تحضيرات لعيد الاضحى 2019 😊👌 مع ريتال 👌

[TakouaQueen]

غرت منك، ههههه، مام أنا بديت اليوم، لكن ماعنديش باش نصور، ههههههه، المهم راني معاكم

[وسام سومة]

سلاااااااااااام
انا منقدرش ندير كامل بوحدي بديت انا واختي من لبارح نتواياج دار وراح نبدو غدا في الكوزينة باذن الله

[ام سراج وملاك]

السلام عليكم ورحمة الله تعالى وبركاته
موضوع رائع ريتال كنت نراجع في صفحات ونشوف شاطرة ربي يبارك
وينهم والحلويات لي تحضروهم للعيد ان شاء الله راني نشوف فيكم غير مع لميناج ولغسيل وياريت تنقسو شوي دردشة ممنوعة في مواضيع قسم الطبخ
مبروك النجاج مع تمنياتي لك مزيد من نجاحات ان شاء الله
لي عودة في موضوعك ان شاء الله نحطلكم شوي من تحضيراتي ان شاء الله

[اللهم ارزقني عفةمريم]

سلام اختي انا ان شاءالله رايحة ندير قطايف لفنجان تاع ام وليد وبلاك البقلاوة المبرومة سهلة وبنينة

[ريتال2]

تنضيف المطبخ

سلام عليكم ليوم نضفت مطبخ نقولكم طريقتي ان تنضيف مطبخ يومين معناها يوم الاول نظف اواني بلاكارات الارض الخ ويوم ثاني باب تيقان نوافذ باب حيطان وثلاجة هكذا باه منعياش

وطريقة اخرى اني نغسل مواعن فليل تع عشا باه صباح نغسل تع قهوة ونبدا نتواياج باه ما نطولش

مهم نصائح نقولكم اخسلو ماء مع خل واومو ومرات ندير مليح لانهم يساعدني على تنظيف

ومن نكمل نحك ندير خل مع بيركوبونات ملاح ببززاف

والان نخليكم مع صور لبنات من بعد ندير موضوع نبداو نحكو على قاطو واش نديرو الخ

هيا لبنات اعطوني رايكم

[ريتال2]

تنضيف غرفة نوم وحمامات

مهم غرفتي نضفها صباح مهما نقيها رايحة تتوسخ عليها نخليها لاخر يوم حمامات نضفهم صباح يوم عيد غرفتي يوم قبل لعيد نضف خزانة لبسات ونخل ونقلع خبار هكذا

نعطيكم افكار للحمام نظف ليح نغسل كل شيء حتى وين توضعو ماء من بعد حطو صابون وسربية تع وجه وجافيل الخ هكذا نهار للعيد تلقاو كل شيء واجد من افضل تخلو تنضيف حمام صباح للعيد مثلي

مهم راني عارفة وقت ضيق يوم لعيد لاني نخلي تصوار خروف واكل الخ

[ريتال2]

ايا وجات وقت حلوة هههه حلويات لعيد

ببالنسبة ليا مراحش نخسر ونشوف على حساب بيت واش فيه

قررت ندير كروكي تع اختنا صمت لغتي لاول مرة نديرو وندير قاطو تع ام اماني دوك نحط روابط وندير حلوة سميد معسلة وحلوة ماء

الان روابط هاذو هما غدوة ندير نوعين واخر جمعة نكمل وسبت نديرو لكروكي

https://www.dztu.be/watch?v=3b0sNMmOzWsحلوة السميد المعسلة / وصفات أم وليد

حلوة ماء https://www.dztu.be/watch?v=yf5LO-lmkqs
حلوة اقتصادية https://www.dztu.be/watch?v=1Rmk6PeqZ5c
هذا ما اظن ندير مع كروكي اختنا صمت لغتي انا درت على حساب واش كاين في بيت اقتصادية مع ان كاين قاطو تع باك من صنعنا غدوة نحطلكم افكار على سنيوة واش شريت واش نلبس الخ تسريحات

مهم انا كملت مع تنضيفات لبنات نتمنى يعجبكم هاذو مواضيع وتشاركوني انتم كذلك تحضيراتكم وتنضيفات احبكم اتمنى تفاعل لحبيبات واذا حبيتو نعاونكم في انواع قاطو خفيفة واقتصادي قولولي ونعاونكم انا هنا

[ريتال2]

سلام يا زوينات كيراكم معا اخر يوم للتحضيرات كامل مراكمش تبانو ههه

انا كملت مع تحضيرات حمد لله ندير ليوم كروكي ونكمل درت اخر نتواياج مع اني غدوة نعاود كلشي بعد ظهر مهم رايحة نحطلكم اشياء لازم تكون يوم لعيد وهكذا نفكركم ونتمنى تفاعل لحبيبات

[عاشقة الكواكب]

الحمد لله
انهيت تنظيف المطبخ + الصالون + تفريش الارضية + غسيل
^^ بانتظار العيد غدا بالطاعات و التكبيرات

[ريتال2]

المشاركة الأصلية كتبت بواسطة عاشقة الكواكب

الحمد لله
انهيت تنظيف المطبخ + الصالون + تفريش الارضية + غسيل
^^ بانتظار العيد غدا بالطاعات و التكبيرات

اهلا فرح لحبيبة كيراكي ان شاء الله لباس

اه مليح راكي ساجية برافو واش مدرتيش قاطو

شكرا نورت موضوع لحبيبة

[عاشقة الكواكب]

المشاركة الأصلية كتبت بواسطة ريتال2

اهلا فرح لحبيبة كيراكي ان شاء الله لباس

اه مليح راكي ساجية برافو واش مدرتيش قاطو

شكرا نورت موضوع لحبيبة

^^ هههه في الحقيقة لا نحب الحلويات نهارات العيد
يعني نوع واحد فقط :')

[اللهم ارزقني عفةمريم]

سلام لبنات كيراكم توحششششتكم بزاااف صح عيدكم كل عام ونتم بخير انا حمدالله كملت كل شي وراني قاعدة هههه خدمت قطايف لفنجان لام وليد

[Taibi Younes]

هههه شاطرين ياه

[ريتال2]

المشاركة الأصلية كتبت بواسطة taibi younes

هههه شاطرين ياه

سلام خويا مرحبا بيك نورت موضوع

عيدك مبارك كل عام وانتم بخير

[ريتال2]

سلام لبنات كيراكم مع اخر يوم قبل لعيد

انا بين تنضيف ومشيط ههه راكم عارفين انا مزال شعري نبات معاه ليل كامل وعلاه نكمل هههه راني مع خواتاتي صغار مهم نطلب منكم كل وحدة تحكيلنا غدوة واش دير

انا صباح نبداو مع صلاة لعيد ومن بعد مغافرة عائلتي خويا والدين ومن بعد ندير فطور مع امي فريت سلطة ونوجدو طابلة وابي مزال ميذبح قبل يروحو يذبحو تع جدي وعمي معناها حتى 10 يجو حنا نكملو فطور ونقعدو نريحو نغافرو اهل تاعنا بالهاتف ويجي وقت ضبيحة اختكم ناريمان تعاون في ذبيحة اضحكو عليا لان انا كبيرة وخويا كبيرة عليا ولازم معاونة نبداو ومن بعد امي تروح دير ملفوف وانا نقي دوراة نموت على نقى وتنضيف هههه ونوجدو ملفوف نفطرو نكملو امي تدخل للكوزينة تغسل مواعن الخ وانا نسيق حوش وصالون كل بلاصة فيهاا وسخ نريحو شوية مع هر نبداو ندير عصبان وما احلاه وبزلوف وياذن العصر ويبدى تدلال هههههه نروحو عن جدي وجداتي وعند عمي هكذا حتى مغرب ندخلو للدار نحطو بزولوف مع لحم في كوكوت

وغدوة نديرو عصبان مع طعام او بركوكس من بعد ندير انواع لحم في كوكوت او مقلي او في كوشة كل مرة نديرو نوع

هيا لبنات صحا عيدكم وكل عام وانتم بخير نتمنى تشاركوني بيوم عيد واشغالكم