معدل 9

[الجميلة انا]

ارائكم
بعد ا تم الاعلا ن ان معدل البكالوريا 9/20 واش عجبكم والا لا

[طالبة رياضيات]

عجبني
كاين تلاميذ داو 9 يستاهلو الجامعة
بالاضافة الى بعض المواضيع كان فيها أخطاء

[HANAN 04]

المشكلة هنا ان شهادة البكالوريا تولي تهبط القيمة نتاعها
و غير معترف بيها دوليا
يعني نبقاو نعانيو صعوبة في المنحات و الدراسة في الخارج

[اسماء تيارت]

وي عجبني الحال كيما تحب لروحك النجاح حبه لغيرك هاذي سنة إستثنائية كاين بزاف ناس ماتوا أهاليهم و مرضوا نعرفهم شخصيا و كاين ناس معندهاش امكانيات باه تقرا في الأشهر لي قعدنا فيها في الدار لهذا نراعيو هذي الظروف. قلوبنا جفات. مانكونوش حسادين لهذه الدرجة. انت قريت تعبت تنال اذا خدمت قد 16 تلقى 16 و تقرا طب وتخصص عالي أما لي دا 9 مراحش يجي يقرا معاك طب.

[oper]

الخير فيما اختاره الله

[اللهم ارزقني عفةمريم]

المشاركة الأصلية كتبت بواسطة اسماء تيارت

وي عجبني الحال كيما تحب لروحك النجاح حبه لغيرك هاذي سنة إستثنائية كاين بزاف ناس ماتوا أهاليهم و مرضوا نعرفهم شخصيا و كاين ناس معندهاش امكانيات باه تقرا في الأشهر لي قعدنا فيها في الدار لهذا نراعيو هذي الظروف. قلوبنا جفات. مانكونوش حسادين لهذه الدرجة. انت قريت تعبت تنال اذا خدمت قد 16 تلقى 16 و تقرا طب وتخصص عالي أما لي دا 9 مراحش يجي يقرا معاك طب.

يعطيك صحة اسومة جبيتها في بلاصتها

[رَمَادِيَاتْ]

المشاركة الأصلية كتبت بواسطة اسماء تيارت

وي عجبني الحال كيما تحب لروحك النجاح حبه لغيرك هاذي سنة إستثنائية كاين بزاف ناس ماتوا أهاليهم و مرضوا نعرفهم شخصيا و كاين ناس معندهاش امكانيات باه تقرا في الأشهر لي قعدنا فيها في الدار لهذا نراعيو هذي الظروف. قلوبنا جفات. مانكونوش حسادين لهذه الدرجة. انت قريت تعبت تنال اذا خدمت قد 16 تلقى 16 و تقرا طب وتخصص عالي أما لي دا 9 مراحش يجي يقرا معاك طب.

أغلب التدخلات المؤيدة انطلقت من منظور عاطفي بحت
غير أن
التخصصات ليست مقتصرة على الطب، وأنت ربما كتلميذة نجيبة ستتخصص في الطب لن تتضرري.. لانو جماعة الميدسين راها باينة بلاصتهم

ونهار يتخرج مول 13 لي قرا مع مول 9
(على اعتبار أنو 13 اصلا ماولاتش تقضي حيا كبيرة)
ومول تسعة يحكم الخدمة وصاحب ال 13 يشد الحيط .. سي خونا القنطة تقتلو


أضف أننا كلنا نعلم أن هذا القرار سياسي أكثر منه تربوي

المستوى مكركر من بكري وزادوا خلاوها بقرارات الجزائر الجديدة

[اسماء تيارت]

المشاركة الأصلية كتبت بواسطة رَمَادِيَاتْ

أغلب التدخلات المؤيدة انطلقت من منظور عاطفي بحت
غير أن
التخصصات ليست مقتصرة على الطب، وأنت ربما كتلميذة نجيبة ستتخصص في الطب لن تتضرري.. لانو جماعة الميدسين راها باينة بلاصتهم

ونهار يتخرج مول 13 لي قرا مع مول 9
(على اعتبار أنو 13 اصلا ماولاتش تقضي حيا كبيرة)
ومول تسعة يحكم الخدمة وصاحب ال 13 يشد الحيط .. سي خونا القنطة تقتلو


أضف أننا كلنا نعلم أن هذا القرار سياسي أكثر منه تربوي

المستوى مكركر من بكري وزادوا خلاوها بقرارات الجزائر الجديدة

أصلا مستوى واحد جامعي ماشي الكل لا أعمم ليس بمستوى حتى تلقاه مايعرفش يكتب كلمة و الأخطاء مانهدروش عليها قاع. مستوى تاع غش تلقاه يقرى ماستر. و يغش. فأين الخلل هنا. .الدنيا ماتتوقفش عند لي دا 9 لازم نهدرو على حاجات أخرى غير هادو. و علاه مانهدروش على تاع البيام او فرنسا مثلا كي طلعت تلاميذها. حنا شعب نبغوا الهدرة بزاف تصرا حاجة ناس كامل تولي تعرف تهدر و تناقش .نعاود نقولها أنو هاذي سنة استثنائية ماشي فقط في الجزائر بل العالم كامل متضرر .مع كل احتراماتي لازم نتقدموا الهدرة قاع نعرفوا نهدروا حتى أنو تلقا واحد عمره دخل يقرا يقلك كيفاه الباك ب 9 النيفو طاح .🤗🤗🤗

[رَمَادِيَاتْ]

المشاركة الأصلية كتبت بواسطة اسماء تيارت

أصلا مستوى واحد جامعي ماشي الكل لا أعمم ليس بمستوى حتى تلقاه مايعرفش يكتب كلمة و الأخطاء مانهدروش عليها قاع. مستوى تاع غش تلقاه يقرى ماستر. و يغش. فأين الخلل هنا. .الدنيا ماتتوقفش عند لي دا 9 لازم نهدرو على حاجات أخرى غير هادو. و علاه مانهدروش على تاع البيام او فرنسا مثلا كي طلعت تلاميذها. حنا شعب نبغوا الهدرة بزاف تصرا حاجة ناس كامل تولي تعرف تهدر و تناقش .نعاود نقولها أنو هاذي سنة استثنائية ماشي فقط في الجزائر بل العالم كامل متضرر .مع كل احتراماتي لازم نتقدموا مانقعدوش غي نهدرو الهدرة قاع نعرفوا نهدروا حتى أنو تلقا واحد عمره دخل يقرا يقلك كيفاه الباك ب 9 النيفو طاح .🤗🤗🤗

والله الكورونا جات قاع للعالم ... والعالم كله تضرر

شكون الدولة لي دارت قرار كما هذا؟


هههه
حقا انت ماتبغيش تهدري.. فلا داعي للرد على سؤالي ههه

[اسماء تيارت]

المشاركة الأصلية كتبت بواسطة رَمَادِيَاتْ

والله الكورونا جات قاع للعالم ... والعالم كله تضرر

شكون الدولة لي دارت قرار كما هذا؟


هههه
حقا انت ماتبغيش تهدري.. فلا داعي للرد على سؤالي ههه

خلاصة القول. المستوى طايح من بكري ماشي غي كي دارو قرار معدل 9 .🤗🤗🤗🤗.

[الطيب2]

عجب امرنا فاي قرار نقول سياسي
وتبقى رضا الناس غاية لا تدرك
فنسأل الله أن يوفق ولاة أمورنا لكل خير
والدعاء لهم بالتوفيق احسن من النقد والتشاؤم

[غصن البآن]

اتأسف لهكذا قرار... مهزله .

[~ زمزم ~]

بالنسبة لي عادي يعني كيما اصحاب 9 كيما اصحاب 10..
مي واش هو لمخوفنا انها تاثر على مصداقية الباك على المستوى الخارجي يعني ممكن يكون غير معترف بيها دواليا مرة اخرى ..
هذا الشيء يخلينا روطاار على الغاشي ..

[〆 بٰٰاولو 乄]

المشاركة الأصلية كتبت بواسطة ~ زمزم ~

بالنسبة لي عادي يعني كيما اصحاب 9 كيما اصحاب 10..
مي واش هو لمخوفنا انها تاثر على مصداقية الباك على المستوى الخارجي يعني ممكن يكون غير معترف بيها دواليا مرة اخرى ..
هذا الشيء يخلينا روطاار على الغاشي ..

هههه ياو راه من بكري ماش معترف بيه دولياا

[ابو سليمان10]

طبعا التلاميذ و اهاليهم سيفرحون
الا ان الخاسر الاكبر هي المدرسة و الشهادة و الجامعة
حتى الذين ربحوا الشهادة ب14 يخسرون لانهم ربحوا عام 2020
نحن لم ننسى 2016 و اصحاب العتبة الذين بالنسبة لي اغلبهم لا يستحق الشهادة
المهم انظروا في الجامعات و الرداءة و ستفهمون

من منكم لديه قريب او صديق حاصل على ماستر فل يطرح عليه اي سؤال بسيط في تحصصه يكون موجود في ويكيبيديا و 80في 100 لا يعرف شىء