راني مغمومة

[samirabahi]

السلام عليكم اختي لما هذه الحصرة احمدي الله على ما انت فيه فالدنيا مكاتيب اختي

[زرقـآء اليمآمـة]

السلام عليكم
اختي الكريمة وفى من سبقني وكفى ولكني اردت اضافة شيء ........ الانسان بطبعه غير قنوع ضعيف امام الدنيا الا من رحم ربي ........... اعلمي ان الكثيرات يتمنين مكانك ويحسدنك عليه ، وربما عرفت مشكلتك على حسب الخصوصية التي ميزتها بها ......... اقول لك استعيني بالله اقرئي القرآن إنه شفاء لكل داء ............. تعلمي التجويد حتى تطردي الشياطين والوساويس التي تسكن نفسك ........... ولا ننكر ان اي انسان ان ابتعد عن دينه وقرآنه تحتضنه الوساويس وتقيده الشياطين فلا تدعي لها منفذا اليك .................. ربي يهنيك والله المستعان

[سهيلة2013]

يا اخت ادا راكي عايشة غاية و هانية في دارك علاه تحوسي على المشاكل
راه عندك راجل و دراري الله يبارك
اما ادا راجلك قابل باه تخدمي الله يبارك ادا ما قبلش ولادك خير

[فاطمة1418]

انا عندي ليسانس و قاعدة في الدار
الحمد لله عايشة مع زوجي و ابني الوحيد و في هذه الفترة لا اريد ان اعمل بل تربيتي لابني و مارسة واجباتي المنزلية اولى
تقدري تتفاهمي مع زوجي تخرجو تحوسو شوية و تغيرو جو و لو مرة في الشهر

[أم مبين]

السلام عليكم أنت أختي في نعمة تحسدين عليها لأن الأمر ليس بالهين أنك تعملي وأنت أم ومتزوجة المسؤولية تزداد صعوبة هدا مادفعني أنا لان اقرر ترك العمل السنة المقبلة واللاه تعب بزاف علني أجد ظالتي في تربية ابني تربية صالحة والقيام بمسؤولياتي على أتم وجه

[البنت الحنونة]

ونعم بالله شكرا لكم على الاهتمام اعذروني لانني ماعرفتش كي نكتب المشكلة تاعي كنت قانطة بزاف وخرجت لي في قلبي و خلاص انا انسانة مؤمنة وحافظة القران و الحمد لله بصح دي فوا كاين شي عقبات في هذ الدنيا يخرجو العقل والله انا من كترت لي حسيت روحي ندليت ولات تبالي درت غلطة بصح درك تكلميت وكي قريت ردودكم تاني عاونوني شكرا ودعولي

[(( هبة الرحمن ))]

المشاركة الأصلية كتبت بواسطة البنت الحنونة

ونعم بالله شكرا لكم على الاهتمام اعذروني لانني ماعرفتش كي نكتب المشكلة تاعي كنت قانطة بزاف وخرجت لي في قلبي و خلاص انا انسانة مؤمنة وحافظة القران و الحمد لله بصح دي فوا كاين شي عقبات في هذ الدنيا يخرجو العقل والله انا من كترت لي حسيت روحي ندليت ولات تبالي درت غلطة بصح درك تكلميت وكي قريت ردودكم تاني عاونوني شكرا ودعولي

ربي يفرج عليك و يبعد عنك الهم والغم ساعات تمر على كل واحد فينا يقنط ويكره ...يستغفرالله ..يرجع كل شي عادي ...

يا اختي راكي في وهران ...اخرجي ديري دورة ( فروندمار) ....شوفي البحر تنساي هم الدنيا ...

قولي لزوجك يخرجك ماشي دايما مرات برك .....واخطيك من الخدمة .....

[eBusiness]

المشاركة الأصلية كتبت بواسطة البنت الحنونة

ونعم بالله شكرا لكم على الاهتمام اعذروني لانني ماعرفتش كي نكتب المشكلة تاعي كنت قانطة بزاف وخرجت لي في قلبي و خلاص انا انسانة مؤمنة وحافظة القران و الحمد لله بصح دي فوا كاين شي عقبات في هذ الدنيا يخرجو العقل والله انا من كترت لي حسيت روحي ندليت ولات تبالي درت غلطة بصح درك تكلميت وكي قريت ردودكم تاني عاونوني شكرا ودعولي

أختاه ما يحدث بينك وبين زوجك بين جدران بيتكم لا يسمى ذل يا بنت الأكابر بل يسمى مطبات حياة تزول بإذن الله

[البنت الحنونة]

انا راني متمنية غي نروح عند لا فامي عند جداتي عند خوالي عمامي يجو عندي للاسف هذا ممنوع حتا واحد ما يجيني وما نروح عند حتا واحد منعزله

[eBusiness]

المشاركة الأصلية كتبت بواسطة البنت الحنونة

انا راني متمنية غي نروح عند لا فامي عند جداتي عند خوالي عمامي يجو عندي للاسف هذا ممنوع حتا واحد ما يجيني وما نروح عند حتا واحد منعزله

هل تقصدين أن زوجك لا يسمح لك بزييارة جدتك مثلا؟ أم أنك تسكنين بعيدا عنهم لهذا يستعصي عليك زيارتهم؟ وهل زوجك لديه سسيارة وامكانيات لزيارة الاخرين؟

[البنت الحنونة]

الاحتمال الاول للاسف

[مريم الصابرة]

السلام عليكم أختي
اولا قضية راكي غالطة أكيد غالطة ماراكيش ماشينة اولا إسمك أم وزوجة وربة بيت ولك رسالة كبيرة ومسولية قدام ربي غيرك يتمنى يكون في مكانك الحمد لله كاين متزوجات ومحرومات من الأولاد كاين ما تزوجوش ومحرومين في وقت يعيشو ظروف مع الاهل صعبة جدا يتمناو الستر وفقط قوليلي لو كملت وخدمت واش هي حياتك اللي ما عشتيهاش
تخدمي ومن بعد تدي شهرية واش ديري بيها تاكلي تشربي تشري واش تحبي وزوجك حارمك ما راكيش تاكلي ما راكيش تلبسي ولادك محرومين يعني دوري دوري لنفس النقطة زيدي واش هي أحلامك تشري سيارة وهل سيارة تعوض كلمة ماما من وليدك أو كلمة طيبة من زوجك يا بنت الناس الشيطان يوسوسلك إنعلي بليس وشدي دارك غيري برك الروتين ديري أعمال اخرى فالدار كروشي خياطة او طرز المهم فرغي الوقت الفارغ وخلي بالك مع اولادك احلامك شوفيهم في ولادك هوما يعيشو هذي هي الدنيا وإنت ناقصك تعب وجري فالكيران الله يهديك تخرجي من دارك تروحي لغبار الزنقة صدقيني نصف العاملات خدمو وندمو ريحي بالك وإستغفري مولاك
الله يهديك

[مريم الصابرة]

المشاركة الأصلية كتبت بواسطة البنت الحنونة

انا راني متمنية غي نروح عند لا فامي عند جداتي عند خوالي عمامي يجو عندي للاسف هذا ممنوع حتا واحد ما يجيني وما نروح عند حتا واحد منعزله

السلام
علاه ما تروحش وما يجوكش راجلك مانعك عليهم شوفي الاهل منعهم وكيفاه يخليك تخدمي هذا فرضا لو فتحت معاه فكرة العمل
وزيدي اختي الاهل ما حقوش يمنعك عليهم شوفي باباك او خوك يهدر معاه من حقك تزوري اهلك ويزوروك

[bellaluna]

ربي يفرّج عليك أختي و يهوّن عليك صعاب الدّنيا..صدّقيني كلّ شخص له ظروف و مشاكل حتى و نحن النّاصحون لك لدينا من الضغوط ما ينفطر لها القلب و الحمد لله على كلّ حال..
مكوثك في بيتك و عنايتك بزوجك أغلى مهنة في العالم و مهما حدث في حياتك من ظروف خاصّة فتأكّدي أنّ الله لطيف بعباده و ما قدّر لكِ أمر إلاّ لأّن فيه الخير..أقول هذه النّصيحة لنفسي أوّلا ثمّ لكِ..و ربّي يهنيك و يشرح صدرك و يباركلك في ذرّيتك.
آمين.

[eBusiness]

المشاركة الأصلية كتبت بواسطة البنت الحنونة

الاحتمال الاول للاسف

أفهم أختاه وضعك كما أفهم وضع زوجك، أختي الكريمة الكثير من الرجال يمنعون زوجاتهم من زيارة الأقارب وهذا غيرة من زوجك عليك لا ظلما لك في أغلب الأحيان لكن أظن أنه يسمح لك بزيارة أهلك (والديك، إخوانك وأخواتك) ؟؟؟ إن كان ذلك اصبري يا بنت الأكابر واغتنمي الفرص حينما تكون جدتك في بيت أهلك زوري أهلك حتى تلتقي بجدتك والاقارب الاخرين لكن صدقا أتفهم أن زوجك غيرة لا يسمح لك بأن تزور الأقارب لكن ليس عيب أن تأتي جدتك عندكم للدار فأنا مثلا أحب الناس الكبار من جدة وجد وأحب لو أستضيفهم عندي لأيام لما فيهم من بركة إلا إن كان لزوجك مشاكل مسبقة مع أقاربك؟؟؟