الخيانة هل لها حل

[مشكلتي]

السلام عليكم
مانيش عارفة كيفاش نبدا المشكلة هادي ....
بابا ورغم كل شيء يبقى بابا ومانيش حابة نقول صفاتو ومانيش حابة نوصفو فقط كي جا بابا
بصح مانقدرش نجوزلو قع واش دار فينا !!!
المهم لازم تفهمو بلي شخص ظالم و ما يتعاشرش و اقل حاجة لازم يديرها كزوج و اب ما دارهاش
يعني باختصار ما يصرفش على الدار , يضرب مرتو لاتفه الاسباب حرمها من زيارة امها لمدة عشرين سنة او اكتر فقط السنة الماضية راحت تزورها لانو صرا مشكل فالدار مالا عمي صاب السبة وداها ....
ما يعدلش بين اولادو و كي كانو صغار يحاوزهم من الدار على جال اسباب تافهة جدا
ومنذ تقريبا رمضان الماضي بدا المشكل الاساسي الي جيت على جالو ..
بابا عندو فلليل يهدر باطل مالا موالف يعطي لماما تهدر مع لافامي وتسقسي عليهم و التيليفون تاعو فيه زوج خطوط
مرة ماما عيطت لعمتي و حبت تعيط لخالتي وهو كان راقد قاتلي عيطيلها مقبيل هدرت معاها
وانا مانعرفش مليح للتيليفونات وبالاخص تاعو ما عرفتش وين ندخل لليزابال ولا لي كونتاكت قاعدة نسيي حتى دخلت لليميساج وكان ميساج اللول الي شفتو بعتهولو شخص باسم رجل والله والله والله دخلت بالخطأ للميساجات وبالخطأ أيضا درت اوكي وشفت الميساج ويا ليتني ما شفتو .... ميساج غرامي و'' حبيبي و عمري و توحشتك "
صدمة كبيرة جاتني ما قدرتش نأمن أو نصدق كدبت عينيا
وبما ان الاسم كان اسم رجل قلت ربما واحد من معارفو بعتتلو وحدة فالنيميرو تاع بابا بما انو يعطي للناس يهدرو بالتليفون تاعو فالليل قلت هادا احتمال ..
ومازدتش مسيت تيليفونو
وبعد ربما شهرين او اكتر ماما دايما تقولي عيطيلي على خاطر ما تعرفش للتيليفونات كي جبت نعيطلها لقيت لابال تاع الاسم الي قريت الميساج تاعو !!!!
عرفت بلي هو خصوصا كان الاتصال قريب يعني قبل بيوم او في نفس اليوم نسيت بالضبط كيفاش
تماك انا بديت نصدق بلي ممكن يكون هو مالا المرة التانية دخلت قصدا لليمساج و بديت نحوس على ميساجات الاسم هاداك و بديت نشوف العجب " توحشتك و بون نوي و بون اني و ووووو" ما هدرت والو ما بينتلهم والو وخليتها في قلبي ....
لكن غير كيما كنا في دار عمي كان التيليفون عند بنت عمي هدرت بيه وممبعد جات تعطيه لبابا كان حبط برا وبما انو كنا رايحين حبطتو معايا زدت نشوف اسكو مازال على اتصال بيها او لا وهادي غير كيما باش ما نظلموش برك ..
وهاد المرة شفت لي ميساج تاوعو صدمة اخرى اكبر واكبر ...
هنا بكل صراحة انا زدت كرهت الانسان الي قدام الناس بابا لانو من قبل كنت نكره طبايعو و افعالو و عدم تحملو للمسؤولية لكن اليوم كرهتو نهاااااائيا
ماعرفتش واش ندير ؟
علابالي بيه في علاقة مع مرا على الاغلب تكون متزوجة .. ما كان حتى شي يربطني بيه من غير الدم وصلة القرابة
ما صرف عليا ما رباني ما علمني يعني واش من الفايدة كي راهو في حياتي قدام الناس بابا ...؟؟؟
بكل صراحة انا نكره بابا و فقدت ثقتي فالرجال كااااامل
علابالي بلي كاين رجال ملاح وصالحين و كلش لكن للاسف مانقدرش ندير ثقة في اي شخص مهما كان
وحتى لو درتها ما نقدرش نتحمل صدمة وخيبة مرة اخرى
بابا كسرلي قلبي اكتر من مرة لانه غير حنون غير مسؤول وكانه لقاني في شكارة وجابني لدارو بما انو ما عندوش لبنات عندو 4 اولاد ....
ماعرفتش واش ندير لوكان نقول رايحة نخرب الدار كامل ورح نفضحو هو و نفضح خاوتي و نفسي ...
نسكت غايضتني ماما الي كاتم عليها النفس والهوا وماتخرج ما تشوف ... انا يخليني نروح نشري من المارشي والسوق وهي ممنوع و امور اخرى بزااااف ما نقدرش نقولها قع لانو يبقى بابا مهما كان لكن بالنسبة ليا انا ماعنديش اب
وراني نخمم فالايام الجاية كيفاش رح تكون و وين رح نوصلو ؟؟؟
حتى ماعرفتش نعطيكم سؤال تجاوبوني عليه او تساعدوني بيه ؟؟:!!!!!!
الله المستعان

[اﻻء الرحمن]

حسبي الله ونعم الوكيل ربي يكون في عونكم اختي

[أم شروفة]

مهما فعل يبقى والدك .ربي يكون في العون ولا تخبري امك بما رايته

[*بيتي مملكتي*]

لا حول ولا قوة إلا بالله

أختي عليك بالصلاة و كثرة الدعاء لعل الله يهديه و يرجعو لطريق الهداية

أنا متأكدة 1000 في المئة أنك تحبي أباك فقط الغيض و القهر اللي عيشهولكم هوا اللي يخليك تقولي نكرهو و السبب أنك في كل مرة تقولي يبقى بابا

عزيزتي رغم كل شيء خليك خير عون و سند لوالدتك مهما بلغت الظروف
يجب أن تكوني قوية ليس من أجلك و لكن من أجل والدتك عزيزتي في حال كشف أمر والدك لأن الصدمة ستكون لا محالة قوية عليها

لا أستطيع أن أنصحك بإخبارها كما لا يمكنني أن أنصحك بعكس ذلك لأنني صراحة لا أعلم أيهما الأفضل

لذلك أقول لك أختي التزمي الصلاة و الدعاء له بالهداية

ربي يفرج عليكم عزيزتي و تلقاي غير كل خير

[Princesse Algérie]

الله يكون في العون
لا تخبري امك بذلك و حاولي ان تبقي بجنب امك دائما لتخففي عنها
ادعي الله بظهر الغيب و الربع الاخير من الليل و في اوقات الاستجابة بالهداية لأبيك
و لا تسأمي ابدا من الحياة ما دام الله معنا
اسأل الله لك العون


و في امان الله

[بنت لبحر]

والله حالة صعيبة بزاف كي تجيك الضربة من اقرب الناس ليك

اختي صلي و ادعيلو و استغفري ربي و كتري من الدعاء

ربي يكون معاكم

[ranou gigi]

أه نفختيلي قلبي و الله غير حاسة بيك مهما كان يبقى باباك
حذاري انك تخبري أمك راح تخسريها هي و باباك و تحطمي عيلتك علابالي صعيبة عليك باش تلقي حل و صعيبة علينا باش نلقوا معاك حل لكن شئ واحد ادعي لربي انه يهديه و ارجعوا للطريق المستقيم هذا هو الحل الوحيد
ربي اصبرك

[وهراني89]

الله يجيب الخير

[نارينا]

الله يهدي بعض الاباء يكسروا اشياء جميلة فاولادهم ونهايتها انعدام الثقة وهذه اكبر طامة لان الشخص الفاقد للثقة سيكره نفسه والمجتمع كالاب والاخ والزوج يعني تحطم كلي المهم وكلي ربي وادعيله بالهداية

[نيفرتيتي.]

ماكان حتى حل الا الدعاء وكثرة الاستغفار

[نورسين.داية]

بالنسبة لي الإنسان في سن معين إذا تصرف تصرفات مثل هذه .....ليس لها علاج إلا من نفسه ....يعني برغبة داخلية منه على أن يغير واقعه .....

بالنسبة للأم أو الأبناء ....لا أعتقد أنهم سوف يبنون نية جديدة معه منطقيا ....

عموما يبقى أساس لا نستطيع أن ننكره هو ان الله عز وجل قادر على كل شيئ فلا تنسي الدعاء

[نيفرتيتي.]

يا اختي والله حبيت نرجع نلومك
كيفاه تقولي بابا مارباني ما عيشني علاه شكون كبرك وشكون وصلك لهذا الوقت علاه كاين شكون يصرف عليكم
باين انه كاين مسائل مادامكن ماتقروش بواه يجيب مهما كان ومهما كان بطال هو اللي وصلك باه انك تكتبي في الميكرو
اتقو الله في والديكم
مادام راكي تهدري هكا وماكيش قارة بتعبه مانلوموش عليه وعلى تصرفاته
وعلى بالك بلي اكثر اهل النار شكون هي النسا اللي يقولو على ازواجهم ماعندهم مادارو
لماذا نكران الجميل
اسمحيلي خرجتلك على الموضوع بصح واشي هو السبب اللي يخلي ابوك يعاقب امك ومايخليهاش تزور امها 20 سنة
نعم هذا عقاب وفيه عذاب كبير لازم تشوفو جنابكم يا اختي درك تلقاو الحل لاننا نحن ماعلابلناش بتفاصيل حياتكم
بصح انك تنكري جميل ابوك مهما كان وهذه اخر حاجة انه ظمن ليك عشاك وغداك لانه كايناس مالقوهاش وهذه نعمة من عند ربي

[chamam]

السلام عليكم ...والله غير قطعتيلي قلبي يا أختي ...ولكن ما يستفزني هو الردود تاع الأعضاء ....تابعي جيدا ..هي هده المشكلة مكررة وشائعة هده الأيام

عندنا هنا مشكل ..متكون من جزئين ...ببساطة أبوك هو أبوك مهما كان ...عمروا الدم ..لايرجع ماء ..فصاحبيه في الدنيا معروفا واخفضي له جناح الدل

من الرحمة .

أما عن الجزء التاني ومشكلة الخيانة ..فهي بسيطة جدا ....هي نزوات عابرة لاتقلقي ... ولكن افعلي كما يفعل الكتير فهده المشكلة اصبحت موضة شائعة

خدي رقم تلك ..العفنة ...واتصلي بها من الطاكسيفون ...ولا تقولي لها انا ابنت عشيقك ...قولي لها احشمي يا ويا ويا ...شيطان يفرق بين المرء وزوجه

يا اما تحشم يا اما افضحك ...وزيدي حطي التيليفون تاعها في كل مكان ...في الفايسبوك في جدار ..اعطيه لسهارين الليالي ...سوف تغير رقمها بكل تاكيد

تم اصبري صبر الصياد ....ان اعطت رقمها مرة اخرى لابوك ...فالامور بينهم جادة وليست نزوة ....هنا كما جاء في الحديت اعطي لابيك سبعين عدرا

اول شئ ...يجب ان تعلمي هل ابوك ..يتصرف بارادته ام لا وهو الموضوع الشائع ايضا هده الايام ...الا وهو موضوع السحر ...ارقي دائما الماء واعطيه

بدون علمه بان الماء مرقي ...ورشي البيت ..ايضا ..سوف تتحصلين على نتيجة بادن الله ....كتير من الناس كرهت اولادها وهجروا بيوتهم بسبب اعمال

خسيسة ...من نساء خسيسات ...عملوا لهم السحر وغيره ..وفرقوا وشتتوا عائلات بكاملها ... المهم هي من المكالمة الاولى التي سوف تقومين بها مع تلك

المراة سوف تعلمين من نبرة صوتها ..إن كانت من المنطقة أم بعيدة ...أعرف كتيرا من الرجال ...لديهم علاقات ان صح التعبير تلفونية فقط ...بنات آخر

الزمان تاع جماعة فليكسيلي...وىبال موا ...راكي عارفة ........

وهي المشكلة هادي بدات من يوم ما صدروا لنا الهاتف النقال هدا .....تكلم الكتير هل الهاتف النقال ..إيجابي أم سلبي ...انا اقول دائما ان الهاتف النقال مفيد

جدا ولكن نحن الدول المتخللة ...هو السلبي في سلبي .

[جالب الخيرات]

المشاركة الأصلية كتبت بواسطة نيفرتيتي.

يا اختي والله حبيت نرجع نلومك
كيفاه تقولي بابا مارباني ما عيشني علاه شكون كبرك وشكون وصلك لهذا الوقت علاه كاين شكون يصرف عليكم
باين انه كاين مسائل مادامكن ماتقروش بواه يجيب مهما كان ومهما كان بطال هو اللي وصلك باه انك تكتبي في الميكرو
اتقو الله في والديكم
مادام راكي تهدري هكا وماكيش قارة بتعبه مانلوموش عليه وعلى تصرفاته
وعلى بالك بلي اكثر اهل النار شكون هي النسا اللي يقولو على ازواجهم ماعندهم مادارو
لماذا نكران الجميل
اسمحيلي خرجتلك على الموضوع بصح واشي هو السبب اللي يخلي ابوك يعاقب امك ومايخليهاش تزور امها 20 سنة
نعم هذا عقاب وفيه عذاب كبير لازم تشوفو جنابكم يا اختي درك تلقاو الحل لاننا نحن ماعلابلناش بتفاصيل حياتكم
بصح انك تنكري جميل ابوك مهما كان وهذه اخر حاجة انه ظمن ليك عشاك وغداك لانه كايناس مالقوهاش وهذه نعمة من عند ربي

هاكذاك اكونوا الفحلات.......................................شكرا .................. آآآآآآآآآآآآآآآه .................فشيتيلي قلبي فيها.

[جالب الخيرات]

:* إن من أزواجكم و أولادكم عدو لكم فأحذروه................*...........عجبا أن تقولي ليس له فضل عليك.......
و الأعجب قولك أنه لم يفعل لك شيئا..............................و لكن أرد عليك أنه فضله قبل كل شيء أنك على هذه الأرض في هذا الوجود.................ثم فضله عليك أن إعتنى بك و علمك...........و رعاك.....................أليس هذا من الجميل الذي لابد من رده..................أختي قد حكمت على والدك من خلال sms لا غير.......................لو كان ممن يقراؤون الحيلة لما.أعطاكم الهاتف ..................أختي الكريمة لقد ظلمتي والدك أيما ظلم...................والدتك أدرى به.................و ليس أنت فلو أن به من شئ كما تقولين لكان .....يراعي الخفية و تجنب مسك هاتفه و لكن لأن قلبه صاف و سجيته نقية فكل من يطلب هاتفه يعطه إياه لأنه ليس لديه ما يخفيه...........حكمت على والدك من خلال رسالة و من من من رجل كما تقولين ................... عجبا لك لقد ظلمت والدك أيما ظلم فلو كان كما تقولين لما ترك الرسائل بالمرة بمعنى لمحاهم من الهاتف أضافة إلى ذلك و.........................بالرغم من كل شيء........فإن من يعش معك 4 من الذكور..................لربما احدهم هو من يرسل الرسائل...........خاصة و أن والدك لا يمسك الهاتف أبدا.................و هذا بقولك............................و الله إنه لمن السخرية أن تحاكمي والدك و تنسبي الفضل لنفسك و هو المتفضل................................ و لا تقل لهما أف........................و قل ربي إرحمهما كما ربياني صغيرا...................... أختي الفاضلة لا تعرف قيمة الشيء إلا بعد فقدانها...........................فلما تفقدي والدك ستعرفين ماذا سيترك لك من فراغ ........................أختي الفاضلة حسبك........................أن تستغفري ربك لما أذنبتي ذنبا كبيرا......................حسبك أن الله قد قرن طاعته بطاعة الوالدين.........................حسبك............. ........و كفى............................أختي لا أستطيع الرد ........................فلقد أرعبتني من فرط ما تقولين عن والدك الذي مهما ما تكن صفاته يبقى الوالد الذي كان له كل الفضل كل الفضل في وجودك..................أعلمك لن تجدي بعد الله من يحن عليك أو يحبك مثل والدك............................و لو كان في ظاهره كما ذكرتي.........................................إستغ فري الله و توبي لبارئك .................................................. ......فعقوق الوالدين كبيرة..........................و هذا من ضمن العقوق التحدث عن الوالدين و ذمهم في ظاهر الغيب......................فالأجدر الدعاء لهم في غيبتهم بالخير لا التجسس عليهم و ذمهم و التكلم عليهم بما يخدش الحياء في غيبتهم...................الله يغفر لك.................................و كفى........................