إستشارة في ديكور الصالون

srour · 2013-02-17, 12:40

نتمنى تعاونوني في ترتيب ديكور الصالون
شريت صالون بلنكاسي فوتاي تاع 7 بلاص وفيهم شوي مارون في اليدين مابل واش رايكم في لون الزربية نشريها مارون وباج أم يمنككي تغيير اللون مثلا قري وندير لكوسان قري ولون أخر
مع العلم لون الجدار باج والباب والنافدة بيضاء
ورايحة نزيد نشري صالون مغربي مع ليبنكات واش من لون ندير دبروعليا نتمنى فهمتوا رايحة نتزوج في أوت قريب الوقت

أنوثة شرقية · 2013-02-17, 13:03

اختي مبروك عليك الصالون ويارب تتهناي بيه ولعقوبة لحاجة احلى يا رب
فيما يخص لون الزربية استعمليها فونسي مع شوية بيج في الوسط يعني تكون بني وفيها داخل شوية بيج لأنو الفوتاي بيج كامل غير شوية بني يعني لازم تنسيق والوان الزربية تكون عكس اولان الفوتاي
فيما يخص صالون ماروكا اذا في بيت وحدو ديري لون جديد مش بيج ولا بني. ديري مثلا الموف يعني البنفسجي او فيو روز فونسي او ازرق مخلط بالذهبي والزربية تاعهم لازم تكون ايضا فيها هاذ الالوان وشوفي انتي وش تحبي الوان.
اما اذا راح تحطيهم مع الفوتاي من جهة اخرى.ديريهم متناسقين مع الفوتاي. يعني مثلا عنابي او بني فاتح مع البيج وماتنسايش الستائر يكونو ايضا متناسقين
نتمنى نكون افدتك

نسائم الصباح · 2013-02-17, 14:43

شوفي حنونة مشي شرط الزربية تكون نفس لون الفوتاي .تقدري تعملي أي لون يكون مثل لون الجدران أو الكاش ريدوا .وتكون في الزربية بعض الألوان تاع الفوتاي .مثل هذه الصورة

وتقدري تعملي الزربية لون بني داكن والقليل من الباج
اما الصالون مروكان تقدري تعمليه بلون الزربية لي في الصورة وتخلطلها القليل من البيض سكري وزربية الصالون المغربي تكون مثل لون الفوتايات .يعني لونين مختلفين تلعبي بينهم وتقدري تعملي وسائد مثل لون الزربية

إن شاء الله تكوني فهمتي قصدي
وكي نلقى صور نزيد نفهمك .والف مبروك على الزواج

srour · 2013-02-19, 18:21

يعطيكم الصخة حبيباتي ردودكم كافية وأفكاركم رائعة أما متلومونيش راسي يخمم على حوايج بزاف عليها وليت محتارة في الإختيار لنفسي ه\ا حال لعروسة مازالولي 4 أشهر مبقاش وقت
بالنسبة للصورة تاع لفوتاي عجبتي وفكرتك واضحة حتى لفةتاي تاعي راهم يشبهو ونفس اللون وعجبتني فكرة لكوسان
خاطر أنا رايحة نعمل الفوتاي والصالون المغربي في غرفة واحدة عليها لازم تناسق شكرا لكن

srour · 2013-02-28, 13:11

راني كومنديت الصالون الغربي في البريك والبني وخلاص وبالنسبة للزربية خيرتها بني فيها شويا باج للفوتاي مازلت الزربية تاع الصالون البريكي مايل للبرتقالي انشاء الله نلق زربية تخرج عليه وشكرا على التقييم

درة بيتي · 2013-03-16, 01:00

نضن الأخوات ماخلو والو ربي يوفقك وألف مبروك مسبقا أختي في إنتظار الصور

ام بسمله · 2013-03-16, 22:03

يعطيك الصحة موضوعك رووووووووعععععععععة

yalaloulou · 2013-03-17, 16:32

ديري بيج ويغلب عليه المارون وأشري دي جوتي للفوتايات لونهم

srour · 2013-03-29, 15:52

شكرا أخي على الرد عجبتني فكرة دجوتي بصح واش من لون مارون وباج تقصد يعني لون الزربية