لماذا تغير الفتاة رقمها عندما تتزوج

[samirovich]

اعرف فتاة تعمل في احد الادارات
وهي على درجة كبيرة من الادب والاخلاق
من البيت الى الادارة ومن الادارة الى البيت
حاولت الاتصال بها في احد الايام
كي تقضي لي بعض المصالح الادارية فوجدت رقمها مغلق
وعندما سألت عن سبب اغلاقه قالو لي انها تزوجت وغيرت رقمها
وبعد عدة اشهر سمعت خبر انها تطلقت
وكي اتاكد من الخبر اتصلت برقمها القديم فرن هاتفها
فعرفت ان خبر طلاقها صحيح

[*رحيق الجوري*]

هههههههه حنين الى الماضي

[جمعي البشاري]

فيلم رومنسي خيالي

[asma.asouma]

ma3raff hadi awal mara nasma3 biha kima tazawaj lfatat tbadal nm nta3ha
koul wa7d 7or fi nafso

[salem1985]

هههههههههههه لانها اصبحت لرجل ولا بدا ان تتخلى عن حياتها القديمة ومن حق الرجل ان يمنعها من كل ما له علاقة بالماضي

[imi02i]

ممكن لديها إزعاج عبر الهاتف
ممكن زوجها منعها من التواصل مع الآخرين
الأسباب كثيرة...

[ailemak]

المشاركة الأصلية كتبت بواسطة imi02i

ممكن لديها إزعاج عبر الهاتف
ممكن زوجها منعها من التواصل مع الآخرين
الأسباب كثيرة...

ya hanouna, taw9i3ek habelni hahahhaha

[ailemak]

w nzidlek haja wahdokhra, ana gatli ma tante nahi ga3 les numeros te3 wledi rjel, ki goulteha 3lech se sont mes cousins berkn gatli nonnnnnnnnn, kayen rajel li mayebghich hada chi, , w cvrai nahit, w daber rasha m3a wledha hahaha hiya li gatli nahihoum, haka mayeza3fouch 3liya
w rjel yzidou yfahmouna eske keyen menha ou pas???????

je pense hada chi 3adi akhi ki tbedel la puce, pske c bon rahi mert rajel, w machi jaya y3ayetelha w la t3ayet lwahed tekhdem m3eh,

[no name rix]

تخلت عنه حتى لايكتشف زوجهااا أنها تسهر اللايالي مع الهاتف
ورجعت اليه بعد طلاقهااا لانهااا احنت لتلك اللايالي
الله يهدي لقلوب الكل يعرف الاسباب لكن يتهرب من الحقيقة
وأنت أخي بأي حق تملك رقمهاا وهل عائلتها تعلم ذلك ؟؟

[kidsama]

الحنين الى الماضي راك فاهم ههههههه

[ام رابحة]

انا راني مخطوبة و غيرلي هو رقم هاتفي علابال كانو يعيطولي فيه بالابال ماسكي و هبلوني الليل مع النهار تقول تلفون مايحطوهش من يديهم كي غيرت رقم تلفوني ماعطيتهش للناس خليته برك لاخواتاتي و صديقاتي ثلاثة برك لي نتواصل معاهم دايما و ماعطيتهش للعايلة الكبيرة عندي فالعايلة بنات مانثقش فيهن الله غالب نعرف بلي تلفوناتهم يرفدوهم رجال و ممكن حتى يعطو رقمي لواحد يعيطلي مانديرش لامان فيهم وانا راني بانتزوج و ندير دار و اولاد ونتهنى في راسي مانحوسش نخسر حياتي بسبتهم
انا هادا السبب علاواش بدلت رقم تلفوني

[زهرة لرضوان]

لي صديقات لم يغرن أرقام هواتفهن وحتى اختي رقم هاتفه يمكن أن يكون من التاريخ لكل أفكاره وقناعاته المهم أن يكونوا سعداء حتى ولو ينزع عنها الهاتف نفسه سلالالالالالالام

[ماري نت]

المشاركة الأصلية كتبت بواسطة no name rix

تخلت عنه حتى لايكتشف زوجهااا أنها تسهر اللايالي مع الهاتف
ورجعت اليه بعد طلاقهااا لانهااا احنت لتلك اللايالي
الله يهدي لقلوب الكل يعرف الاسباب لكن يتهرب من الحقيقة
وأنت أخي بأي حق تملك رقمهاا وهل عائلتها تعلم ذلك ؟؟

السلام عليكم ،اتق الله أنت لا تعرف المرأة فلا تتهمها في عرضها، عيب وعار وحتى لو فرضنا أن ذلك صحيح دعها بينها وبين مولاها ،الستر مليح

[catia]

تغير رقم الهاتف ليس بالضرورة لدفن الماضي قد يكون هناك ازعاج او اي سبب اخر فاتقوا الله في اعراض الناس

[امينة النايلية]

لا حول ولا قوة الا بالله

رجال اخر زمن اي وحدة تتخطب يبدللها راجلها الرقم

_اما يبعثلها هاتف وla puce فالخطبة واكيد مش رايحة تمدولك ليك باش تقعد تتمسخر بيها.

_واما كيتتزوج ينحيلها الهاتف ويقلها اهدري من عندي ومع يماها فقط .

ومادام طلقت رايحة ترجع لحياتها الطبيعية


ووووهذيك المقدمة لي درتها تاع احتجتها وعيطتلها... انا نقلك ماناش اغبياء باش نصدقوك

نتا سمعتها تزوجت حبيت اديرونجيها !! خدمتك غير تقرعيج ولخبار تاع فلانة وفلتانة

وقيلا نخيرو الرجالة لي قريب ينقرضو والباقي نديرو عملية مقايضة

زوج ذكور من عندنا مقابل راجل سوري

واذا راجل تركي نمدولهم اربع اشباه رجال من عندنا مقابل راجل تركي