هيا باك 2021

منال الامورة · 2020-10-05, 19:57

السلام عليكم
بنات بديتوا قراية ولا مازال
المهم اول حاجة لازم نحدد الهدف نتاعنا كل وحدة تكتب الهدف تعها
ثاني حاجة نحفزوا روحتينا كيفاش علاه انا ما نديش 15 16 17
ثالثا خيروا بلاصة تحبوها ف دار نظميها رتبيها ديريلها العطر المفضل خصصيها لديراسة
رابعا نظموا الوقت تاعنا كل يوم نخصصوا ساعتين نقراو فيها مادة
كاين اساتذة في اليوتيوب

Mohammed Hadj Djilani Profmhd هاد الاستاذ روعة في الفزياء
بسطتهالك هادي القناة روعة في قواعد اللغة العربية

Appfrançais هادي تاع اللغة الفرنسية ولا اروع
Prof Merad هادي تاع الرياضيات
الاستاذ نورالدين الرياضيات معروف بلي قمة
الاستاذ مولاي عمر الفزياء روعة
اذا راكم حابين نزيدلكم اساتذة اكتبولي

مِيمْ · 2020-10-07, 14:16

السلام عليكم 💫
ربي يوفقكم مع لول
نزيد برك على وش قالت منال ما تنسواش ديروا to do list كنت نحب دايما ندير مهام يومية و على حساب الطاقة تاعي و كنت نفرح كي يكمل اليوم و نلقى روحي مكلمة كلش كنت نحس بوحد الايجابية ما تصدقوش - بصح ما تكثروش على رواحكم مش تدخلوها ديروا شحال من مهام في التالي ما تقدروش تكملوهم -📝📚
+ رح نقولكم الاساتذة اللي قريت من عندهم هاذ العام 👌👌 و فادوني ياااسر
الفيزياء كاين الاستاذ محمد الامين زدون و كاين الاستاذ شريفي هاذو هايلين و طريقتهم روعة
العلوم كنت نشوف مصطفى بدد ومرات كنت نشوف الاستاذ شاوش - مرات -
الرياضيات كاين الاستاد نور الدين و جوفر
الانجليزية كاين استاذ ناصري
الفرنسية كنت نقرا من عند استاذ في كوغ ديزاد - منير شبوة -
العربية عند الاستاذ حيقون اسامة _ الملخص تاعو هااايل - و درت المراجعة الهائية عند الاستاذ حماش
الشريعة كنت نشوف ليفيديو تع الاستاذة بوسعادي و الاستاذ شمس الدين
ربي يوفقكم 🥰🙌🧡💙

اميرة القلوب الجميلة · 2020-10-15, 17:16

يوجد استاذ حيقون اسامة في الادب العربي ايضا استاذ قممممة