اسهل و اسرع تارت عيد ميلاد (للمبتدئات)

remadna · 2011-03-15, 18:40

بسم الله الرحمن الرحيم

السلام عليكم و رحمة الله

اليك اختي اسهل و اسرع تارت و بدون بيض و لا خميرة و لا ..... و توجد في 15 دقيقة .
اليك اختي اذا كنت مبتدئة و عندك خوف من نجاح الكعكة الاسفنجية أو أي كعكة أخرى.
اليك اختي اذا كنت حابة تحمري وجهك قدام العائلة و الأحباب.
لك وحدك أختي العزيزة مني هذه الوصفة عملتها في أكثر من عيد ميلاد و بأشكال مختلفة (دائرية علوها 10 سم، مستطيلة 40*30سم و علوها 10سم، دائرة كبيرة فوقها و احدة صغيرة) ، و لا واحد صدقيني عرف سر الوصفة تاعي لا مبتدء و لا محترف.
هذه عملتها لك اختي و بدون أي مناسبة للعائلة بحجم صغير (3طبقات فقط ، علوها 4 سم)، لكي تري بأم عينك الشكل الشهي.
الوصفة و الطريقة سأضعها بعد يوم أو يومين حتى تلقى الشاطرة فيكم سر الوصفة.
البنة ما نهدرش عليها اكتشفوها بأنفسكن.

الدعاء ثم الدعاء يا أخواتي.

الطريقة: أولا تحتاجي للوصفة علبة casse croute لازم هذا النوع تاع الأوراس ، بيمو لا يصلح و نوع آخر لا يصلح أيضا. في مول افرشي غلاف بلاستيكي و ضعي حبات القاطو ناشفين ، لا ترشيهم بالحليب و لا تستعلمي أي سائل ثم اسكبي الكريم ديسار (اليك الرابط) https://www.djelfa.info/vb/showthread.php?t=402734 ثم طبقة أخرى من القاطو و هكذا طبقة بطبقة، تقدري تعملي 5 طبقات من القاطو المهم تكون أول و آخر طبقة من القاطو . يبرد في الثلاجة ثم اقلبيه كما في الصورة وز يني بالكريم شاتني.
و صدقيني أختي و كأنها كعكة اسفنجية في البنة . جربي إنني في الانتظار.
هذا هو نوع القاطو (لازم هذه الماركة لأنني جربته بنوع آخر و لم يصلح)

هنا بعد قلب المول و قبل التزيين

بنت سكيكدة · 2011-03-15, 19:02

سلمت يداك عضوتنا المميزة

في انتظار الطريقة ان شاء الله تعالى

بارك الله فيك

لطفي ديف · 2011-03-15, 19:08

باينة مليحة
بانتظار الوصفة

لطفي ديف · 2011-03-15, 19:27

باينة مليحة
بانتظار الوصفة

remadna · 2011-03-15, 19:45

اقتباس:

المشاركة الأصلية كتبت بواسطة بنت سكيكدة

سلمت يداك عضوتنا المميزة

في انتظار الطريقة ان شاء الله تعالى

بارك الله فيك

و فيك بارك الله أختي بتن سكيكدة

*أم كوثر* · 2011-03-15, 19:51

أممممممممممم مادام بلا بيض و لا خميرة ومدة طيابها في 15 د .....نظنها بالبسكوي او حاجة ماتطيبش

remadna · 2011-03-15, 19:58

اقتباس:

المشاركة الأصلية كتبت بواسطة *أم كوثر*

أممممممممممم مادام بلا بيض و لا خميرة ومدة طيابها في 15 د .....نظنها بالبسكوي او حاجة ماتطيبش

الله يبارك عليك يا أم كوثر لقيتيها، لكن صدقيني أنا أعملها بطريقة التي أكدت للجميع أنها بالجينواز و عندما قلت الحقيقة لم يصدقوني في أول الأمر. البنة تثبت العكس.

*أم كوثر* · 2011-03-15, 20:09

اقتباس:

المشاركة الأصلية كتبت بواسطة remadna

الله يبارك عليك يا أم كوثر لقيتيها، لكن صدقيني أنا أعملها بطريقة التي أكدت للجميع أنها بالجينواز و عندما قلت الحقيقة لم يصدقوني في أول الأمر. البنة تثبت العكس.

واااااااااااااااااو لقيتها

هيا امالا هاتي الطريقةراني نستنى