اصحاب المقاهي == خافواربي =

[محمد علي 12]

اصحاب المقاهي القهوة 40da
كيلو قهوة 900da يخرج 70 قهوة
كرطون ڨوبلي 1200da فيه 1000 او اكثر يخرجلك الواحد ب 1da تحتاج 70 ڨوبلي للكيلو تاع القهوة يعني 70da
كيلو السكر 90da كي يستهلك الفرد 30 غرام سكر على 70 قهوة تستهلك 2كيلو يعني 180da
كما قلنا من قبل سوف نجمع المبلغ الاجمالي للكيلو الواحد
900da+70da+180da=1150da
يعني كي تشري السلعة( قهوة +سكر+ڨوبلي) باش تخدم كيلو قهوة تلقاه 1150da
كي تخدم كيلو قهوة علا 20da عندك 250da صافي
20×70=1400 da
1400-1150=250da
كي تخدم كيلو قهوة علا 30da عندك 950da صافي
30×70=2100da
2100-1150=950da
كي تخدم كيلو قهوة علا 40da عندك 1650da صافي
40×70=2800da
2800-1150=1650da
يعني انت في كيلو قهوة تدي 1650da
و القهوة المقتولة تخدم 5 كيلو فاليوم يعني 8250 da صافية، وهادي غير قهوة!!
بلا دكر الحلويات و المشروبات(كرواسون.مادلان......، المشروبات الماء.الموناد.التاي.النعناع.الزنجبيل.تيزان......،
هدا ماشي عيب عليكم
حسبنا الله و نعم الوكيل فيكم و في فرقة حماية المستهلك و انعدام الرقابة الغائبة عن الميادين
وصلو هدا المنشور للسلطات المعنية الغافلة علا واجباتها تجاه المواطن لانه لم يبقى ما يشكر.

[khatraoui]

مش عاجبك سعر القهوه ماتشري ماتقعد تعس للناس وش دخل فدراهم

[kamell28]

بصح راك نسيت بزاف أمور، كراء المحل، كراء الترخيص، مرتبات العاملين، كهرباء و غاز ،، هذو تاني لازم تحسبهم

[kofking]

ناس تكسب و ناس تحسب
نتا شفت غير صحاب لقهاوي ما شفتش الجماعة لي تهز يدها برك
تدي 40 ولا 50 ولا 70 مليون
ما شفتش الناس لي تهز يدها برك و الصلاحيات الغير منتهية حصانة وباسبور ومنين يدور يلقي وش بحب

[رَمَادِيَاتْ]

المشكلة بشكل عام أننا لا نملك ثقافة المقاطعة وهذا هو السبب الذي يجعل هذا يأكل هذا..

[أنس_26]

اخي في الاقتصاد في شي اسمه العرض و الطلب .. كلما زاد الطلب او الاستهلاك زاد العرض و العكس صحيح .. اضف الى ذلك انه هناك امور اخرى يجب وضعها في الحسبان وهي الكراء (الكل عام هناك زيادة في السعر) + العمال + الضريبة أو الجباية + الكهرباء+ الغاز +الماء + تكلفة الاجهزة +ثمن الخدمة + خسارة في سلع (عند انتهاء صلاحية بعض السلع)+ التضخم (سعر السلع و خدمات يزيد بنسب معينة كل عام)....
نصيحة من القلب اخي .. لا تضع نفسك كانك ضحية .. دائما فكر في الحلول و لا تتبع القطيع ...
اخي في الجزائر ليس هناك حماية المستهلك ..عليك التعلم و تحمي نفسك بنفسك و اكرر لا تلبس ثوب الضحية ..داما تعلم من الخطا والصواب ...
هناك مثل يقول" الله يكثر طنوها با ايعيشو الفايقين ".. يعني كلما زاد الاستهلاك (مغفلين) كلما زادت ارقام ارصدت حسابات الاثرياء .. وهذا ما يسمى بالرأسمالية.

[أم ميرال و آرال]

هذا الحساب لي درتو تاع واحد يطيب و يمدلك الڨوبلي من التاقة تاع دارو
وين راهم مصاريف الكرا و التريسينتي و الخدامة ،الكراسى،الطوابل،الضرائب، الما او عندو دار يصرف عليها و لا يربح قيس ما يدخل زوج خبزات أو زوج شكاير حليب مع العشية لدارو؟؟
حتى هو يقولك البطاطا غلات،التريسينتي لازم نخلصها، عندي ولاد لازم نكسيهم او حوايج لولاد الصغار راها النار شاعلة،كاين المرض ،من خقو يشري طونوبيل ....... الخ
ثم لي ما عجبتوش حاجة يقاطعها خصوصا كي ماتكونش ضرورية
رانا نشوفو في الشبيبة يشري ڨوبلي الصباح يبقا يدور بيه حتى لليل
معاندة برك ما عندهم حاجة في القهوة ما يفهموا فيها
اشرب قهوة في الدار و يمد للأم أو للمدام 20 دج و انت شربت قهوة و ربحت الملاحة و ربحت صحتك على الأقل علابالك بلي نقية و الما غلى مليح

[Pedro11]

مازال نسمعو زيادات اكثر كي تهدر يقلك راك تحسبلو

[batit18]

اه يا الأخ محمد علي من المفروض تبدأ بالقوبلي تع البرلمان