عندك الفلفل الحار بزايد وخايفة يخسر ادخلي

اميرة في دنيا حقيرة · 2013-05-12, 17:48

سلام حنوناتي متقوليش مكانش لي تفسد ليها الخضرة في البراد خاصة الفلفل على خاطر الراجل يموتوا على شريانوا و ماشوا غير يشريو شوي من يقضيو يشريو الفلفل الحار وانا تاني كيفكم و مناش عيلة و مناش وكلين الفلفل الحار ياسر نطيبوا في البرمة يبقى كيما راه مال قلت نديروا فجوخ و الفجزخ هو فلفل حار مرقد و اليكم الطريقة

تجيبي الفلفل الحار لي عندك تنقيه و اكيد ماشي بيديك تلبسي ليقوا باه متتحرقش يديك و تتحطيه في الربوا يترحي و تهوا في الربوا ضفيلوا====شوفي في كيلوا تع فلفل حار حطي 2 قرون فلفل حلو و 1 حبة طماطم و 2 مغارف كبار ملح و تخلطيهم و تحطيهم في كسكاس كيما في الصورة شوفوا و نرجعلكم

حطي حاجة تحت الكسكاس باه يستقطر فيها الماء لي في الفلفل و هذا من اسرار نجاحوا
و خليه يبات ليلة كاملة يستقطر مليحو في الصبا ح تلقايه بالشكل هذا

شوفوا واش خرج منوا ماء

افرمي راس كامل تع ثوم ضفيه للفلفل و 3 مغارف زيت زيتون و 2 مغارف خل و حطيه في علبة و خليه يرقد حنا في الشتا نخليوه البرة حتى يولي لونوا اصفر وندخلوه للثلاجة و ناكلوا منوا لكن درك راهوا الحال سخن دريه و حطيه طول في الثلاجة باه ميقراصش و تمتعي باطيب فجوخ يجي بنين و المقلي معاه يا سلام مممممممم

الماكلة معاه روعة ابن من المرقد انا دايما نديوا مخطانيش خاصة في رمضان مممممممم

hayat-48 · 2013-05-12, 17:55

yaatek essaha ala elwasfa

ورد قسنطينة · 2013-05-12, 17:59

bonne idee je vais essayer

ام ملاك. · 2013-05-12, 18:04

امممممممممممممممممم يشهي ماشاء الله

اميرة في دنيا حقيرة · 2013-05-12, 18:15

اقتباس:

المشاركة الأصلية كتبت بواسطة مونية ك

امممممممممممممممممم يشهي ماشاء الله

ميغلاش عليك يا جميل كلوا ليك

soriaalg · 2013-05-12, 18:22

ممممممممممممممممم دائما عندنا مشكل الفلفل بالزايد شكرا لك اختي فكرة جديدة بارك الله فيك

اميرة في دنيا حقيرة · 2013-05-12, 18:39

اقتباس:

المشاركة الأصلية كتبت بواسطة soriaalg

ممممممممممممممممم دائما عندنا مشكل الفلفل بالزايد شكرا لك اختي فكرة جديدة بارك الله فيك

و فيك تبارك الله حنونتي ربي يخليك

ام احمد وصال · 2013-05-12, 19:07

الله الله الحرارة والبنة راهي وصلتني حتان هنا راجلي يممممممممممممممممممممممممممموت على الحرور وراني وصيتو باه يجيبهولي باه نجربو بصح يخي ميطيبش الفلفل في الاول وفي الاخر

*أم مصعب* · 2013-05-12, 20:23

يعطيك الصحة امممممممممممممممممم يبان يشهي

أم ياسين الزهراء · 2013-05-12, 20:51

رغم اني مانكلش الحار بصح كاكانت عجوزتي ديرو ناكلو امممممممممممم سخفتيني وفكرتيني بيه هي كانت ترحيه في الرحيوة تاع الغرس يعطيك الصحة

ساندي 28 · 2013-05-12, 21:13

شكرا اميره عندي كميه مليحه منو في الثلاجه نطبقو بطريقتك شكرااااااااااااااا

sissou nrdn · 2013-05-12, 21:23

الله الله على الحار.................... ربي يخلي عنابة و بنات عنابة

اميرة في دنيا حقيرة · 2013-05-12, 21:23

اقتباس:

المشاركة الأصلية كتبت بواسطة اماني السلام

الله الله الحرارة والبنة راهي وصلتني حتان هنا راجلي يممممممممممممممممممممممممممموت على الحرور وراني وصيتو باه يجيبهولي باه نجربو بصح يخي ميطيبش الفلفل في الاول وفي الاخر

ههههههههههههه لا لا حنونتي ميطيبش ارحيه و هو نيئ درك الخل والثوم هوما لي يخليوهيطرا جربيه راهوا بنيييييييييييييييييين