هيا نحكيو على تجاربنا الفاشلة - الصفحة 4

Basketteuse · 2012-05-26, 12:40

مالا وحد المرة خدمت كرام ديسار بالموز . وكيعاد غير انا وزوجي حبيت نوع . هادي لاكرام بنيييينة بزاااف شفتها في فتافيت في evryday food ومالفا نديرها
قلت خلي نبدل نجرب بالتشينة تبعت نفس الطريييقة قصيت شرائح وحطيتهم في الكأس وصبيت الكريمة وزينت بشريحة والشكل جا مليح خليتها تبرد ساعات كيما يلزم ومن بعد كي جبدتها لقيتها ولات شربة البرتقال ههههه وهاهي الصورة قبل التغيير

و اللي تحب وصفة شربة البرتقال تقوللي برك!!!!!!!!!

أنا أمهم · 2012-05-26, 13:11

اقتباس:

المشاركة الأصلية كتبت بواسطة النجمة القطبية

مرة ختكم كانت تدور فى الانترنت
وقاعدة نشوف لقيت وصفة زعما اسمها سلطة طحينية بالفرينة والليمون والقارسوزيت الزيتون
لقيت اصحاب الوصفة ==هى اصلا وصفة شرقية حنا معدناش ==
امالا قلت لازم نديرها راهم يشكرو فيها بزاف
كى درتها جا خويا الصغير قالى هذا واش ماسك للوجه ولا واش

حسيت بالاهانة قوتلو اخرج برا كيفاش هاذى سلطة
بدا يقلب فيها ويشم فيها :d:d بهدلنى والله
كل ما يدخل واحد يقولو ارواح تاكل سلطة بالفرينة اختكم فنانة ههههههه
من هذاك النهار مندروش بالاكل الشرقى حتى نتاكد بلى الوصفة توالم العقلية الجزائرية

ما تقوليش عملتيها بالفرينة ؟؟؟؟؟؟؟؟!!!!!!!!!!!!
راهم يقصدو ب (الطحينية) عجينة السمسم أي الجلجلان و ليس الفرينة , و هذة الطحينية تباع في علب جاهزة. و عند تحضير السلطة اللي تقصديها يستعملوها :d: d: d ههههههههههههه سامحني أختي و الله ضحكت من قلبي , لو ما كنتش نعيش في الخليج أكييييييييييييييد كنت نخطأ نفس خطأك :d: d: d: d: d: d: d: d

rima houda · 2012-05-26, 14:27

هههههههه والله غير صح هذي الفكرة حتى حنا لبنات نبغوا التجارب برغم من فشل نصفها

Basketteuse · 2012-05-27, 15:12

انا مرة في رمضان حبيت نخدم المايوناز كيما العادة بديت بالخطوات المعروفة وبديع نحط الزيت بالشوي ونخفق وهي لاااااااخبر . صبرت صبرت ومن بعد قلت اواااه حانبقى نفزد في الزيت خممت شوي ومن بعد دورتها بسبوسة زدتلها بيضة وحليب وخميرة ودقيق ودرتها في مول ... جاااات روعة سهرنا بيها هداك اليوم .

وهاهي العبرة تجربة فاشلة تحولت الى نجاح بمجرد فكرة ..!!!

g-rabab92 · 2012-05-27, 18:28

ههههههههه مانكدبش عليك انا غير كيما تعلمت نطيب ونخدم غير الحوايج الصغار وازال ما تعلمتش الصوالح الكبار وعلى هداك بما انو تجاربي كلها فاشلة فانا رافظة الزواج نهائيا ما نتعدب انا ما نعدب الراجل مسكين
ومشكورة اختي على الموضوع جزاك الله خيرا

نجمة ساطعة · 2012-05-28, 14:00

لو كان نحكي على تجاربي الفاشلة و خاصة في البدايات غير خايفة يصراو حوادث وفاة من الضحك

فخوفا على صحتكم نسكت خير هههههههههه

Basketteuse · 2012-05-28, 14:02

اقتباس:

المشاركة الأصلية كتبت بواسطة نجمة ساطعة

لو كان نحكي على تجاربي الفاشلة و خاصة في البدايات غير خايفة يصراو حوادث وفاة من الضحك

فخوفا على صحتكم نسكت خير هههههههههه

ههههه ماتخافيش احكي برك رانا عندنا المناعة... على الاقل نستفيييدوا

Basketteuse · 2012-05-30, 17:30

انا تاني مرة حبيت نتعلم القنيدلات خدمت لابات بريزي وخليها تريح من بعد كي جيت نخدم لقيتها تتفتت ماحبتش تتحل رقيقة سوفريت معاها خرجت غير 10حبات فقط والباقي شفت شفت معاه وخممت نردوا صابلي
مالا زدتلها البيض والسكر والفانيلا وشوي زبدة ولميتها ودرتها بالطابع وطيبتها والله جات تهبل تذوب في الفم ... تقول ماهي مديقيسيا

Basketteuse · 2012-05-31, 10:10

وييينكم يا لبنااات انا نافحة ونحط في الصور ونتم ولا خبر !!!!!!!!!!!!!

Basketteuse · 2012-07-17, 09:43

واقيلا ما عندكم حتى تجربة فاشلة!!!!!

ام اماني77 · 2012-07-17, 21:37

والله نقرا ونضحك ربي يضحكم بالخير
انا مرة عملت مادلان من موقع بالفرنسية قلت نجرب نتاع لهيه وصفاتهم مضمونة هههه كانت فيه كمية البيض قليلة وكمية الزبدة قد كمية الفرينة كدرتو يطيب والله كانه بركان خامد وانفجرت من حمم بركانية ههههه كل شيء ساح بقاو لي مول فارغين ولحد الان ما فهمتش السبب رغم اني وجدت الوصفة في عدة مواقع واتبعت واش قالو لكن الانفجار حدث ههههه من ثم قبل ما نجرب مادلان نتاكد ان كمية الفرينة اكثر من كمية الزبدة لاني شكيت في هذا النقطة مالا تعلمو مني وما تغلطوش غلطتي ههههه

Basketteuse · 2012-07-18, 22:42

اقتباس:

المشاركة الأصلية كتبت بواسطة ام اماني77

والله نقرا ونضحك ربي يضحكم بالخير
انا مرة عملت مادلان من موقع بالفرنسية قلت نجرب نتاع لهيه وصفاتهم مضمونة هههه كانت فيه كمية البيض قليلة وكمية الزبدة قد كمية الفرينة كدرتو يطيب والله كانه بركان خامد وانفجرت من حمم بركانية ههههه كل شيء ساح بقاو لي مول فارغين ولحد الان ما فهمتش السبب رغم اني وجدت الوصفة في عدة مواقع واتبعت واش قالو لكن الانفجار حدث ههههه من ثم قبل ما نجرب مادلان نتاكد ان كمية الفرينة اكثر من كمية الزبدة لاني شكيت في هذا النقطة مالا تعلمو مني وما تغلطوش غلطتي ههههه

ههههههههههه مالا بركان خامد وانفجر

انا تاني صراتلي طبقت بسبوسة لإحدى الاخوات بالمنتدى خطوة بخطوة بالرغم أني معتادة نطبخ البسبوسة الا انه ولسبب مجهووووووول انفجرت وبقى غير المول مقرقب للدرك مافهمتش علااااااااه!!!!!!!!
ويبقى السؤال مطروح

fadawya_horra · 2012-07-30, 00:22

أنا بابا هو اللي دايراتو حقل تجارب دايما هو اللي يروح ضحية جربت مرة "تورتة التفاح السهل" ياو واش نحكيلكم الشكل ىوعة و لكن البنة ما نحكيلكمش ذاق شوي قالي وعلاه يا مريم حرام عليك راكي تعذبي فالنعمة هههههههههههههههههههههه

Basketteuse · 2012-09-11, 23:29

اقتباس:

المشاركة الأصلية كتبت بواسطة fadawya_horra

أنا بابا هو اللي دايراتو حقل تجارب دايما هو اللي يروح ضحية جربت مرة "تورتة التفاح السهل" ياو واش نحكيلكم الشكل ىوعة و لكن البنة ما نحكيلكمش ذاق شوي قالي وعلاه يا مريم حرام عليك راكي تعذبي فالنعمة هههههههههههههههههههههه

هههههه والله مسكينة النعمة .. حرام عليك! ..... بصح انا بابا يحترس من تجاربي جامي يذوق حاجة مشبوهة حتى يتاكد بلي مامتناش!!

ام طيب · 2012-09-12, 07:18

تبارك الله عليكم ربات بيوت معليش أنا كنت نتعلم الحلويات في الخارج وكنت نموت ب الضحك ف التطبيق يحصلو اشيا رهيبة هههههههههههه ولكن معليش تفننووووووووو وربي كبير