|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2018-07-31, 21:44 | رقم المشاركة : 1 | ||||
|
قراتان بطاطا بالدجاج
مساء الخير بطبوطات راني زعفاااااانة منكم بزااااااااااااااااااااااااف ............... حطيتلكم وصفة كاب كايك الباونتي وانتظرت دعوات خير كاشما يجيني واقيلا مادعيتوش مليح ولا ماشي من صماصيم قلوبكم .................. زعمة رجعت بقووووووووووة .... قريب طارت عيني ............ اليوم جاتني الفحالة نضت طول الصباح ( نستغل زعمة في العطلة ) قلت ندير الميناج مدام طهارة زكرياء قربت ياسيدي وأنا نحك في الكوزينة بكل ضمير طارلي "لاسيد" دخل في عيني قريب لا راحت ..... ضرك راني نكتب في الموضوع وانا مغمضة عين وفاتحة عين تقول نغمز ... ملي كنت نديرفي الميناج عشيت ندير في التراتمون نتاع العينين المهم ، رايحة نزيد نحطلكم وصفة لذييييييييييذة جدا نتاع قراتان بما أنو فصل الصيف موسم الاكلات الخفيفة ..... بصح بلاكو هذي المرة ماتدعيوش مليح أهاااااااه راني نهز شنافتي ونحرمكم من الميراث ( الوصفات ) للأمانة الوصفة راني هزيتها من عند وحدة جازاها الله خيرا حطت مجموعة كبيرة من الوصفات المصورة في الفايس .... انا طبعا حرفت وغيرت فيها ودرتلها الماكياج تبدلت شوية على هذي حبيت نحطلكم طريقتي ..... الوصفة والطعم أكثر من رااااااائع وخاصة أنو مايجيش ناشف كأنو كريمي من داخل وطبعا الاسكالوب مع الجبن وشوية الصوص والتوابل طعم ولا ألذ وبحر على الريجيم ههههه خلي الحريرات يزيدو ..... تحيا لاطاي الجزائرية ننصحكم جربوه مع انو الدجاج هذو ليامات راهو سعرو غالي جدا تقول الدجاجة تهدر لغات ولاّ متخرجة من جامعة "السوربون" ..... بصح على بالي بيكم فحلات كي يرخس الجاج تشريو وتخبيو في المجمد شعارنا .... " كولي وماتخليهاش في قلب ... ماكانش خير من التكلبيز " أترككم مع الطريقة وصور المراحل : قراتان البطاطا والدجاج المقادير: بطاطا مقطعة شرائح ومقلية ، قطعة اسكالوب مقطعة مكعبات، حبة بصل مقطعة مكعبات صغار، 2 حبات طماطم مرحية، 3 بيضات، نصف كأس كرام فراش، هريسة (اختياري)، جبن مبشور التوابل : ملح- فلفل أسود- بودرة ثوم- توابل الدجاج الطريقة : - نقطع البطاطا شرائح رقيقة ونقليها بدون ما تتحمر . - في مقلاة نحط شوية زيت ونقلي الاسكالوب حتى يأخذ اللون الذهبي ثم نضيف البصل ونقلي حتى يذبل مليح ويأخذ اللون الذهبي ثم نضيف الملح والتوابل ونقلي شوية ثم نضيف الطماطم المرحية ونقص للنار ونخليها تطهى على مهل وما نشفهاش بزاف . - في صحن نخلط جيدا البيض مع الكرام فراش و شوية ملح ورشة فلفل أسود وثوم بودرة . - في صينية الفرن نضع البطاطا ونصب عليها القليل من خليط البيض ثم نضع الدجاج ونصب باقي خليط البيض - ونضيف كمية مليحة من الجبن المبشور . - ندخلها للفرن في الرف الوسطاني على 180° مدة 10د – 15د فقط حتى ينشف البيض ونخرجها مانخليهاش طوّل باش مايتحرقش ومانشفش بزاف . - تقدم مع سلطة خضراء . - ممكن نعملها في غامكان بشكل وجبات فردية مثل الصور في الأسفل ... انا هنا عملتها في الصينية اللي تتفتح من الجنب وحبيت نعملها بديكور مميز مثل صاحبة الوصفة وأنتوما كيما حبيتو . وهذو الصور : وللامانة هذي الوصفة الأصلية مانديروش كيما الناس اللي تسرق الوصفات وتنسبها لنفسها بكل صحانية وجه ماتنساوش هذي البطبوطة اللي كتبت الوصفة بدعوات خير" عيد وعواشر " كيما يقولوها العجايز تحياتي ............ انا لهلوبة
|
||||
2018-07-31, 22:06 | رقم المشاركة : 2 | |||
|
جزاك الله خيرا أختي إلهام |
|||
2018-07-31, 22:40 | رقم المشاركة : 3 | |||
|
هههههههههه عجبتني الطريقة اللي طرحتي بيها الموضوع |
|||
2018-07-31, 23:25 | رقم المشاركة : 4 | |||
|
طهورا ان شاء الله و شكرا على الوصفة |
|||
2018-07-31, 23:49 | رقم المشاركة : 5 | |||
|
السلام عليكم و رحمة الله و بركاته |
|||
2018-08-01, 00:29 | رقم المشاركة : 6 | |||
|
يعطيك الصحة حنونة و على سلامتك فرحت بزاااف كيف شفتك رجعتي للمنتدى ربي دومها ان شاء الله و زين يامك مام انا راح نرجع نحط وصفات مي مش ضرك مازال ضاربني التفنين هعهع* |
|||
2018-08-01, 10:02 | رقم المشاركة : 7 | |||
|
ربي يحفظك من العين اختي الهام و طهور انشاء و ربي يفتح في وجهك بيبان الخير و ينولك اللي في بالك و يحقق لك اماني انشاء الله اختي و كي العادة كلش بالطبع و الشان و بدون تعليق الصور تتحدث عن نفسها ما تحتاج حتى تعليق |
|||
2018-08-01, 17:48 | رقم المشاركة : 8 | |||
|
شكراا جزيلا إلهام ربي يجازيك ويشفيك إنشاء الله |
|||
2018-08-01, 21:15 | رقم المشاركة : 9 | |||
|
جزاك الله خيرا. حفضك من كل مكروه وفي ميزان حسناتك |
|||
2018-08-01, 21:18 | رقم المشاركة : 10 | |||
|
الله اكبر وشي هدا رجعتنا الحبوبة الهام بأطباقها الرائعة ... وانا نقول وشبيه المنتدى منور وهذا انت لي رجعتي ...نتمنا ما تزيدش تغيب على هذا اللمة الحلوة . |
|||
2018-08-01, 22:43 | رقم المشاركة : 11 | |||
|
بااااااااااااااخاااه والله ماحبيت يخلاص جرنانك |
|||
2018-08-02, 13:38 | رقم المشاركة : 12 | |||
|
اهلااااا لهلوبتنا الغالية طهورا ان شاء الله وربي يرزقك من حيث لا تحتسبين واش متمنية واطباقك مضمووونة الف في المئة |
|||
2018-08-02, 14:12 | رقم المشاركة : 13 | |||
|
سبحان الله البارح بنتي سقساتني عليك قاتلي الهام تاع الجلفة مهيش تدخل تحط وصفات قلتلها راهي عطلة بلاك تدخل عمرك طويل جيتي وجبتي وصفة لذييييذة كما المعتاد ربي يشفيك من عينك ويسهلك امورك ويفرحك بلي متمنيا يا احلا شاف والله غير دعوة من القلب لانك تستاهلي ومدام راكي توجدي للطهارة تاع زكريا باين الحلوي راح تكون من نصيبك متنسيناش حطيلنانتمتعو اذا قدرتي والف مبروك مسبقا |
|||
2018-08-02, 17:23 | رقم المشاركة : 14 | |||
|
روعةةةةةة عزيزتي الهام يا فنانتنا و الحمد لله الي خرجتلك سلامات و سلامة عينيك يا العذرا ديالنا و مبروك مسبقا ختانة الزين زكريا العاقبة لزواجه و كاليوم نفرحو بيك الهامووو مرسيييي عليك
|
|||
2018-08-03, 00:13 | رقم المشاركة : 15 | |||
|
اهلا وسهلا والف مرحبا،،،بطيبة كلامك وخفة دمك،،ربي يحققلك ما تتمني يا رب،،والله كل ما نقرأ مواضيعك نشبع ضحك،،،حتى ننسى نقرأ وصفاتك،،لا بأس عليك حبيبتي وطهورة ان شاء الله،،واكيد طبقت عدة وعدة وصفات،،خاصة البطاطا المسروقة،،،نموت عليها،،ربي يجازيك،وان شاء الله ما تغيبيش بزاف |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc