كفاه ندير بش تبطل

[مشكلتي]

السلام عليكم
بدون ذكر للتفاصيل انا امرة متزوجة في عايلة وعندي مطبخ وحدي مشكلتي حماتي مين داك تجيبلي ماكلة من لي طبختها هي ولا بناتها
حابة عجوزتي تبطل ماتجيبلي ارجو منكم الطريقة المناسبة ؟

[toulay]

وعليكم السلام ورحمة الله وبركاته
كون جات متجيبلكش تقول واشبيها هاذ لعجوزة جيعانة جامي غلطت وتفكرتني خصوصا لو انت مين ذاك ذوقها من ماكلتك
وبلاك هي راهي تبعث لولدها
الحاجة الوحيدة لنقدر نقولهالك هي الله يهدينا وفرات
بالتوفيق

[أثر]

السلام عليكم
حق لها أنها تجيب أكل لإبنها وماعندك اي حق تمنعيها
حنا تاني نبعثوا للجيران مين ذاك نقولوا ممكن سخفوا
استهدي بالله يا اختي راهي في مقام والدتك
مدام لم يصدر منها اي سوء أو اي شيئ مريب خليها تجيبلك وتزورك مين ذاك ياخي ماراهش تجيك كل يوم
ربي يهدي النفوس...

[بسمة ღ]

السلام عليكم ورحمة الله وبركاته
الامر عادي أختي الغالية ⁦☺️⁩
افعلي نفس الشيء ، قومي بإعداد اطباق و قديمها لها ، و بهذا لا تشعري بالثقل أو شيء من هذا القبيل .
موافقة ان شاء الله

[educate]

لوكان ما جبليكش تقولي علاه و كي راهي جيبلك علاه، يا اخت كيما قالولك كي راهي جيبلاك مدلها انتي و احمدي ربي عجوزتك عاقلة و فيها الخير

[razek200]

تاسلام عليكم
الافضل متشعريهات انك انزعجتي منها اقبل منها كل طبق واذا محبيتيش تاكليه عادي المهم متخليهاس تحس انك تقلقتي منها

[فطيمة 03]

قصدك ما كش حابتيها تبعثلك من ماكلتها باش انت ما تعوديش مضطرة تبعثيلها من ماكلتك بدورك ، الله يهديك يا اختي

[noursm]

وش فيها كي تبعتلك يعني ؟
سامحيني اختي بصح انتي قاعدة تحوسي على المشاكل

[yassefe]

ربي يهديك هدا مشكل يحكيو عليه الناس

[ريتال2]

سلام

الله هذا مشكل هو شيء عادي هيا راهي تتفكر ولدها راهي تجيلو اكل عادي علاه تكبري فيها احمدي ربي لانها راهي تجيبلك كاين متفكروش بكامل

بالعكس اقبلي الطبق بكل فرح وسرور ونحطو في مائدة طعام عادي معندكش حق تمنعيها لن تقدم طعام لولدها وانت كذلك يجب عليك ان تقومي باعداد طعام وارسالو لها كذلك

والله نعرف ام تقول بلي منقدر ناكل بلاما ياكل ويذوق ولدي

ربي يهديك

[مومي23]

اه غريب غريب غريب ماهذا الكلام
المراة تجيبلك في الاكل و انت تشكي
عيب عليك اختي

زوجك من حقو ياكل من ايدك و ايد امه و اخواته
طيب انت عادي و اذا جابتلك حط لزوجك نتاعك و نتاع امو و خليه ياكلو منهم الاثنين

هذا مشكل هذا
وردي بالك تتكلمي مع زوجك و تقلو مانحبش امك تجبلي ماكلة و الا اخواتك
و حابة انت تخلقي العداوة
اتقي الله اختي
عجوزتك و ان كانت فيها نقائص مثل جميع العجائز فيها خير تجيبلك الاكل

[*عبدالرحمن*]

نشرت صاحبه المشكلة موضوع اخر

https://www.djelfa.info/vb/showthread.php?t=2222973