ياريت كنت حر ولما تكون حر تقول ياريت كنت نظامي ههههه

هههه صح لانه الواحد كي يجرب يعرف صح
انا العام لي فات كنت نقول لوكان نقعد في الدار نقرا خير من الليسي
لعام هذا قعدت في الدار وبلوكيت لقيت الريتم تاع الدار صامط مايخليكش في اجواء الدراسة
واهم حاجة انك ماتتحكمش في روحك وماتقيدش روحك يعني الوقت يضيع هكذاك للاسف

[أمل أميرة]

ههههههه رانا كامل كيف كيف

[القط اللطيف]

انا الاستاذة بوسعادي راني نحفظ وفي نفس الوقت نشوف الفديو و تعريف سامط نفهمه كيما تشرح

[toulay]

وعليكم السلام ورحمة الله وبركاته
ياجماعة حاولوا تفهموا مشي تحفظوا copier coller وكون مثلا تنسوا الكلمة الاولى خلاص راحت عليكم
على الاقل مين تفهموا تقدروا تعبروا بطريقتكم الخاصة
وتاني شوفوا حاجة ساهلة متعقدوش عليكم الامور لانو الله يبارك كاين مواد بزاف تستنى فيكم
بالتوفيق

[أمل أميرة]

المشاركة الأصلية كتبت بواسطة toulay

وعليكم السلام ورحمة الله وبركاته
ياجماعة حاولوا تفهموا مشي تحفظوا copier coller وكون مثلا تنسوا الكلمة الاولى خلاص راحت عليكم
على الاقل مين تفهموا تقدروا تعبروا بطريقتكم الخاصة
وتاني شوفوا حاجة ساهلة متعقدوش عليكم الامور لانو الله يبارك كاين مواد بزاف تستنى فيكم
بالتوفيق

نعم استاذة صحيح لكن انا قصدي مانتفرجش على الفيديوهات خاصة فالمواد الادبية خاطر تضيع الوقت نحب الاوراق خير
بارك الله فيك

[Inspired soul]

او الدرس لول برك فيه صعوبة شوي و باقي دروس جتني عادية و سهلة للحفظ
اصلا الاستادة حطت نسخة ملخصة اكثر و اسهل للحفظ م درس اول
و طبعا كلمة لي تلقاها صعيبة بدلها بمرادف اسهل

[عاشقة الكواكب]

الحمد لله فادني كوني حفظت من كراسي وبعدها من كتاب استاذة وديت علامة ممتازة يعني انا اعتمدت الفهم من كتاب لا حفظ

[〆 بٰٰاولو 乄]

جمال مرسلي طبعة 2020 👍👍

[أمل أميرة]

شكرا لكم