استفسار........

[وردة الروح1]

السلام عليكم البنات انا حبيتكم تعاونوني عندي 17 سنة نعرف برك السلاطات w les gratains
راني حابة نستغل الصيف ونتعلم كل شيء خاصة الاطباق الرئيسية بصح راني حايرة كيفاش نبدى هههههه قولولي واش احسن وقت نطيب الصباح ولا العشاء هههه وادا حبيت نطيب الصباح وقتاش لازم نوض وواش هي القواعد اللي مالازمش نسمح فيهم
وشكرا ليكم بزاف على هاد المنتدى الرائع

[samado100]

اختي انا عندي15 كلش طيبه حتى القاطو اختي اعطيك نصيحة كي تدخل يماك للمطبخ دخلي معاها وبقاي تسقسي فيها كيفاش عملتي هادي....................... لخطر انا تعلمت كيما هاك
ورب يكون معاك ماتنسايش اول حاجة الديريها صوريهانا وريهانا

[kala11]

بارك الله فيك على الإرادة والهمة انتي ابداي وربي يعاونك
تحبي تبداي بles gratins حاجات خفيفة تصلح للصيف وماشي صعبة وثاني ما تمليش منها
الوقت كيما تحبي انتي مرة صباح مرة لعشية على حسابك انتي و أمك
والصباح عادي نوضي في الوقت الثامنة أو التاسعة ولا حتى العشرة على حسب الشغل نتاع الدار إذا كاين بزاف ولا لا
ربي يبارك فيك يا الشطوووووووووووووووووورة

[الأمنيات]

اهم شيئ كي تدخل الوالدة للمطبخ شوفيها وتبعيها واش دير وكيفاش تبدا
من بعد ابدي بتاع العشاء لان معظم الناس العشاء يكون شيئ خفيف كراتان وسلطات
من بعد ديري الفطور ربي يوفقك
عندك تاني رمضان في الوقت الصباح تعلمي بوراك والي حبيتي تتعلميه ديري الصباح باش لو خسر لك تقدري تصلحيه

[وردة الروح1]

ربي يحفظكمم ان شاء الله زدتو شجعتونييي