مشكلة من بسيطة الى عويصة

[مشكلتي]

مشكلتي تكمن في ان زوجي يردني مثل باقي النساء اتصرف اتذمر ابكي اغضب اتصرف بطيش فانا بطبيعي ناضجة اتميز بشخصية متزنة و هادئة اتصرف بعقلانية ووفق شرع الله
لكن زوجي يريد العكس
يعني تصرا مواقق ومشاكل كبيرة انا نلتزم الصمت وااهدوء هو لا يريدني اغضب وهكذا
حتى انه اصبح يتذمر ويقول لي انه لو يتزوج بصغيرة افضل
ماعرفتش هل الخلل في او فيه

[قدور بن عاشور]

زوجك يحبك ديري شوية
ولما قال يتزوج بوحدة صغيرة أظنه يقصد أن تصرفاتك تاع عجوزة تاع 90 سنة

[nadir_telecom]

يا سيدتي صحيح أن المرأة المتزنة و العقلانية حاجة مليحة ليها كشخص بصح من جهة زوجك الصبياني ديما محساتيه بالنقص على هديك قالك نتزوجها صغيرة باش يتحكم في زمام الأمور بالنسبة للمشكلة ماهيش فيك بصح إذا راكي كيما تقولي على شخصيتك لوكان تزوجتي راجل رزين و ناضج بالاغك تتفاهمو خير و بالنسبة للحل نوصيك هبطي نيفو شوية و جيحي معاه و يحبك تزفي إزغفي و مع الوقت توالفي الجياحة نورمال و السلام

[ع.عيسى]

صراحة زوجك طبيعي ، فهو ببساطة يحوسك تتدلي عليه وتتقلشي عليه باش يرضيك فهو من النوع الذي تطغى عليه غريزة الابوة،، لذلك ساعة على ساعة ازعفي عليه ، شنفي في وجهه ، تددلي عليه ، تصرفي معاه وكانك ابنته صاحبة 5 سنوات صعبة الارضاء، ولكن دون جياح

[هـــدوء]

راكي فاهمة الرزانة و الهدوء بشكل خاطيء...
لازم تكوني في منطقة وسطى..
كاين مواقف يتحكم فيها عقلك و حكمتك و مواقف تتحكم فيها أمور أخرى...
طفولتك، أنوثتك، حيويتك، براءتك... و كل واحدة عندها وقت تظهر فيه...
ماتقدريش في كل المواقف لي بينكم ديما تغلبي جانب العقل و الاتزان منك...لا
الأسلوب هذا يخليك غير متفاعلة في العلاقة و ين تباني عنصر جامد ممل و روتيني.
الحياة جميلة بعفويتها و بتلقائيتها، لازم تكوني مرنة وين تتحطي تتفاعلي...
تكملي هك يهرب السيد و هو غير ملام على فكرة.